Wuj Richin ri Chojmirisabelri'il 22:10 - Kaqchiquel Bible

¹⁰ Xaxe ri aj pan iwachoch xketijo ri sipanik ri e jachon chuwe yin, y man tikitej ri man aj pan iwachoch ta, achi'el ri jun ta q'ejelonel richin ri sacerdote, o jun aj-ik'.

Wuj Richin ri Chojmirisabelri'il 22:10 ပူးပေါင်းရင်းမြစ်များ

Wuj Richin ri Esdras 2:63

Y ri aj-raqen pa ruwi' ri tinamit xubij chike chi man tikitej ri q'utun ch'aron kichin ri sacerdote, k'a xtik'o na ri nimalej sacerdote ri nik'uluben ri Urim y ri Tumim.

Ex 12:43

Y ri Jehová xubij k'a chike ri Moisés y ri Aarón: Jare' ri chojmilal richin ri nimaq'ij ri'. Man jun wineq ri xa man iwinaq ta ri utz nutej ri ti'ij richin ri chikop ri nisuj chuwe.

Ex 12:45

Y ri wineq ri xa richin jun ka'i-oxi' q'ij nik'oje-el chi'ikojol o ri wineq ri xa roma samaj k'o qa chi'ikojol, man utz ta nuben ri wa'in ri' iwik'in.

Ex 29:33

Xaxe k'a rije' ri utz xketijo ri kik'uan-apo chuwech ri Jehová, ri sipanik ri xkisuj roma ri kimak y roma ri xejach kan chupan ri kisamaj. Y kan man jun k'a wineq ri ruk'amon ta chi nitijo ri sipanik ri', roma ri sipanik ri' kan jachon chire ri Jehová.

Ez 44:8

Y xa man itaqen ta ronojel ri k'o chi niban pa wachoch, roma xa pa kiq'a' winaqi' ri man e iwinaq ta iya'on-wi kan ri kisamaj ri sacerdote.

Wuj Richin ri Chojmirisabelri'il 21:22

Jak'a rije' utz nikitej ronojel sipanik ri e poron: ri sipanik ri nalex-pe pan iwánima ri nisuj chuwe yin, y ri kamelabel richin mak ri kan xaxe chuwe yin ch'aron-wi.

Wuj Richin ri Chojmirisabelri'il 22:13

Jak'a wi k'o jun chike ri imi'al ri nitzolin pan iwachoch roma xmalkanej kan o roma rujachon-ri' rik'in rachijil, y man xk'oje' ta ral, y xa nuben achi'el toq k'a xten na, chire rija' ninya' q'ij richin nutej ri sipanik ri'. Jak'a ri man aj pan iwachoch ta man tikitej.

Wuj Richin ri Q'axanri'il 3:10

Kan tabana' k'a chi ja ri Aarón y ri e ruk'ajol ri xke'ok sacerdote richin chi ja rije' ri xkepa'e' chuwech ri samaj. Jak'a xabachike wineq ri man levita ta y nijel-apo chubanik ri samaj ri', xtikamisex.

San Mateo 12:4

Rija' xbe chukanoxik wey chiri' pa rachoch ri Dios, y kan ja ri kaxlan-wey ri sujun chuwech ri Dios ri xkitej. Y re' xa kan man ruk'amon ta chi xutej rija' ni ri e rachibil, xaxe ri sacerdote ri kan k'o kiq'a' chire richin nikitej.

1 Sam 21:6

Chirij re', ri sacerdote xujech-apo ri kaxlan-wey chire ri David, roma man jun chik kaxlan-wey k'o ri q'ij ri'. Xa kan xaxe ri kaxlan-wey ri sujun chik, y elesan chik chiri' pa ruk'ojelibal, richin niya'ox kan meq'en pa ruk'exel.

1 Sam 21:7

Y chupan k'a ri q'ij ri', jun chike ri rusamajel ri rey Saúl rubini'an Doeg aj-Edom k'o chiri'. Y ja rija' ri k'o más rejqalen pa kiwi' ri e ruyuq'unela' ri Saúl.