Wuj Richin ri Chojmirisabelri'il 19:26 - Kaqchiquel Bible

²⁶ Man jun ti'ij titej ri k'o kik' rik'in. Chuqa' man tibananej, y chuqa' man kixok aj-itz.

Wuj Richin ri Chojmirisabelri'il 19:26 ပူးပေါင်းရင်းမြစ်များ

Wuj Richin ri Rutikeribel 44:5

Ja qumbel re' ri nik'atzin chire ri wajaw richin niqumun y richin nitikir nutz'et ri achike nibanatej. Re xiben-pe kan man utz ta, kacha' chike, xcha-el ri José chire ri rusamajel.

Wuj Richin ri Rutikeribel 9:4

Y ja k'a ri ti'ij ri k'a k'o na kik' ruk'uan man titej, roma chiri' k'o-wi ri k'aslen.

2 Rey 17:17

Xekiporoj k'a ri kalk'ual richin xekisuj richin kamelabel. Xe'ok richin nikibananej richin nikiq'alajirisaj ri peteneq chikiwech, y xebe rik'in aj-itz. Kan xkijech k'a ki' richin xkiben ri etzelal chuwech ri Jehová, richin xkiyek janila royowal.

2 Rey 21:6

Xerusuj ri ruk'ajol richin kamelabel. Chuqa' kan xbe kik'in ri aj-itza' y xeruk'ulubej ri itzel taq espíritu. Chuqa' kan xuya-apo ri paban-che' richin Asera, chupan ri rachoch ri Jehová. Y ri itzel taq banobel ri' xuben richin xuyek royowal ri Jehová. Ri ojer kan ri Jehová xubij chike ri David y ri Salomón ri ruk'ajol: Yin xtinya' re nubi' richin q'asen chupan re jay re', re wawe' pa Jerusalem, ri kan xincha' chikikojol konojel ri tzobaj richin Israel.

2 Crón 33:6

Chuqa' kan xeruporoj ri ralk'ual richin kamelabel chiri' pa taq'aj kojol juyu' richin Ben-hinom. Kan xeruk'ulubej k'a ri yech'on kik'in ri espíritu richin nretamaj ri peteneq chuwech, y chuqa' xch'on kik'in ri kaminaqi'. Xuya' q'ij chi xek'oje' chik ri aj-itza'. Kan xik'o k'a ruwi' ri itzel xuben. Ronojel re' kan man xqa' ta chuwech ri Jehová, y roma ri' xyakatej janila royowal.

Ex 7:11

Jari' toq ri rey xuteq koyoxik ri achi'a' aj-na'oj y ri achi'a' ri aj-itza'. Y toq rije' xe'apon kan xkiben chuqa' achi'el xuben ri Aarón.

Ex 8:7

Jak'a ri aj-itza' kan keri' chuqa' xkiben. Rik'in ri itzel uchuq'a' ri k'o kik'in xkiben chi kan xebek'ulun-pe chuqa' xkalet chijun ruwach'ulew Egipto.

Wuj Richin ri Jeremías 10:2

kere' nubij: Man titzeqelibej kibey ri ch'aqa' chik tzobaj winaqi'. Chuqa' man tixibij-iwi' chuwech ri retal ri yepe chila' chikaj, achi'el nikiben rije'.

Dn 2:10

Jak'a ri etamanela' xkibij chik chire ri rey: Kan maneq k'a etamanela' chuwech re ruwach'ulew ri xketikir ta xtikiq'alajirisaj chawech ri nak'utuj rat rey. Pa ruwi' ri' kan man jun k'a rey, ni man jun tata'al ri ruk'utun ta chike ri etamanela' achi'el re nak'utuj rat.

Wuj Richin ri Chojmirisabelri'il 19:25

Jak'a chupan ri ro' juna' k'ari' utz xtitej ri kiwech ri che' ri e tijel ri e itikon-qa. Richin keri' kan yewachin ronojel ri itiko'n. Ja yin Jehová ri i-Dios ri yibin.

Wuj Richin ri Chojmirisabelri'il 3:17

Man titej k'a ri q'en ni ta ri kik'. Re' jun ruchojmilal richin jantape'; y chuqa' kichin ri iwijatzul, y xabakuchi ta k'a ixk'o-wi, xcha' ri Jehová.

Wuj Richin ri Chojmirisabelri'il 7:26

Chuqa' man jun titijo o tiqumun kikik'el ri aj-xik' taq chikopi' y kikik'el konojel ri ch'aqa' chik chikopi'. Re' jun ruchojmilal xabakuchi ta ixk'o-wi.

Wuj Richin ri Malaquías 3:5

Ri Jehová ri k'iytisanel richin ronojel kan xtipe richin noruq'ata-tzij pan iwi' rix. Chuqa' kan chi'anin xtuya' rutojbalil-mak pa kiwi' ri yebanon itz, pa kiwi' ri winaqi' e k'ulan yekikanoj ch'aqa' chik richin yek'oje' kik'in, pa kiwi' ri nijikiba' kitzij y xa man qitzij ta, pa kiwi' ri nikiq'ol jun kisamajel, jun malka'n, jun meba' o jun wineq ri man israelita ta, y pa kiwi' ri man nikiqasaj ta ki' chuwech ri Jehová.

Hechos 15:20

Ri ruk'amon k'a niqaben, ja ri tiqataqa-el rubixikil chike chupan jun wuj, chi man yekitej ri xa man utz ta richin nitij roma ya'on chik chikiwech ch'aqa' chik dios. Chuqa' ri winaqi' e k'ulan man tikikanola-ki' richin yemakun, y man chuqa' tikitej ti'ij kichin ri chikopi' ri xejiq', ni man k'a chuqa' tikitej kik', qojcha-el chupan ri wuj.

Deut 12:16

Jak'a ri kik' man titej, xa kan titixa-el pan ulew achi'el niben rik'in ri ya'.

Deut 12:23

Jak'a man titej ri kik' roma jari' ri kik'aslen ri chikopi'; roma ri' man titej ri ti'ij ri k'a ruk'uan na kik',

Deut 15:23

Xaxe k'a man titej ri rukik'el ri ti chikop ri', xa kan titixa' pan ulew achi'el nitix ri ya'.

1 Sam 14:32

Y roma ri' kan chi'anin xebe chirij ri k'o rejqalen ri kimajon-pe chuwi-kiq'a' ri aj-Filistea, y xekichop k'a ri karne'l y ri wákix. Xekikamisaj k'a y xekitej toq man jani tel-el ri kik'.

1 Sam 14:33

Y re' xya'ox k'a rutzijol chire ri Saúl, chi ri aj-labal ye'ajin yemakun chuwech ri Jehová, roma nikitej ti'ij rik'in kik'. Y ri Saúl xubij chike chi kan janila xemakun. Y k'ari' xubij chike ri xeya'on rutzijol chire: Tisurij k'a pe jun abej nim re wawe'.

1 Sam 15:23

Roma ri mak richin ri yakatajinenri'il junan rik'in ri rumak ri nubananej chi niq'alajirisan. Ri nunimirisaj-ri' junan rik'in ri nuya' ruq'ij wachibel. Y roma rat xa man xanimaj ta rutzij ri Jehová, ri Jehová kan xaretzelaj yan. Rija' wakami kan man utz ta chik yarutz'et chi at rey, xcha'.