Wuj Richin ri Chojmirisabelri'il 22:9 - Kaqchiquel Bible

⁹ Kan tiyaka' k'a pan iwánima ri pixa' ri nuya'on chiwe, richin keri' man yixqaqa ta pa mak, y richin man yixken ta roma niben chi man jun rejqalen ri pixa' ri'; yin Jehová ri in ch'arayon iwichin.

Wuj Richin ri Chojmirisabelri'il 22:9 ပူးပေါင်းရင်းမြစ်များ

Ex 28:43

Ri Aarón y ri e ruk'ajol kan k'o k'a chi nikikusaj re jun rupan tzieq re' toq xke'ok chupan ri wachoch o toq ye'apon-apo rik'in ri porobel-pom richin yinkisamajij yin. Roma ri' kan tikikusaj-el ri tzieq ri' toq ye'apon pa wachoch, richin keri' man yemakun ta y man yeken ta. Y jare' ri pixa' re ninya' chire ri Aarón y chike ri e rijatzul richin jantape'.

Wuj Richin ri Chojmirisabelri'il 16:13

Y xtuya' k'a ri pom pa ruwi' ri q'aq' toq k'o chik chinuwech yin, richin chi ri rusibil ri pom xtunojisaj ruwi' ri tz'apebel ruwi' ri káxa richin chi man nutz'et ta ri ruwi', y keri', man niken ta.

Wuj Richin ri Chojmirisabelri'il 16:2

Y ri Jehová kere' k'a ri xubij chire: Tabij chire ri Aarón, ri animal, chi man xabachike ta ramaj nok-apo chirij ri tzieq ri tasbel rupan ri wachoch, ni chuwech-apo ri tz'apebel ruwi' ri káxa, richin chi man niken ta, roma yin kan chiri' chupan jun mokol sutz' ninbenk'utu-wi'.

Wuj Richin ri Chojmirisabelri'il 18:30

Roma ri' kan tibana' k'a achi'el ri nubij ri pixa' ri nuya'on chiwe, y man tiben ri itzel taq banobel, roma yin kan ninwixowaj ri xekibanala' ri winaqi' ri ek'o nabey chiwech rix. Roma ri' kan man k'a tiben rix ri keri', richin keri' kan jantape' ix ch'ajch'oj chinuwech. Ja yin Jehová ri i-Dios ri yibin chiwe, xcha'.

Wuj Richin ri Chojmirisabelri'il 22:16

Keri' man tiya' q'ij richin rije' nikitej ri sipanik, richin man nikejqalej ri tojbalil mak, roma kan ja yin Jehová ri in ch'arayon ri sipanik ri', xcha'.

Wuj Richin ri Q'axanri'il 18:22

Wakami k'a man jun bey chik kejel-apo chunaqaj ri wachoch ri ch'aqa' chik awinaq ri man e levita ta, richin chi man kemakun y yeken.

Wuj Richin ri Q'axanri'il 18:32

Toq xisuj yan k'a ri sipanik ri más jebel chuwe yin; kan utz chik k'a nitej ri nik'oje' kan iwik'in y man jun mak xtiwejqalej. Richin keri' kan xtok ch'ajch'oj ri kisipanik ri iwinaq y kan man xkixken ta, xcha'.

San Mateo 23:17

Rix xa kan ix nakaneq y chuqa' ix moyi', roma ¿achike k'a ri k'o más ruq'ij; ri q'anapueq ri k'o pa rachoch ri Dios o ja ri rachoch ri Dios, ri niya'on rejqalen ri q'anapueq?

Deut 11:1

Kan tiwajo' k'a ri Jehová ri qa-Dios ronojel q'ij chire ri ik'aslen, y kan titaqej k'a ronojel re pixa' re'.