Wuj Richin ri Chojmirisabelri'il 19:34 - Kaqchiquel Bible

³⁴ Kan tibana' k'a chi kan e achi'el e iwinaq: Kan ke'iwajo' k'a achi'el niwajo-qa-iwi' rix, roma chuqa' rix xixk'oje' chupan ri ruwach'ulew Egipto y xa man ix aj chiri' ta. Yin Jehová ri i-Dios ri yibin.

Wuj Richin ri Chojmirisabelri'il 19:34 ပူးပေါင်းရင်းမြစ်များ

Deut 10:19

Kan keri' chuqa' tiqabana' roj, keqajo' k'a ri man e qawinaq ta, roma roj xa kan xojk'oje' chuqa' pan Egipto.

Wuj Richin ri Chojmirisabelri'il 19:18

Man tiben ruk'exel chike ri yebanon itzel chiwe rix, ni man k'a tich'upun ik'u'x chikij ri iwinaq; xa kan tiwajo-iwi', achi'el niwajo-qa-iwi' rix. Yin Jehová ri yibin.

San Mateo 5:43

Rix kan jebel iwetaman ri xbix ojer kan chi kan ruk'amon-wi chi kan ke'iwajo' ri iwachpochel. Jak'a ri ye'etzelan iwichin, kan ke'iwetzelaj.

Ex 22:21

Man ke'iya' pa tijoj-poqonal y man ke'iya' pa bis ri winaqi' ri man e iwinaq ta ri ek'o chi'ikojol, roma rix xixok chuqa' achi'el rije' toq xixk'oje' pan Egipto.

Wuj Richin ri Q'axanri'il 10:32

Y wi kan yabe qik'in, toq ri Jehová xtuya' ri rutzil pa qawi', roj kan xtiqaya' chuqa' chawe rat ri xtiqak'ul, xcha'.

Deut 23:7

Man rik'in ri' man ke'iwetzelaj ri e rijatzul kan ri Edom, roma xa kan e iwach'alal naqaj, y keri' chuqa' ri aj-Egipto, roma rix chuqa' xixk'oje' pa kiruwach'ulew rije'.

Wuj Richin Bix Chire ri Dios 146:9

Ri Jehová kan yeruchajij ri e aj juk'an chik ruwach'ulew. Ri meba'i' y ri malkani' kan yeruq'axaj k'a. Jak'a kan nusech kik'u'x ri e banoy taq etzelal.

Wuj Richin ri Chojmirisabelri'il 19:3

Tiya' kiq'ij ri ite-itata'; kan tiya' rejqalen ri q'ij richin uxlanen. Yin Jehová ri i-Dios ri yibin.

Deut 23:8

Jak'a ri e kijatzul ri xkek'oje' chirij ri rox sol, utz yek'oje' chupan ri molojri'il richin ri Jehová.

Wuj Richin ri Rut 2:10

K'ari' ri Rut xulukuba-qa-ri' y kan xuqasaj-qa-ri' k'a pan ulew chuwech ri Booz y xubij chire: ¿Achike roma rat janila utzil naben chuwe, y yin xa man in awinaq ta?, xcha' chire.

Ez 47:22

Jari' ri ulew ri xtiwichinaj kan rix y chuqa' ri nikichinaj kan ri winaqi' ri man e rijatzul ta kan ri Israel, rije' xkek'oje' chi'ikojol y chuqa' ri kalk'ual. Xtiben chike chi kan achi'el e iwinaq israelita y toq xtich'ar ri ruwach'ulew, rije' k'o chi xke'ichinan iwik'in.