Wuj Richin ri Chojmirisabelri'il 22:29 - Kaqchiquel Bible

²⁹ Y toq nisuj jun sipanik richin matioxinik chinuwech yin, kan tibana' k'a pa ruchojmilal richin kan xtink'ul chiwech.

Wuj Richin ri Chojmirisabelri'il 22:29 ပူးပေါင်းရင်းမြစ်များ

Wuj Richin Bix Chire ri Dios 107:22

Chuqa' tisuju' sipanik richin matioxinik chire. y kan titzijoj k'a rik'in kikoten ronojel ri nuben rija'.

Wuj Richin Bix Chire ri Dios 116:17

Kan xtinsuj jun sipanik richin matioxinik chawe. Jak'a ri abi' rat ri xtinnataj beneq ruwech.

Os 14:2

Titzolej-pe ak'u'x y kach'on rik'in, tak'utuj utzil chire y kere' k'a tabij: Tabana' utzil Jehová takuyu' ronojel ri qamak. Tak'ulu' k'a chi utzil ri bix ri niqasuj chawe.

Wuj Richin ri Chojmirisabelri'il 22:30

Chuqa' kan titija' ronojel ri ti'ij chupan ri q'ij ri', y man tiyek kan richin ri jun chik q'ij. Yin Jehová ri yibin.

Wuj Richin ri Chojmirisabelri'il 7:11

Jare' k'a ri kichojmilal richin ri sipanik ri yesuj richin nijunamatej-ruwech wik'in:

Am 4:5

Tik'ama' k'a pe kaxlan-wey ri k'o ch'amilej q'or rik'in, y tik'ata' chinuwech yin richin jun sipanik richin matioxinik. Titzijoj k'a chi xiya' yan ri isipanik ri nalex-pe pa taq iwánima. Kan tinimirisaj k'a iwi' rix israelita, roma jari' ri niwajo' ri niben. Yin Jehová ri yibin.

Hebreos 13:15

Roma ri' jantape' k'a tiqaya' ruq'ij ri Dios pa rubi' ri Jesucristo. Kan tiqaq'alajirisaj rik'in ri qachi' chi ja rija' ri qaniman.

1 Pedro 2:5

Y roma ixk'o rik'in ri Jesucristo, rix chuqa' ix achi'el abej ri k'o ik'aslen, ri yixukusex richin nipabex-q'anej ri rachoch ri Dios. Y kan ix loq'olej sacerdote, richin nisuj sipanik ri kan niqa' chuwech, pa rubi' ri Jesucristo.