Wuj Richin ri Chojmirisabelri'il 20:25 - Kaqchiquel Bible

²⁵ Roma ri', rix kan xtiya' k'a kikojolil ri chikopi' ri e ch'ajch'oj y ri man e ch'ajch'oj ta: Ri aj-xik' taq chikopi', ri e jepejeq, y ri ch'aqa' chik chikopi' ri nubin chi man e ch'ajch'oj ta. Man tiben chi yin yixinwixowaj roma ye'itej ri chikopi' ri'.

Wuj Richin ri Chojmirisabelri'il 20:25 ပူးပေါင်းရင်းမြစ်များ

Hechos 10:28

Rija' xubij k'a chike ri winaqi' ri': Rix kan jebel wi iwetaman chi roj judío man k'a ya'on ta q'ij chiqe chi junan qawech iwik'in y yojok ta pa taq iwachoch rix ri xa man ix judío ta. Jak'a ri Dios xuk'ut k'a chinuwech chi man ruk'amon ta chi ninbij chire jun wineq, xa roma man judío ta, chi man ch'ajch'oj ta.

Wuj Richin ri Rutikeribel 1:21

Ri Dios kan xeruben-wi k'a ri nimalej taq chikopi' ri ek'o pa ya' y ri jalajoj kiwech chikopi' ri k'o kaqen y e richin chuqa' ya' y ronojel kiwech aj-xik' taq chikopi'. Y ri Dios kan utz xutz'et.

Wuj Richin ri Chojmirisabelri'il 10:10

Y keri' xtiben richin niya' rukojol ri ch'ajch'oj y ri man ch'ajch'oj ta, y chuqa' ri rukojol ri e ch'aron chuwe yin y ri e choj relik.