Wuj Richin ri Chojmirisabelri'il 19:4 - Kaqchiquel Bible

⁴ Man kinimalij kan richin ye'iya' kiq'ij ri tiox, ni man tiben wachibel ri e banon rik'in pueq ri ya'erisan pa q'aq'; yin Jehová ri i-Dios ri yibin.

Wuj Richin ri Chojmirisabelri'il 19:4 ပူးပေါင်းရင်းမြစ်များ

1 Rey 14:9

Jak'a rat, xa kan janila k'a itzel ri abanalon-pe chikiwech konojel janipe' ri xeq'ax yan el chupan ri ajawaren. Rat xaya' kan awij chinuwech, y roma ri' xayek janila woyowal. Kan xe'abanala-qa kiwachibel ch'aqa' chik dios ri e banon rik'in q'eqapueq ri ya'erisan pa q'aq'.

1 Crón 16:26

Roma ri ki-dios ri ch'aqa' chik ruwach'ulew, xa e wachibel y man jun kejqalen: Jak'a ri Jehová kan ja rija' xbanon ri kaj.

2 Crón 28:2

Xa kan xuben achi'el xkiben ri rey richin Israel ri ek'o pa xaman; kan xeruben k'a wachibel kichin ri Baal, ri banon rik'in q'eqapueq ya'erisan pa q'aq'.

Wuj Richin Bix Chire ri Dios 96:5

Roma ri ki-dios ri ch'aqa' chik tinamit xa e wachibel. Jak'a ri Jehová kan ja rija' xbanon ri kaj.

Ex 20:23

Roma ri' man utz ta chi rix xke'ibanala' ta pe chinuwech yin, ch'aqa' chik dios ri e banon rik'in saqipueq o ri e banon rik'in q'anapueq, richin chi niya' kiq'ij.

Ex 32:4

Y ri Aarón kan xuk'ul k'a kan chuwi-kiq'a', ri kik'uan-apo chire. Xpe rija' xutzek k'a ronojel ri ruwi' taq ixkinaj ri', richin xya'er y k'ari' xuq'ej pa jun k'ojelibel ri xuben rija'. Y k'ari' xuchop ri rusamajibal y xel ruwachibel jun nima-alaj achij wákix chuwech. Y k'ari' ri winaqi' xkibij: ¡Qawinaq! Ja k'a qa-dios re' ri xojelesan-pe pa ruwach'ulew Egipto, xecha'.

Ex 34:17

Man k'a ke'iben ch'aqa' chik dios ri e banon rik'in ch'ich' ya'erisan pa q'aq'.

Wuj Richin ri Chojmirisabelri'il 11:44

Ja yin Jehová ri i-Dios, y man jun chik ri achi'el ta yin. Y roma rix ijachon chik iwi' chuwe yin, roma ri' rix k'o chi man yixmakun achi'el nikiben ri ch'aqa' chik winaqi'; rix xa kan ix ch'ajch'oj-wi y roma ri' man tiben chi yixok man ch'ajch'oj ta koma ri chikopi' ri'.

Wuj Richin ri Chojmirisabelri'il 19:25

Jak'a chupan ri ro' juna' k'ari' utz xtitej ri kiwech ri che' ri e tijel ri e itikon-qa. Richin keri' kan yewachin ronojel ri itiko'n. Ja yin Jehová ri i-Dios ri yibin.

Wuj Richin ri Chojmirisabelri'il 19:5

Toq nisuj kamelabel chinuwech richin nijunamatej-iwech wik'in, k'o chi nisuj ri kamelabel ri' achi'el ri nubin, y yin kan xtink'ul.

Wuj Richin ri Chojmirisabelri'il 26:1

Ja yin Jehová ri i-Dios, roma ri' ninbij chiwe chi man ke'iben wachibel richin niya' kiq'ij y yixxuke' chikiwech, wachibel ri e paban, ri paban taq abej y ri abej ri ek'o wachibel chuwech.

Wuj Richin ri Hageo 2:18

Kixch'obon k'a utz chupan re q'ij re', q'ij juwineq kaji' chire ri ik' beleje', roma ja q'ij re' toq xiben-qa ruxe' ri rachoch ri Jehová.

1 Corintios 10:14

Roma ri' rix, wach'alal ri yalan yixinwajo', man tiya' kiq'ij ch'aqa' chik dios.

Deut 4:16

richin chi man yixyojtej y ye'ibanala-q'anej paban taq wachibel, ruwachibel jun achin, jun ixoq o jun chik wachibel.

Deut 7:25

Rix kan xke'iporoj ri ruwachibel ri ki-dios. Man tirayij ri saqipueq, ri q'anapueq ri e ya'on chikij, richin chi man tok jun pikbel chiwe rix. Man xa kixtzaq pa mak roma ri', roma keri' kan man niqa' ta chuwech ri Jehová ri qa-Dios.

1 Juan 5:21

Rix walk'ual, man k'a ke'iwojqaj ri dios ri xa man e qitzij ta. Kan keri' ta k'a.