Wuj Richin ri Chojmirisabelri'il 23:17 - Kaqchiquel Bible

¹⁷ Rix y ri aj pan iwachoch, k'o chi nik'uaj-el ri sipanik ri' richin nisuj chinuwech; ka'i' kaxlan-wey nima'q, y chikijujunal nikusaj kaji' libra k'ej chayun ri más jebel, y ri kaxlan-wey ri' banon rik'in ch'amilej-q'or.

Wuj Richin ri Chojmirisabelri'il 23:17 ပူးပေါင်းရင်းမြစ်များ

Wuj Richin ri Nehemías 10:37

Y chuqa' xqaya' qatzij chi niqak'uaj pa rachoch ri Dios chike ri sacerdote ronojel re': Ri k'ej richin ri nabey taq k'ej, ri qasipanik richin jalajoj ruwech ixin, ri jebelej ruwech taq che' richin yetij, ri jebelej taq vino y ri jebelej taq aceite richin olivo. Y chike ri e levita niqaya' ri jun chire ri lajuj richin ronojel, toq rije' xke'el richin nikimol.

Ex 22:29

Man tiq'ax ri q'ij richin nik'en-pe chuwe ri nabey taq ruwech ri itiko'n, ri nabey taq vino y chuqa' ri nabey ik'ajol kan xtik'en-pe chuwe yin.

Ex 23:16

Chuqa' xtiben ri nimaq'ij richin ri nabey ruwech ri itiko'n, ri niwelesaj chuwech ri iwulew. Y pa ruk'isibel, toq nik'is ri juna', xtiben chuqa' ri jun nimaq'ij richin toq nik'ol ronojel ruwech ri itiko'n ri xiben.

Ex 23:19

Xtik'en k'a pe chupan ri wachoch yin, ri Jehová ri i-Dios, ri nabey jebelej taq ruwech ri itiko'n. Y ri rutijul jun ti alaj tzuntzun, man jun bey tiroqowisaj chupan ri tz'umaj ri richin ri rute'.*f9*

Ex 34:22

Chuqa' xtinimaq'ijuj toq napon ri kawineq lajuj q'ij, xtinimaq'ijuj toq napon ri ruq'ijul richin niq'et ri nabey taq ruwech ri i-trigo y chuqa' xtinimaq'ijuj toq napon ri ruq'ijul richin nik'ol ronojel ruwech ri itiko'n.

Ex 34:26

Xtik'uaj k'a chupan ri wachoch yin, ri Jehová ri i-Dios, ri nabey jebelej taq ruwech ri itiko'n. Y ri rutijul jun ti alaj tzuntzun, man jun bey tiroqowisaj chupan ri tz'umaj ri richin ri rute'.

Wuj Richin ri Chojmirisabelri'il 2:12

Jak'a toq nisuj ri nabey ruwech tiko'n, utz chuqa' nisuj ri ch'amilej-q'or y ri kab ri nikiya' ri taq chikopi', xaxe man niporox ta richin nijubulin chinuwech yin.

Wuj Richin ri Chojmirisabelri'il 23:10

Kere' k'a tabij chike ri awinaq: Toq rix xixok yan chupan ri ruwach'ulew ri xtinya' chiwe richin niwichinaj kan, y toq xtiq'et k'a ri jalajoj ruwech ixin, k'o chi nik'en-pe ri nabey q'etaj chire ri sacerdote.

Wuj Richin ri Chojmirisabelri'il 23:18

Junan k'a rik'in ri kaxlan-wey ye'ik'uaj-el chuqa' wuqu' nima-alaj achija' taq karne'l ri k'o jun kijuna' y kan e tz'aqet, jun alaj achij wákix y ka'i' alaj taq karne'l richin yeporox achi'el ri yeqa' chinuwech yin; pa ruwi' chik re sipanik re' niya' chik ri sipanik richin trigo y ri vino.

Wuj Richin ri Chojmirisabelri'il 7:13

Y pa ruwi' ronojel re' rija' xtuk'en-pe kaxlan-wey ri k'o ch'amilej-q'or rik'in.

Wuj Richin ri Q'axanri'il 15:17

Ri Jehová xuya' chik k'a re jun ruchojmilal re' chire ri Moisés richin nuq'axaj chike ri ruwinaq y xubij: Toq xkixok-apo chupan ri ruwach'ulew ri akuchi yixink'uaj-wi,

Wuj Richin ri Q'axanri'il 18:12

Kan ronojel k'a chire ri nabey ruwech tiko'n ri nikiya-pe chuwe yin, kan jari' ri xtinya' chuqa' chiwe rix. Ninya' k'a chiwe ri más utz chire ri aceite olivo, ri más utz chire ri ruya'al uva y ri más utz chire ri jalajoj ruwech ixin.

Wuj Richin ri Q'axanri'il 18:13

Ronojel ri nabey taq ruwech ri tiko'n ri nuya' ri kulew ri awinaq, ri nikisuj chuwe yin, re' kan xtok-wi awichin rat; y konojel k'a ri ek'o pan awachoch ri kan e ch'ajch'oj utz chuqa' nikitej.

Wuj Richin ri Q'axanri'il 28:26

Chuqa' yixnimaq'ijun toq napon ri nimaq'ij richin Pentecostés, toq nisuj ri nabey jalajoj ruwech ixin. Y chupan ri q'ij ri' k'o chi nimol-iwi' richin niya' nuq'ij y man jun kowilej samaj niben.

San Mateo 13:33

Ri Jesús xuya' chik k'a jun k'ambel-tzij chikiwech, y xubij: Ri aj-chikajil ajawaren kan nibiyin k'a achi'el ri ch'amilej-q'or ri niberuk'ama-pe jun ixoq y nuxol chupan oxi' etabel k'ej, ri nuch'amirisaj ronojel, xcha' ri Jesús.

Romanos 8:23

Y kan keri' chuqa' roj. Ri qánima niq'axo, nijilo k'a re q'ij chuqa' re'. Kan janila k'a niqajo' chi napon yan ta ri q'ij toq xtiq'alajin chi xojok ralk'ual ri Dios, y xtijalatej ri qach'akul. Qetaman chi keri' xtiban chiqe, roma ya'on chik ri Loq'olej Espíritu pa taq qánima.

1 Corintios 15:20

Jak'a ri Cristo kan xk'astej-wi-el. Ja rija' ri nabey ri xk'astej-el chikikojol ri ch'aqa' chik kaminaqi' ri xkek'astej-el.

Santiago 1:18

Y rik'in ri rurayibel rija' xuya' jun k'ak'a' qak'aslen toq xqakuquba' qak'u'x rik'in ri qitzij ruch'abel. Xuben keri' richin chi ja roj ri xojok achi'el ri nabey taq kiwech tiko'n ri ye'uk'uex-apo chire rija'.

Apocalipsis 14:4

Y jare' ri man jun bey xek'oje' ta kik'in ixoqi'. Kan e ch'ajch'oj-wi y kan jantape' kojqan ri Karne'l. Jare' ri nabey ri xekol-pe chikikojol ri winaqi', richin chi ye'ok achi'el nabey sipanik chire ri Dios y ri Karne'l.