Wuj Richin ri Chojmirisabelri'il 20:6 - Kaqchiquel Bible

⁶ Wi k'o ta jun wineq ri xtibe rik'in ri yeruk'ulubej ri kaminaqi' y kik'in ri nikibananej chi ketaman ri peteneq chiqawech-apo y kan yerutzeqelibej, yin kan xkiyakatej chirij ri wineq ri' y kan xtinwelesaj ri ruk'aslen.

Wuj Richin ri Chojmirisabelri'il 20:6 ပူးပေါင်းရင်းမြစ်များ

Wuj Richin Bix Chire ri Dios 73:27

Ri at kimalin kan xa kan xkeken k'a; rat xtaben chi xkek'is-el konojel ri nikich'er kan ki' awik'in.

Ex 22:17

Jak'a wi ri rutata' ri xten man nrajo' ta nuya-el chire ri xbanon keri', kan k'o chi xtutoj janipe' ri méro ri niya'ox chire ri tata'aj, toq keri' niban chire jun xten.

Ex 22:18

Kan man tiya' q'ij chi jun ixoq aj-itz nik'ase'.

Wuj Richin ri Isaías 8:19

Rik'in juba' ek'o xkebin chiwe chi tik'utuj chike ri yech'on kik'in ri kaminaqi' y chike ri nikibananej chi ketaman ri peteneq chiqawech-apo, roma ruk'amon chi rik'in ta ri Dios xik'utuj-wi ronojel re'. Jak'a yin ninbij chi man ruk'amon ta chi ye'ik'ulubej ri kaminaqi' richin nikibij chiwe achike nik'uluwachij kik'in ri k'a ek'o na kan.

Wuj Richin ri Jeremías 44:11

Roma ri' kere' ninbij yin Jehová k'iytisanel richin ronojel: Re wakami, yin ninben chi ninteq-pe ri ruk'ayewal pan iwi' y xkixink'is rix aj-Judá.

Ez 6:9

Y rije' kan xkinoqaqa k'a chikik'u'x toq juk'an chik chire re ruwach'ulew ek'o-wi. Kan xtoqaqa k'a chikik'u'x chi janila kisokon ri wánima roma man xkiben ta ri xinbij chike y chuqa' roma xkich'er kan ki' wik'in y xekitzeqelibej ch'aqa' chik dios. Y k'ari' itzel xtikina-qa roma ri itzel taq kibanobal ri xekibanala'.

Os 4:12

Ri nutinamit ja chik ri e wachibel ri e banon rik'in che' ri yekik'ulubej-apo. Nikikusaj taq che' richin nikibananej chi ketaman ri peteneq chikiwech. Kan xch'akatej yan k'a roma ri itzel taq banobel. Ri nutinamit xa kan kitzeqeliben k'a ri itzel taq banobel. Xa xemakun k'a y xkich'er kan ki' wik'in.

Wuj Richin ri Chojmirisabelri'il 17:10

Yin Jehová kan man utz ta nintz'et chi jun wineq nutej kik', stape' iwinaq o man iwinaq ta. Ri xtitijo kik', kan xtinwelesaj k'a el chi'ikojol rix.

Wuj Richin ri Chojmirisabelri'il 19:26

Man jun ti'ij titej ri k'o kik' rik'in. Chuqa' man tibananej, y chuqa' man kixok aj-itz.

Wuj Richin ri Chojmirisabelri'il 19:31

Man kixbe kik'in ri yekik'ulubej kaminaqi', ni rik'in ri xa nubananej chi retaman ri peteneq chiwech-apo, roma wi niben keri' xa man ix ch'ajch'oj ta chinuwech. Yin Jehová ri yibin.

Wuj Richin ri Chojmirisabelri'il 20:27

Wi k'o ta jun wineq ri nich'on kik'in ri kaminaqi' o wi xa nubananej ri nubij, kan xtikamisex k'a chi abej roma ruyon xukanoj rukamik, xcha' ri Jehová chire.

Wuj Richin ri Chojmirisabelri'il 20:5

yin kan xkiyakatej k'a chirij rija', chikij ri aj pa rachoch y chuqa' chikij ri e rachibil ri nikiya' ruq'ij ri dios Moloc, y kan xkenwelesaj k'a el chuwech re ruwach'ulew.

Wuj Richin ri Q'axanri'il 15:39

Ri retz'aba'l ri ruchi' ri itziaq ri' kan xtik'atzin k'a chiwe richin toq nitzu-qa, noqaqa chi'ik'u'x ronojel ri nupixa' ri nuya'on chiwe yin y xkixok k'a nimey taq tzij y man xtiben ta ri itzel taq rayinik ni man xtitzu' ta chik ruwech.

Hechos 16:16

Jun bey k'a toq qachapon-el bey richin yojbe k'a ri akuchi niban-wi ch'owen rik'in ri Dios, xqak'ul jun xten aj-ik' ri loq'on. Re xten re' k'o k'a jun itzel espíritu rik'in, y jari' ri nibanon chire chi nitikir nubij ri xtikik'uluwachila' ri winaqi'. Nuben chi nuch'ek ruméro, y ri méro ri' napon pa kiq'a' ri rajaw.