Wuj Richin ri Chojmirisabelri'il 23:14 - Kaqchiquel Bible

¹⁴ Pa nabey, k'o chi nisuj ri sipanik ri', y k'ari' utz niben kaxlan-wey chire o niwotz'otz'ij pa q'aq' richin nitej. Chuqa' utz nitej choj keri' toq isujun chik ri q'etaj. Re ruchojmilal re' kan jun pixa' richin jantape' ri nuya'on chiwe rix, y xabakuchi ta ixk'o-wi.

Wuj Richin ri Chojmirisabelri'il 23:14 ပူးပေါင်းရင်းမြစ်များ

Wuj Richin ri Nehemías 9:14

Keri' xak'ut chikiwech ri q'ij richin uxlanenri'il, y ronojel xajech pa ruq'a' ri Moisés ri asamajel.

Wuj Richin Bix Chire ri Dios 19:8

Ri pixa' ri nuya' ri Jehová kan e choj; kan nuben chi nikikot ri ránima ri wineq. Ri ruch'abel ri Jehová, kan e ch'ajch'oj, y kan nusaqirisaj ri runaq'-ruwech ri wineq.

Ex 27:21

Ja ri Aarón y ri e ruk'ajol ri xke'ilin-apo ri candil ri yetzije' chuwech ri Jehová, toq niqaqa ri q'ij k'a ri nimaq'a' richin ri jun chik q'ij. Re candelabro re' xtik'oje-pe re juk'an chire ri peraj tzieq ri tasayon rupan ri wachoch, ri k'o-pe chuwech ri káxa richin tununri'il. Y re' kan jun pixa' ri richin jantape' y kichin ri iwijatzul ri xkepe chi wiq chi tanaj.

Ex 34:26

Xtik'uaj k'a chupan ri wachoch yin, ri Jehová ri i-Dios, ri nabey jebelej taq ruwech ri itiko'n. Y ri rutijul jun ti alaj tzuntzun, man jun bey tiroqowisaj chupan ri tz'umaj ri richin ri rute'.

Wuj Richin ri Chojmirisabelri'il 10:11

Y chuqa' ye'itijoj ri iwinaq rik'in ronojel pixa' ri nuya'on chiwe, ri kan iwichin rix ri nuya'on chik chire ri Moisés, xcha' ri Jehová.

Wuj Richin ri Chojmirisabelri'il 2:14

Toq nawajo' nasuj ri nabey taq ruwech ri atiko'n chuwe yin, k'o chi nawotz'otz'ij pa q'aq' ri trigo y naq'ututej ri ruwech ri nel kan; jari' ri nasuj chuwe yin Jehová.

Wuj Richin ri Chojmirisabelri'il 23:31

Kan man jun k'a isamaj xtiben chupan ri q'ij ri': Y re' kan jun pixa' ri nuya'on richin q'asen chiwe rix y chike ri iwijatzul, y kan xtichajij k'a xabakuchi ta ixk'o-wi.

Wuj Richin ri Chojmirisabelri'il 23:41

Ronojel k'a juna' chupan ri ruwuq ik' xkixnimaq'ijun wuqu' q'ij richin niya' nuq'ij. Y kan jare' ri pixa' ri nuya'on chiwe rix y chike ri iwijatzul richin q'asen.

Wuj Richin ri Chojmirisabelri'il 3:17

Man titej k'a ri q'en ni ta ri kik'. Re' jun ruchojmilal richin jantape'; y chuqa' kichin ri iwijatzul, y xabakuchi ta k'a ixk'o-wi, xcha' ri Jehová.

Deut 16:12

Toqaqa k'a chi'ik'u'x chi roj chuqa' xojxime' pa samaj chupan ri ruwach'ulew Egipto, roma ri', kan tibana' k'a ronojel re ninbij chiwe wakami.