Wuj Richin ri Chojmirisabelri'il 20:8 - Kaqchiquel Bible

⁸ Kan tibana' achi'el nubij ri pixa' ri nuya'on chiwe; kan titaqej k'a, roma yin Jehová xinben chiwe chi rix kan ix wichin chik.

Wuj Richin ri Chojmirisabelri'il 20:8 ပူးပေါင်းရင်းမြစ်များ

Ex 31:13

Kach'on kik'in ri awinaq y tabij chike: Chi'iwonojel rix man timestaj chi k'o chi nichajij ri q'ij richin uxlanen, roma re' kan wichin yin. Ja retal re' chuwe yin y chiwe rix chi wiq chi tanaj richin niwetamaj chi ja yin Jehová ri ix nuch'aron wichin yin.

Ez 20:12

Y chuqa' xinya' chike ri q'ij richin uxlanen richin jun retal chiqakojol, richin tiketamaj chi yin Jehová xench'er richin xe'ok wichin yin.

Ez 37:28

Toq ri wachoch xtik'oje' chikikojol richin q'asen, jari' toq ri ch'aqa' chik tzobaj winaqi' richin re ruwach'ulew kan xtiketamaj k'a chi ja yin ri xicha'on ri tinamit Israel richin xke'ok jun ruwach'ulew ch'ajch'oj, xcha'.

Wuj Richin ri Chojmirisabelri'il 19:19

Kan ke'iyaka' k'a pa taq iwánima ri pixa' ri nuya'on chiwe. Man tiya' q'ij chike ri iwawej richin ye'etz'an kik'in ch'aqa' chik kiwech chikopi' richin ye'alex. Toq niben tiko'n man k'a titik-qa jalajoj ruwech ija'tz chupan jun ulew. Chuqa' man k'a tikusaj tzieq ri banon rik'in jalajoj ruwech betz'.

Wuj Richin ri Chojmirisabelri'il 19:37

Ronojel re' kan tiyaka' pan iwánima, y chuqa' kan keri' tibana'. Yin Jehová ri yibin.

Wuj Richin ri Chojmirisabelri'il 20:26

Yin Jehová kan in ch'ajch'oj-wi, y roma ri' rix k'o chi yixok ch'ajch'oj chuqa' y kan xixincha' k'a chikikojol konojel ri ruwach'ulew richin xixok wichin yin.

Wuj Richin ri Chojmirisabelri'il 21:8

Y ri Dios xubij chik chire ri Moisés chi tubij chike ri ruwinaq: Wakami k'a kan ke'ich'ara' ri e sacerdote roma ja rije' ri yesuju ri sipanik richin jalajoj ruwech ixin chuwe yin. Roma yin Jehová kan nuch'aron-wi' rik'in ronojel etzelal, y roma ri' ninwajo' yixinch'er rix rik'in ronojel etzelal: Keri' tabij chike, xcha' ri Jehová.

Wuj Richin ri Chojmirisabelri'il 22:32

Man tiben chi niyoq'otej ri nubi' yin, richin keri' kan xtinimirisex k'a nuq'ij yin iwoma rix, ja yin Jehová ri in ch'arayon iwichin.

San Mateo 12:50

Roma kan konojel k'a ri yebanon ri rurayibel ri nata' ri k'o chila' chikaj, jari' ri nte', wana' y ri wach'alal, xcha' ri Jesús.

San Mateo 23:17

Rix xa kan ix nakaneq y chuqa' ix moyi', roma ¿achike k'a ri k'o más ruq'ij; ri q'anapueq ri k'o pa rachoch ri Dios o ja ri rachoch ri Dios, ri niya'on rejqalen ri q'anapueq?

San Mateo 5:19

Xabachike wineq ri nuq'ej ruwi' jun chike ri nubij chupan ri pixa', stape' ta jun tzij ri achi'el xa ta man jun rejqalen niq'alajin; y kan keri' chuqa' yerutijoj-wi ri ch'aqa' chik winaqi'; ri nibanon keri', xa man jun k'a ok ruq'ij xtik'oje' chikikojol ri ek'o chupan ri aj-chikajil ajawaren. Jak'a ri wineq ri nibanon ronojel ri tz'ibatel chupan ri pixa' y kan keri' chuqa' yerutijoj-wi ri ch'aqa' chik winaqi', ri nibanon keri' kan xtik'oje' k'a ruq'ij chikikojol ri ek'o chupan ri ajawaren ri'.

San Mateo 7:24

Y xabachike k'a wineq ri nak'axan y nuben ri ch'abel ri ninbij, yin xtinjunamaj k'a rik'in jun nowineq achin ri xupaba' jun rachoch pa ruwi' abej.

San Juan 13:17

Rix kan xiwetamaj k'a kan ronojel re'. Y kan jebel k'a ruwa-iq'ij wi keri' xtiben.

1 Corintios 1:30

Jak'a xuben chiqe roj chi jun qabanon rik'in ri Cristo Jesús. Ri na'oj richin ri Dios xpe qik'in roj roma ri Cristo. Chuqa' xuben chi roma rija' man jun qamak yojk'ulun chuwech, oj ch'aron chik richin rija' y oj kolotajineq chik.

1 Tesalonicenses 5:23

Rix iwetaman chi ja ri Dios ri niya'on uxlanen pa taq iwánima. Y ninwajo' k'a chi rija' yixruch'er richin kan ix richin rija'. Ninwajo' chi xtuchajij ta ri ik'aslen, ri iwánima y ri ich'akul, richin keri' man jun itzel nilitej chiwij toq xtipe chik jun bey ri qajaw Jesucristo.

2 Tesalonicenses 2:13

Jak'a roj beneq ruwech k'o chi yojmatioxin chire ri Dios iwoma rix qach'alal, ri janila yixajowex roma ri ajaw, roma kan pa rutikeribel-pe jari' toq xixrucha' yan richin yixkolotej chupan ri imak. Y xixkolotej roma xikuquba' ik'u'x rik'in ri qitzij, y roma ri rusamaj ri Loq'olej Espíritu.

Santiago 1:22

Y man xaxe k'a tiwak'axaj ri ruch'abel ri Dios, xa kan tibana' chuqa' ri nubij. Roma wi xaxe niwak'axaj ri ruch'abel ri Dios y man niben ta ri nubij, xa iyon rix niq'ol-qa-iwi'.

Apocalipsis 22:14

Kan jebel ruwa-kiq'ij ri nich'ajch'ojirisex kik'aslen; richin k'o kiq'a' chire ri ruwech ri che' ri niya'on k'aslen, y richin yetikir ye'ok chupan ri okibel ri e richin ri tinamit.