Wuj Richin ri Chojmirisabelri'il 22:20 - Kaqchiquel Bible

²⁰ Jak'a man tisuj jun chikop chuwe ri man tz'aqet ta, roma wi keri' man xtink'ul ta chiwech.

Wuj Richin ri Chojmirisabelri'il 22:20 ပူးပေါင်းရင်းမြစ်များ

Deut 17:1

Man tisuj richin kamelabel chire ri Jehová ri qa-Dios jun chikop richin ri iwawej ri man tz'aqet ta, roma re' kan nretzelaj ri Jehová ri qa-Dios.

Wuj Richin ri Malaquías 1:8

¿Kan utz kami chi ye'isuj chinuwech yin Jehová ri in k'iytisanel richin ronojel, chikopi' ri xa e moyi', e jetz', o jun ti chikop yawa'? Tisuju' na k'a jun chikop kere' chire ri q'atoy-tzij. ¿Niqa' kami chuwech rija' ri chikop ri'?

Deut 15:21

Wi ri ti chikop moy, o jetz', o k'o ri man tz'aqet ta chire, re ti chikop re', man tisuj richin kamelabel chuwech ri Jehová ri qa-Dios.

1 Pedro 1:19

xa kan rik'in ri rukik'el ri Cristo. Y rija' kan achi'el ri karne'l ri yesuj richin kamelabel, ri kan e tz'aqet y jebel e ch'ajch'oj.

Hebreos 9:14

Wi k'o xk'atzin-wi ronojel ri', k'a tala' chik ri rukik'el ri Cristo ri man jun bey xmakun y rik'in ri ruchuq'a' ri Loq'olej Espíritu kan xuya-ri' pa kamik richin xutoj ri qamak chuwech ri Dios. Roma ri' rija' kan nitikir nuch'ajch'ojirisaj ri qánima chire ri mak ri nik'amon-pe kamik y nuben chiqe chi yojtikir niqasamajij ri k'aslik Dios.

Wuj Richin ri Chojmirisabelri'il 22:25

Man tik'ul ri chikop ri' chuwi-kiq'a' ri man e iwinaq ta richin nisuj chinuwech yin. Wi xtisuj, man xtink'ul ta chiwech roma man tz'aqet ta, xcha'.

Wuj Richin ri Chojmirisabelri'il 1:3

Wi k'o ta jun wineq ri nusuj jun wákix richin niporox chijun, k'o chi jun achij ri kan tz'aqet, y k'o chi xtusuj chiri' chuchi' ri wachoch,

Wuj Richin ri Chojmirisabelri'il 3:1

Y chuqa' xubij ri Jehová: Wi ta ri sipanik kan richin ta nijunamatej ruwech ri wineq wik'in, y wi nuk'en ta pe jun chike ri wákix, ixoq o achij, k'o chi kan tz'aqet richin nusuj chinuwech yin Jehová.

Wuj Richin ri Chojmirisabelri'il 3:6

Wi ta ri rusipanik ri nuk'en-pe jun ta chike ri karne'l o tzuntzun, ixoq o achij, k'o chi kan tz'aqet.

Wuj Richin ri Q'axanri'il 29:8

Y k'o chi nisuj-apo sipanik ri niporox chijun. Niya-apo jun nima-alaj achij wákix, jun achij karne'l y wuqu' nima-alaji' achija' karne'l, y ronojel re' k'o chi kan e tz'aqet.

Ez 45:18

Yin Jehová ninbij: Chupan ri nabey q'ij chire ri nabey ik' chire ri juna', rix xtisuj k'a jun kamelabel richin xtich'ajch'ojir ri wachoch. Y ri chikop ri nik'en-pe; jun alaj achij wákix ri kan tz'aqet.

Wuj Richin ri Chojmirisabelri'il 22:24

Chuqa' man tisuj chinuwech yin jun chikop ri xa man tz'aqet ta ri rukowil. Re' kan man tisuj stape' pa taq itinamit.