Wuj Richin ri Chojmirisabelri'il 20:2 - Kaqchiquel Bible

^2-3 tubij chike ri winaqi': Xabachike k'a iwinaq o man iwinaq ta ri ek'o chi'ikojol, wi k'o ta jun yerusuj ri ralk'ual chire ri dios rubini'an Moloc, yin kan xkitzu'un pa ruwi' rija', y xtinwetzelaj roma kan nuben chire ri wachoch man ch'ajch'oj ta. Roma rija' niyoq'otej ri nubi', roma ri' xtikamisex chi abej koma ri iwinaq.

Wuj Richin ri Chojmirisabelri'il 20:2 ပူးပေါင်းရင်းမြစ်များ

Deut 21:21

Jari' toq ri winaqi' richin ri tinamit nikikamisaj chi abej ri alk'ualaxel ri' y keri' nik'is-el ri etzelal ri k'o pan iruwach'ulew. Y toq xtikak'axaj k'a konojel ri qawinaq, xtikik'en rukiy.

Wuj Richin ri Chojmirisabelri'il 24:23

Y ri Moisés xubij k'a ronojel re' chike ri ruwinaq. Keri' xkelesaj k'a el ri xyoq'on rubi' ri Jehová, y xkikamisaj chi abej chirij-el ri akuchi ek'o-wi-qa, achi'el xubij ri Dios chire ri Moisés.

Wuj Richin ri Chojmirisabelri'il 24:14

Tiwelesaj-el ri chiri' ri akuchi ixk'o-wi-qa ri xyoq'on ri nubi', y konojel k'a ri xe'ak'axan ri xubij k'o chi nikiya' ri kiq'a' pa rujolon ri achin ri xch'ayon, y ri awinaq ri ek'o chiri' xtikik'eq chi abej.

Wuj Richin ri Chojmirisabelri'il 20:27

Wi k'o ta jun wineq ri nich'on kik'in ri kaminaqi' o wi xa nubananej ri nubij, kan xtikamisex k'a chi abej roma ruyon xukanoj rukamik, xcha' ri Jehová chire.

Wuj Richin ri Chojmirisabelri'il 18:21

Man tisuj k'a jun chike ri iwalk'ual richin jun sipanik ri niporox chire ri dios rubini'an Moloc, richin man niyoq'otej ri nubi', yin ri in i-Dios. Yin Jehová ri yibiyin.

Hechos 7:43

Pa ruk'exel chi keri' ta xiben, xa xe'itelela' ruwachibel ri rachoch ri dios Moloc, ri ruwachibel ri Refán ri i-dios ch'umil. Ja wachibel ri' ri xe'ibanala' rix, richin xiya' kiq'ij. Roma ri' yin xtinben chiwe chi yixbek'oje' k'a más kela' chire ri ruwach'ulew Babilonia, xcha' ri Dios.

Ez 23:39

Y chupan k'a ri q'ij ri' toq xekisuj ri taq kal richin jun kamelabel richin nikiya' kiq'ij ri wachibel, jak'a chuqa' q'ij ri' xe'apon chupan ri wachoch y xkiben k'a chire chi man jun rejqalen.

Ez 23:37

roma rije' xekitzeqelibej ch'aqa' chik dios achi'el nuben jun ixoq nutzeqelibej jun chik achin ri man rachijil ta. Chuqa' kan xe'ok kamisanela' roma xekisuj ri kal chikiwech ri wachibel. Re ak'uala' re' kan e wichin yin, jak'a xa xe'ok kiway ri wachibel.

Ez 20:31

Toq ye'isuj-apo ri ik'ajol richin yeporox richin jun kamelabel, rix kan yixok man ix ch'ajch'oj ta roma niya' kiq'ij ri wachibel, k'ari' niwajo' yinik'ulubej toq xa man utz ta ri ye'ibanala'. Roma ri' yin kan ninya' nutzij richin chi man xtink'uluba' ta pe ri ich'abel.

Ez 20:26

y chuqa' xinya' k'a q'ij chike richin xe'ok man e ch'ajch'oj ta rik'in ri kisipanik ri xkiya' chikiwech ri wachibel toq xekiporoj ri nabey taq kik'ajol. Xinben ronojel re' richin xtik'oje' ta xibinri'il kik'in y xketamaj ta chi ja yin Jehová.

Wuj Richin ri Jeremías 32:35

Chuqa' xekipaba-q'anej porobel richin ri Baal chiri' pa taq'aj kojol juyu' Ben-hinom, richin chi chiri' yekiporoj-wi ri kimi'al-kik'ajol richin kamelabel chire ri ki-dios Moloc. Ronojel re' kan man xinbij ta chike chi nikiben, ni man jun bey xinch'ob rij. Y toq ri winaqi' ri' xkiben ri itzel taq banobel ri', xkiben richin xemakun ri ch'aqa' chik kiwinaq.

Wuj Richin ri Jeremías 7:31

Y xekipabala' k'a q'anej porobel ri chiri' pa Tófet*f3* pa taq'aj kojol juyu' Ben-hinom ri akuchi yekiporoj ri kalk'ual. Re' jun banobel ri man xinbij ta yin richin chi niban y kan man jun bey xpe ta pa wánima richin keri' nibanatej.

Wuj Richin Bix Chire ri Dios 106:38

Xekikamisaj k'a ri kalk'ual ri xa man jun kimak. Xekisuj k'a chikiwech ri wachibel ri e kibanon ri aj-Canaán. Y roma ri' xkitz'ilobisaj k'a ri ruwach'ulew ri' rik'in ri kik'.

2 Crón 33:6

Chuqa' kan xeruporoj ri ralk'ual richin kamelabel chiri' pa taq'aj kojol juyu' richin Ben-hinom. Kan xeruk'ulubej k'a ri yech'on kik'in ri espíritu richin nretamaj ri peteneq chuwech, y chuqa' xch'on kik'in ri kaminaqi'. Xuya' q'ij chi xek'oje' chik ri aj-itza'. Kan xik'o k'a ruwi' ri itzel xuben. Ronojel re' kan man xqa' ta chuwech ri Jehová, y roma ri' xyakatej janila royowal.

2 Crón 28:3

Xuporoj k'a pom chiri' pa taq'aj kojol juyu' richin Ben-hinom. Chuqa' kan xeruporoj ralk'ual richin kamelabel achi'el xekiben ri winaqi' ri xek'oje' chiri' ojer. Re banobel re' man xqa' ta chuwech ri Jehová, y roma ri' xe'elesex-pe chikikojol ri israelita ri ojer taq winaqi' ri'.

2 Rey 23:10

Keri' chuqa' xuwulaj ri porobel ri k'o chiri' pa taq'aj kojol juyu' Ben-hinom, richin chi man jun tiporon jun ralk'ual richin nusuj kamelabel chuwech ri dios Moloc.

2 Rey 17:17

Xekiporoj k'a ri kalk'ual richin xekisuj richin kamelabel. Xe'ok richin nikibananej richin nikiq'alajirisaj ri peteneq chikiwech, y xebe rik'in aj-itz. Kan xkijech k'a ki' richin xkiben ri etzelal chuwech ri Jehová, richin xkiyek janila royowal.

Deut 18:10

Man jun chiwe ri xtusuj ri ralk'ual richin kamelabel y nuq'axaj pa q'aq'. Man ye'ik'ulubej k'a ri yech'on kik'in ri espíritu, richin niwetamaj ri peteneq chiwech, ni man yixch'on kik'in ri kaminaqi'. Man niya' q'ij chi yek'oje' aj-itza' chi'ikojol. Ni man kixq'olon rik'in meyel taq banobel.

Deut 12:31

Man tiya' ruq'ij ri Jehová achi'el nikiben rije', roma ri itzel kan man nukoch' ta nutz'et rija'. Jari' ri xkiben rije'; richin xkiya' ruq'ij ri ki-dios xekiporola' ri kimi'al-kik'ajol chikiwech.

Wuj Richin ri Chojmirisabelri'il 17:15

Keri' chuqa' ri iwinaq o man iwinaq ta, wi k'o xtitijo ri ruch'akul jun chikop ri xken ruyon o xwech' koma ch'aqa' chik chikopi', ri wineq ri' k'o chi natin y nuch'ej rutziaq, y kan xtok man ch'ajch'oj ta chi jun q'ij k'a toq nok-pe ri aq'a'.

Wuj Richin ri Chojmirisabelri'il 17:13

Xabachike k'a chike ri iwinaq, o ri man e iwinaq ta ri k'o chi'ikojol, wi ta nukamisaj jun chikop o jun aj-xik' chikop richin tijel, xtrelesaj k'a kan ri rukik'el y xtumuq kan rik'in ulew.

Wuj Richin ri Chojmirisabelri'il 17:8

Chuqa' tabij chi xabachike chike ri iwinaq o ri man e iwinaq ta ri ek'o chi'ikojol, wi k'o jun nrajo' nusuj chuwe jun kamelabel ri niporox chijun o xabachike kamelabel,

Wuj Richin ri Chojmirisabelri'il 20:1

Ri Jehová xch'on chik rik'in ri Moisés y xubij chire chi

1 Rey 11:7

Y jari' toq ri rey Salomón xuteq k'a rupabaxik ri akuchi niya'ox-wi ruq'ij ri itzel ruwachibel Quemós ri dios kichin ri aj-Moab, ri chiri' pa ruwi' jun juyu' ri k'o pa relebel-q'ij ri chiri' pa Jerusalem, y chuqa' xuteq rupabaxik ri akuchi niya'ox-wi ruq'ij ri itzel ruwachibel Moloc ri dios kichin ri amonita.

Deut 17:2

Wi chupan jun chike ri itinamit ri niya'ox chiwe, nilitej ta jun ixoq o jun achin ri man nunimaj ta rutzij ri Jehová ri qa-Dios y nuben ri itzel chuwech y nuq'ej ruwi' ri rujikibel-tzij;

Deut 22:21

k'ari' xtelesex-el chuchi' ri rachoch ri rutata' y ri achi'a' richin ri tinamit ri' xtikikamisaj chi abej, roma kan janila nim ri itzel xuben pan Israel, roma xk'oje' yan achin rik'in toq k'a k'o na pa rachoch ri rutata'. Y keri' xtelesex ri etzelal chi'ikojol rix.