Wuj Richin ri Chojmirisabelri'il 23:13 - Kaqchiquel Bible

¹³ Chuqa' k'o chi nik'en-pe k'ej chayun ri más jebel, ri más juba' kaji' libra, y ri xolon aceite rik'in, richin niporox chinuwech. Y re sipanik re', jun sipanik poron richin janila nijubulin chinuwech yin. Y rik'in ri sipanik ri' nik'en-pe jun litro vino.

Wuj Richin ri Chojmirisabelri'il 23:13 ပူးပေါင်းရင်းမြစ်များ

Ex 30:24

kablajuj libra kasia. Y re' ke'awetaj rik'in ri etabel ri nikusex chupan ri wachoch yin. Y ronojel re' naxol rik'in oxi' litro rik'in nik'aj aceite richin olivo.

Ex 30:9

Kan man jun k'a pom ri jun wi chik xtiya' pa ruwi' re porobel re', ni man nisuj ta chikop pa ruwi', ni jun chik sipanik, ni ri vino man niq'ej ta pa ruwi'.

Ez 4:11

Y chuqa' kan k'o hora richin naqum aya' y ri xtaqum xaxe k'a ka'i' taq qumbel q'ij-q'ij.

Ez 45:24

Rik'in chikijujunal ri wákix y chikijujunal ri karne'l, ri q'atoy-tzij k'o chi xtuya' chuqa' jun sipanik rik'in juwineq libra jalajoj ruwech ixin y oxi' litro rik'in nik'aj aceite richin olivo.

Ez 46:14

Rik'in ri chikop ri', k'o chi nik'en-pe oxi' libra jalajoj ruwech ixin ri ke'en chik y jun litro aceite ri xtiya'ox chirij ri ke'en ri'. Re jun banobel re' kan k'o chi niban richin q'asen.

Joel 1:13

Tikusaj itziaq richin bis rix sacerdote; tiraqa' ichi' roma bis rix ri ix richin ri qa-Dios. Kixbison chi junaq'a' rix ri yixsamej rik'in ri porobel, roma pa rachoch ri qa-Dios maneq chik sipanik napon; achi'el ri vino y ri jalajoj ruwech ixin.

Joel 1:9

Chuqa' ke'oq' ri sacerdote richin ri Jehová, roma man jun chik sipanik napon pa rachoch ri Dios. Maneq chik sipanik richin jalajoj ruwech ixin, ni ta ri vino.

Joel 2:14

Rik'in juba' rija' xa nutzolij-ri' chirij, y xtuya' kan urtisanik pa qawi'; richin keri' xtik'oje' chik ri vino y ri jalajoj ruwech ixin richin niqaya-apo ri sipanik chire rija'.

Wuj Richin ri Chojmirisabelri'il 14:10

Y ri ruka'n q'ij, toq napon ri ruwaqxaq q'ij, ri wineq nuk'en-pe ka'i' alaj taq achija' karne'l ri kan e tz'aqet y chuqa' nuk'en-pe jun ti ixoq karne'l ri k'o jun rujuna' ri kan tz'aqet, nuk'en-pe wo'o' libra k'ej ri xolon aceite rik'in, y jun qumbel nojineq chi aceite olivo.

Wuj Richin ri Chojmirisabelri'il 23:12

Chupan ri q'ij ri', toq nisiloj ri q'etaj, ja chuqa' ri' nisuj jun achij karne'l ri k'o jun rujuna', y kan tz'aqet, richin niporox chinuwech.

Wuj Richin ri Chojmirisabelri'il 6:20

Toq k'o jun chike ri achi'a' ri e rijatzul ri Aarón nok nimalej sacerdote, xtuk'uaj k'a ka'i' libra rik'in nik'aj chayun k'ej; ri nik'aj chire ri k'ej xtusuj nimaq'a' y ri nik'aj chik xtusuj ri tiqaq'ij. Re' xtuben toq nusuj ri sipanik poron, kan achi'el ri ruchojmilal.

Wuj Richin ri Q'axanri'il 28:10

Jare' ri sipanik ri yeporox chijun ri yesuj ri q'ij richin uxlanenri'il, rachibilan chuqa' ri sipanik ri nisuj q'ij-q'ij.