Wuj Richin ri Chojmirisabelri'il 19:27 - Kaqchiquel Bible

²⁷ Rix achi'a', toq nisokaj ri rusumal-iwi', man k'a tisokaj ri rusumal-iwi' xe taq ixikin, y man tisokaj ri rutza'n ri rusumal-ichi'.

Wuj Richin ri Chojmirisabelri'il 19:27 ပူးပေါင်းရင်းမြစ်များ

Deut 14:1

Roj kan oj ralk'ual ri Jehová ri qa-Dios, roma ri' man tisokola-qa-iwi' ni man tisokaj-el ri rusumal-iwi' ri k'o nik'aj-iwech, toq k'o jun niken.

Wuj Richin ri Chojmirisabelri'il 21:5

Man tisokaj ri rusumal-iwi' pan isut, y man k'a tisokaj ri rutza'n ri rusumal-ichi', y chuqa' man ke'iyala-qa iwetal roma bis.

Ez 44:20

Man tikijos-el ri rusumal-kiwi', chuqa' man tikiya' q'ij richin nik'iy-qa. Xa kan xaxe choj tikisokaj-el.

Wuj Richin ri Jeremías 48:37

Konojel winaqi' xa xtikisokaj-el ri rusumal-kiwi', chuqa' xtikelesaj-el ri rusumal-kichi'. Konojel k'a xtikisokola' ri kiq'a' y xtikikusaj tzieq richin bis.

Wuj Richin ri Jeremías 16:6

Kan chi ch'uti'q chi nima'q xkeken chupan re ruwach'ulew re' y man jun xtimuqun, ni man jun xtoq'en kichin, ni man jun xtibison chikij y xtusok ta ri' o nusokaj ta ri rusumal-ruwi' retal richin bis.

Wuj Richin ri Isaías 15:2

Ri winaqi' aj-Dibón xkejote-el pa ruwi' ri juyu' richin xkebe'oq'. Konojel xkebe chupan ri rachoch ri ki-dios richin xkejiq'ijo'x, toq xkek'is ri tinamit Nebo y ri Medebá. Konojel rije' kan xtikisokaj k'a ri rusumal-kiwi' y ri rusumal-kichi' roma bis.

Ez 7:18

Xtikikusaj k'a tzieq qiriqoj-qiriqoj retal richin bis, kan xkebaybot roma xibinri'il, kan xtikaqer ri kipalej roma k'ix y xtikisokaj ri rusumal-kiwi' retal richin k'ixbilal.

Wuj Richin ri Chojmirisabelri'il 19:28

Chuqa' man tisokola-qa-iwi' toq k'o jun niken, y man k'a ke'iyala-qa iwetal roma bis, yin Jehová ri yibin.

Wuj Richin ri Jeremías 41:5

xe'apon k'a jumuch' achi'a' ri e peteneq pa Siquem, pa Siló y pa Samaria. Y rije' kan kisokan k'a pe ri rusumal-kichi', kikusan-pe tzeretzeq kitziaq y ri kich'akul nojineq chi sokotajik ri ja rije' e banayon-qa; re' retal richin bis. Chuqa' kik'amon-pe jalajoj ruwech ixin y pom richin nikisuj chuwech ri Jehová chiri' pa rachoch pa Jerusalem.

1 Crón 19:4

K'ari' ri Hanún xuteq kichapik ri e taqon-el, y k'ari' xkisokaj-el ri rusumal-kichi', y xuqupij ri kitziaq chikij xapon k'a chutza'n kacheq, y k'ari' xeruteq-el pa kiruwach'ulew.

Wuj Richin ri Jeremías 9:25

Ri winaqi' aj-Egipto, ri aj-Edom, ri aj-Amón, ri aj-Moab y ri ek'o pa tz'iran ruwach'ulew, konojel rije' k'o ketal chirij ri kich'akul y re etal re' nik'atzin richin nikisamajij ri ki-dios. Jak'a pa taq kánima, maneq re jun etal re'. Noqaqa yan k'a ri q'ij toq xtinya' rutojbalil-mak pa kiwi' konojel rije'. Y rix israelita chuqa' k'o iwetal,*f4* jak'a maneq pa taq iwánima. Y roma ri' junan kik'in rije' xtinya' rutojbalil-mak pan iwi'.