Wuj Richin ri Chojmirisabelri'il 21:1 - Kaqchiquel Bible

¹ Ri Jehová xubij chire ri Moisés: Kach'on kik'in ri e rijatzul ri Aarón ri e sacerdote, y tabij chike: Man kixbe rik'in jun kamineq, stape' jun iwinaq rijatzul ri Leví; roma wi xkixbe, xkixok man ix ch'ajch'oj ta chinuwech.

Wuj Richin ri Chojmirisabelri'il 21:1 ပူးပေါင်းရင်းမြစ်များ

Ez 44:25

Man jun bey tikichajij o tikichop jun kamineq y rik'in ri' ye'ok man e ch'ajch'oj ta. Jak'a wi niken ri rutata', ri rute', jun ruk'ajol, jun rumi'al, jun runimal, ruchaq' o jun rana' ri man k'ulan ta, kan utz nik'oje' chiri'.

Os 5:1

Ri Jehová nubij: Rix sacerdote kan tiwak'axaj k'a ri xtinbij. Tinamit Israel, kan tiya' k'a ixikin chire ronojel re', rix ri ix aj pa rachoch ri rey kan tiwak'axaj k'a. Ronojel ri q'atoj-tzij ri xtiberuya' ri Dios, kan pan iwi' k'a rix xtiqaqa-wi ronojel. Rix xa kan xixok k'a jun pikbel chupan ri tinamit Mizpá, achi'el jun ya'l ri rik'il, keri' xiben pa ruwi' ri juyu' Tabor.

Wuj Richin ri Chojmirisabelri'il 19:28

Chuqa' man tisokola-qa-iwi' toq k'o jun niken, y man k'a ke'iyala-qa iwetal roma bis, yin Jehová ri yibin.

Wuj Richin ri Chojmirisabelri'il 21:11

Y man tok-apo ri akuchi k'o jun kamineq, stape' rute' o rutata', y wi xtuben keri' man ch'ajch'oj ta chik chinuwech yin.

Wuj Richin ri Malaquías 2:1

Kan chiwe k'a rix sacerdote ninya-wi re jun rutzijol re':

Wuj Richin ri Malaquías 2:4

Yin Jehová in k'iytisanel richin ronojel xtinben keri' richin man niyojtej ta ri jikibel-tzij ri qabanon rik'in ri ánima Leví.

Wuj Richin ri Q'axanri'il 19:11

Xabachike chike ri iwinaq ri nuchop jun ch'akulaj richin jun kamineq, xtok man ch'ajch'oj ta y keri' xtik'oje' kan richin wuqu' q'ij.

Wuj Richin ri Q'axanri'il 19:14

Jare' ri ruchojmilal ri niban toq k'o jun wineq niken pa rachoch. Konojel ri ek'o rik'in y konojel ri xke'ok-apo pa jay, kan xke'ok man ch'ajch'oj ta richin wuqu' q'ij.

Wuj Richin ri Q'axanri'il 19:16

Y wi ta jun wineq ri beneq pa juyu' y chaq k'ate' niberuchapa-pe jun ch'akulaj richin jun wineq ri kamisan kan, o richin jun wineq ri choj xken o chaq k'ate' niberuchapa-pe rubaqil jun kamineq o jun muqbel, ri wineq ri' xtok man ch'ajch'oj ta richin wuqu' q'ij.

Wuj Richin ri Q'axanri'il 6:6

Chupan ronojel ri q'ij toq rujachon-ri' chuwe yin, k'o chi man nijel ta apo chunaqaj jun kamineq,