Wuj Richin ri Chojmirisabelri'il 19:35 - Kaqchiquel Bible

^35-36 Kan pa ruchojmilal k'a tibana' rik'in ri etabel. Tikusaj k'a ri etabel choj y tz'aqet. Ja yin Jehová ri i-Dios ri xinelesan-pe iwichin pan Egipto, ri yibin chiwe.

Wuj Richin ri Chojmirisabelri'il 19:35 ပူးပေါင်းရင်းမြစ်များ

1 Crón 23:29

Y chuqa' ja rije' ri yechojmirisan ri kaxlan-wey chuwech ri mesa. Keri' chuqa' ri ye'etan ri k'ej chayun richin ri sipanik, y richin ri kaxlan-wey ri maneq ch'amilej-q'or rik'in. Chuqa' rije' xeya'ox richin xkichaq'arisaj ri kaxlan-wey pa sartén, y chuqa' nikiwotz'otz'ij.

Wuj Richin Etamabel-Tzij 11:1

Ri Dios kan man utz ta yerutz'et ri winaqi' ri ye'ukusan pajbel ri xa ye'eleq', jak'a kan nikikot ri ránima kik'in ri winaqi' ri ye'ukusan pajbel ri kan e tz'aqet,

Wuj Richin Etamabel-Tzij 16:11

Ri q'atbel-tzij richin ri Jehová kan tz'aqet-tz'aqet, kan achi'el ri pajbel y ri etabel, kan ja rija' k'a ri xtz'ukun-pe ri tz'aqet pajbel y ri tz'aqet etabel.

Wuj Richin Etamabel-Tzij 20:10

Toq ri wineq ri kan k'o etabel rik'in richin niloq'on y kan k'o etabel rik'in richin nik'ayin, chi ka'i' etabel ri' man yeqa' ta chuwech ri Jehová.

Ez 45:10

Tikusaj ri etabel y pajbel ri kan e tz'aqet.

Wuj Richin ri Chojmirisabelri'il 19:15

Toq niben ri q'atoj-tzij, kan tibana' pa ruchojmilal; man roma ta jun wineq ri man jun k'o rik'in nijoyowaj ta ruwech, ni man roma ta chi jun beyom nixibij ta iwi' chuwech. Xa kan pa ruchojmilal k'a tibana' kik'in ri iwinaq.

Wuj Richin ri Miqueas 6:1

Winaqi' israelita, tiwak'axaj ri ninbij yin Jehová: Titzijoj ri ibanobal chire ri juyu'. Y rix, juyu', tiwak'axaj ri nikibij.

San Mateo 7:2

Kan achi'el wi k'a rubanik ri niben rix chike ri winaqi', keri' chuqa' xtiban chiwe rix. Janipe' chi ch'owen ri xtiben chikij, ja chuqa' ri' ri xtiban chiwij rix.

Deut 25:13

Toq yixloq'on o yixk'ayin man tik'uaj ka'i' ruwech etabel iwik'in, jun ri k'a k'o nrajo' y jun ri nik'o ruwi'.

Deut 25:15

Xa kan xaxe etabel ri e tz'aqet ri ye'ikusaj richin keri' kan xtiyaloj ri ik'aslen chuwech ri ruwach'ulew ri xtuya' ri Jehová ri qa-Dios chiwe.