Wuj Richin ri Chojmirisabelri'il 23:31 - Kaqchiquel Bible
31 Kan man jun k'a isamaj xtiben chupan ri q'ij ri': Y re' kan jun pixa' ri nuya'on richin q'asen chiwe rix y chike ri iwijatzul, y kan xtichajij k'a xabakuchi ta ixk'o-wi.
Jare' k'a ri ninya' chiwe rix re wakami y nok k'a jun ruchojmilal richin q'asen. Kan xtisuj k'a jun kamelabel jun bey pa jun juna' roma ri imak, richin nink'en chik iwech, xcha' ri Jehová chire ri Moisés. Y ri Moisés kan xuben k'a achi'el ri xubij ri Jehová chire.
Pa nabey, k'o chi nisuj ri sipanik ri', y k'ari' utz niben kaxlan-wey chire o niwotz'otz'ij pa q'aq' richin nitej. Chuqa' utz nitej choj keri' toq isujun chik ri q'etaj. Re ruchojmilal re' kan jun pixa' richin jantape' ri nuya'on chiwe rix, y xabakuchi ta ixk'o-wi.
Chupan k'a ri q'ij ri', rix kan xtiben k'a jun nimaq'ij richin niya' nuq'ij y kan man xtiben ta k'a samaj achi'el nikiben ri samajela' ri e yuqul pa samaj, re' kan jun pixa' ri nuya'on chiwe richin q'asen, kan xtikiben ri iwijatzul xabakuchi ek'o-wi.
Re' kan q'ij richin uxlanen chiwe rix: Xtichajij k'a iwi' y man yixwa' ta toq nik'is-qa ri q'ij beleje' y nibetane' tiqaq'ij chire ri lajuj q'ij, xcha' ri Jehová.