Wuj Richin ri Chojmirisabelri'il 19:32 - Kaqchiquel Bible

³² Toq nitz'et jun wineq ri kan k'o chik k'iy rujuna', wi ix tz'uyul, kan kixpa'e' richin nik'ut chi kan k'o ruq'ij, y keri' nik'ut chi yin chuqa' k'o nuq'ij. Yin Jehová ri yibin.

Wuj Richin ri Chojmirisabelri'il 19:32 ပူးပေါင်းရင်းမြစ်များ

Wuj Richin ri Rutikeribel 31:35

Y jari' toq rija' xubij chire ri rutata': Man tipe awoyowal chuwe táta, roma man yitikir ta yiyakatej-q'anej chawech roma xa janila in yawa' rik'in ri yabil ri nikik'owisaj konojel ixoqi' ronojel ik', xcha'. Y keri' toq ri Labán xukanola' ri ru-dios y man jun xril.

Wuj Richin ri Rutikeribel 48:12

K'ari' ri José xerelesaj-pe chi e ka'i' ruk'ajol, ri ek'o-apo rik'in ri rutata', y xuqasaj-qa-ri' k'a pan ulew chuwech.

1 Rey 2:19

Xok k'a apo ri Betsabé rik'in ri rey, richin niberubij ri rutaqikil ri Adonías. Y ri Salomón xyakatej-q'anej richin xuk'ul ri rute', y kan xulukuba-qa-ri' chuwech y k'ari' xtz'uye' chik qa pa rutz'uyubal. K'ari' xuteq ruk'amik jun ch'aket richin ri rute', y kan pa rijkiq'a' k'a xk'oje-wi.

2 Rey 17:36

Roma ja yin ri xinelesan-pe iwichin pa ruwach'ulew Egipto rik'in wuchuq'a'. Kan xaxe k'a yin ri kinisamajij, kan xaxe k'a yin ri ruk'amon richin niya' nuq'ij, y kan xaxe chinuwech yin nisuj kamelabel.

Wuj Richin ri Achin Job 32:4

Ri Elihú kan man nich'on ta k'a apo rokik ri e oxi' rachibil yetajin yech'on rik'in ri Job, roma rije' kan e nimalaxela' chuwech rija'.

Wuj Richin ri Achin Job 32:6

K'ari' xch'on-apo y xubij: Yin xa kan k'a in ak'ual na y rix kan k'o chik ijuna'; roma ri' kan ninxibij-wi' e nubin-apo ch'abel, kan man e nuq'alajirisan ta apo ri yench'ob.

Wuj Richin Etamabel-Tzij 16:31

Ri corona ri más rejqalen, ja ri nisaqir-pe ri rusumal-ruwi' jun wineq toq nukochij k'iy rujuna'; jare' k'a ri nuch'ek roma ri chojmilej k'aslen ri xuk'uaj.

Wuj Richin Etamabel-Tzij 20:29

Ri nibanon chi ri alaboni' k'o kiq'ij, ja ri uchuq'a' ri k'o kik'in; jak'a ri nibanon nima'q chike ri rijita'q taq winaqi', ja ri nisaqir ri rusumal taq kiwi'.

Wuj Richin Etamabel-Tzij 23:22

Rat, kan tabana' k'a ri nubij chawe ri atata', ri xalk'ualan awichin; kan man k'a taben chi man jun chik rejqalen ri ate', toq rija' xtapon pa rurijixinen.

Wuj Richin ri Isaías 3:5

Ri winaqi' xtikiben chi xtikitej poqon chikijujunal ri kirachk'ul-jay. Ri alaboni' kan xkeyakatej k'a chikij ri rijita'q taq winaqi', y ri winaqi' ri maneq kiq'ij xkeyakatej chikij ri k'o kiq'ij.

Wuj Richin ri K'uxla'anik 5:12

Ri e aj-raqen kan xetzeqebex k'a chikiq'a'. Ri e tata'al, kan man jun kejqalen xban chike.

Wuj Richin ri Chojmirisabelri'il 19:14

Man tiyojobej ri tokon rik'in itzel taq ch'abel, y man tiya' pikbel pa rubey jun moy; xa kan tik'oje' nukiy chiwech. Yin Jehová ri yibin.

Romanos 13:7

Kan tiqatojo' k'a ri k'atzinel chi niqatoj; wi kuchuj, kan tiqaya' k'a ri kuchuj; kan qojpatanin k'a kik'in ri e q'atoy taq tzij. Ri winaqi' k'o kiq'ij, kan tiqaya' k'a kiq'ij. Ri nima'q taq winaqi', kan tiqabana' k'a chike chi e nima'q taq winaqi'.

1 Timoteo 5:1

Wi k'o jun qach'alal achin ti ri'j chik, man rik'in ch'olinik kach'on rik'in, xa kan rik'in ch'uch'uj taq ch'abel tapixabaj, y tabana' chire chi achi'el xa ta atata'. Y chuqa' keri' tabana' kik'in ri alaboni'; tabana' chike chi kan achi'el e awach'alal.

1 Pedro 2:17

Tiya' iwejqalen y tiwajowala-iwi' ri iniman chik ri Jesucristo. Tiya' ruq'ij ri Dios y tiqasaj-iwi' chuwech ri rey.