Wuj Richin ri Chojmirisabelri'il 22:18 - Kaqchiquel Bible

¹⁸ Kere' tabij chire ri Aarón y chike ri ralk'ual y chuqa' chike ri iwinaq israelita: Jare' ri ruchojmilal ri xtiben wi niwajo' ta nisuj jun chikop chinuwech roma xalex-pe pan iwánima, o roma ri ibin chi niben, richin niporoj chinuwech yin. Re chojmilal re' kan xtiban iwik'in rix y kik'in ri man iwinaq ta ri ek'o chi'ikojol.

Wuj Richin ri Chojmirisabelri'il 22:18 ပူးပေါင်းရင်းမြစ်များ

2 Crón 31:14

Ri jun levita rubini'an Coré ruk'ajol ri Imná, ja rija' ri nichajin ri ruchi' ri k'o pa relebel-q'ij chire ri ruwa-jay richin ri rachoch ri Dios. Ja rija' ri xya'ox kan richin nuk'ul chikiwech ri winaqi' ri janipe' nalex-pe pa kánima. Y chuqa' ja rija' nik'ulun chikiwech ri winaqi' ri kan k'o chi nikiya-apo y nutaluj chik chikiwech ri e sacerdote, y chuqa' ri ch'aqa' chik ri kan e ch'aron chik chire ri Jehová.

Wuj Richin Bix Chire ri Dios 116:14

Wakami kan xtinben k'a ri nusujun chire ri Jehová, y xkinkitz'et k'a konojel ri nuwinaq.

Wuj Richin Bix Chire ri Dios 116:18

Wakami kan xtinben k'a ri nusujun chawe, y xkinkitz'et k'a konojel ri nuwinaq,

Wuj Richin Bix Chire ri Dios 22:25

Jehová, yin kan xtinbixaj k'a ri abi' chikikojol ri wach'alal. Ri nusujun chawe, kan xtinben chikiwech ri nikiya' aq'ij.

Wuj Richin Bix Chire ri Dios 56:12

Roma ri' xtintaqej k'a ri nusujun chawe nu-Dios yin. Kan xtinya' k'a sipanik richin matioxinik chawe.

Wuj Richin Bix Chire ri Dios 61:5

Roma rat nu-Dios, kan awak'axan ri nusujun chawe yin. Y xaya' chuwe ri ruk'amon richin nikichinaj ri kiqasan-ki' chawech.

Wuj Richin Bix Chire ri Dios 61:8

Keri', kan xtinbixaj ri abi' richin jantape'. Kan xtinben k'a ri nusujun chawech ronojel q'ij.

Wuj Richin Bix Chire ri Dios 65:1

Nimalej Dios, kan awichin k'a rat ronojel bix ri yebixex chupan ri tinamit Sión. Kan ruk'amon k'a chi nitoj ronojel ri sujun chawe.

Wuj Richin Bix Chire ri Dios 66:13

Yin kan xkinok k'a chupan ri awachoch, kan xtinporoj k'a chikop chawech, y xtinya' k'a apo ri nusujun chawe.

Ex 12:5

Ri ti chikop ri' k'o chi jun rujuna', achij y kan tz'aqet ri rubanik; xabachike k'a ri utz nikusaj, wi jun ti karne'l o jun ti tzuntzun.

Wuj Richin ri Molojri'il 5:4

Toq rat k'o nasuj chire ri Dios richin naben, man k'a kayoke' richin naben, roma rija' kan man niqa' ta chuwech ri k'o nikisuj y xa man nikiben ta. Man k'a taben achi'el nikiben ri nakaneq taq winaqi'.

Wuj Richin ri Chojmirisabelri'il 1:10

Wi ta nuk'en-pe jun karne'l o jun tzuntzun, k'o chi achij ri kan tz'aqet.

Wuj Richin ri Chojmirisabelri'il 1:2

tubij chike ri ruwinaq israelita: Wi ta k'o jun chiwe rix nuk'en-pe jun chikop richin nusuj chuwe yin, k'o chi nuk'en-pe jun wákix, o jun karne'l o jun tzuntzun.

Wuj Richin ri Chojmirisabelri'il 17:10

Yin Jehová kan man utz ta nintz'et chi jun wineq nutej kik', stape' iwinaq o man iwinaq ta. Ri xtitijo kik', kan xtinwelesaj k'a el chi'ikojol rix.

Wuj Richin ri Chojmirisabelri'il 17:13

Xabachike k'a chike ri iwinaq, o ri man e iwinaq ta ri k'o chi'ikojol, wi ta nukamisaj jun chikop o jun aj-xik' chikop richin tijel, xtrelesaj k'a kan ri rukik'el y xtumuq kan rik'in ulew.

Wuj Richin ri Chojmirisabelri'il 22:17

Ri Jehová xch'on chik jun bey rik'in ri Moisés y xubij chire:

Wuj Richin ri Chojmirisabelri'il 23:38

Pa ruwi' ronojel ri sipanik ri' k'o chi nisuj ri sipanik richin ri q'ij richin uxlanibel, ri sipanik roma ri ibin chi niben y ri sipanik richin matioxinik ri nalex-pe pan iwánima richin niya' chuwe.

Wuj Richin ri Chojmirisabelri'il 7:16

Jak'a ri kamelabel ri rusujun chi nuben o jun kamelabel richin ri nalex-pe pa ránima jun wineq, utz nitij ri ti'ij chupan ri q'ij toq nisuj, y wi man nik'is ta, utz nitij ri jun chik q'ij.

Am 4:5

Tik'ama' k'a pe kaxlan-wey ri k'o ch'amilej q'or rik'in, y tik'ata' chinuwech yin richin jun sipanik richin matioxinik. Titzijoj k'a chi xiya' yan ri isipanik ri nalex-pe pa taq iwánima. Kan tinimirisaj k'a iwi' rix israelita, roma jari' ri niwajo' ri niben. Yin Jehová ri yibin.

Wuj Richin ri Jonás 1:16

Y ri achi'a' ri xebanon, kan xk'oje' rukiy ri Jehová chikiwech; xkisuj kamelabel y xkiya' kitzij chi kan xtikisamajij.

Wuj Richin ri Jonás 2:9

Jak'a yin kan rik'in k'a bixanik xkimatioxin, y xtinsuj kamelabel chawe y xtinben ri nujikiban-pe chawe. Roma kan awik'in rat, Jehová, peteneq-wi ri kolotajik, xcha' ri Jonás.

Wuj Richin ri Nahum 1:15

Rix winaqi' aj-Judá titz'eta' ri achike k'amayon-pe ri utzilej rutzijol. Rija' kan peteneq k'a chuwa taq juyu'; kan peteneq k'a ri niq'alajirisan ri uxlanibel-k'u'x. Kan kixnimaq'ijun k'a rix aj-Judá; kan ke'iya' k'a ri isujun chire ri Jehová, roma man jun bey chik k'a xkepe chiwij ri e etzelanel iwichin. Rije' xa kan jumul k'a xkek'is-el.

Wuj Richin ri Malaquías 1:14

Kan xtiqaqa k'a itzel pan iwi' ri yixq'olon, roma xa nisuj jun chikop man ch'ajch'oj ta chuwe, stape' k'o jun utz iwik'in. Yin kan in jun nimalej rey y kan k'o nuq'ij chikikojol ri ruwach'ulew, yin Jehová ri in k'iytisanel richin ronojel ri yibin.

Wuj Richin ri Q'axanri'il 15:3

Nik'en-pe jun chike ri nima'q o kokoj taq iwawej richin nijubulin chinuwech. Y re chikop re' xtik'atzin richin niporox chijun, richin jun kamelabel, chuqa' toq k'o jun ri nisuj chi niben chinuwech yin y toq nik'en-pe roma nalex-pe pan iwánima o toq niben jun nimaq'ij richin niya' nuq'ij.

Hechos 18:18

Ri Pablo k'iy k'a q'ij ri xk'oje' na qa ri chiri' kik'in ri qach'alal pa Corinto. Y toq ch'owineq chik kan chike ri qach'alal, xbe richin niberuchapa-pe jun barco richin nibe k'a pa ruwach'ulew Siria. Y e rachibilan k'a el ri Priscila y ri Áquila. Ri Pablo k'o ri rusujun chire ri Dios. Roma ri' toq xe'apon pa Cencreas, ri tinamit ri k'o chi ye'ok-el pa barco, ri Pablo xujuk'-el ri rusumal taq ruwi', richin retal chi rija' xuk'is yan pa ruwi' ri rusujun chire ri Dios chi nuben.

Deut 12:17

Chuqa' man titej chupan ri itinamit ri jun chire ri lajuj chire ri jalajoj ruwech ixin, ri vino, ri aceite, ni ri nabey kal ri iwawej, ni man jun chire ronojel ruwech sipanik, ni ri sipanik ri yakon-q'anej chikaj.

Deut 12:6

Chiri' k'a xtik'uaj-wi ri isipanik: Ri chikop ri niporox, ri sipanik richin ri jun chire ri lajuj, ri sipanik ri nalex-pe pan iwánima, ri sipanik toq nijikiba-tzij y ri nabey taq kal ri iwawej.

Deut 16:10

jari' toq k'o chi ninimaq'ijuj ri semana richin niya' ruq'ij-ruk'ojlen ri Jehová ri qa-Dios. Y xtik'uaj k'a apo ri sipanik ri janipe' k'a nalex-pe pan iwánima, ri achi'el k'a ri urtisanik ri ruya'on ri Jehová ri qa-Dios pan iwi'.