Wuj Richin ri Chojmirisabelri'il 19:22 - Kaqchiquel Bible

²² Rik'in k'a re achij karne'l re' nusuj ri kamelabel roma rucha'oj. Ri sacerdote nuk'utuj k'a kuyubel rumak ri achin ri' y kan xtinkuy k'a. Y keri' nijunamatej-ruwech wik'in.

Wuj Richin ri Chojmirisabelri'il 19:22 ပူးပေါင်းရင်းမြစ်များ

Wuj Richin ri Chojmirisabelri'il 4:26

y nuporoj ronojel ri q'en pa ruwi' ri porobel achi'el niban chire ri q'en richin ri kamelabel richin nuq'alajirisaj chi nijunamatej-ruwech wik'in. Keri' k'a nuben ri sacerdote richin nikuyutej rumak ri aj-raqen, y nink'en chik ruwech.

Wuj Richin ri Chojmirisabelri'il 4:20

Ri nuben rik'in re wákix re', achi'el toq ri nimalej sacerdote nusuj ri kamelabel richin kuyubel-mak, y keri' xtikuyutej k'a ri kimak ri winaqi', y yin xtink'en chik kiwech.

Wuj Richin ri Chojmirisabelri'il 5:7

Wi man nitikir ta nuk'en-pe jun karne'l o jun tzuntzun roma maneq rik'in richin nuloq'bej, utz nuk'en-pe chinuwech ka'i' paloma e nima'q o e ka'i' taq kokoj, ri jun richin nikuyutej ri rumak, y ri jun chik richin niporox chijun.

Wuj Richin ri Chojmirisabelri'il 19:21

Ri achin k'o chi nusuj jun achij karne'l richin jun kamelabel richin rucha'oj, y k'o chi nuk'uaj chuchi' ri wachoch.

Wuj Richin ri Chojmirisabelri'il 19:23

Toq xkixok k'a chupan ri ruwach'ulew ri xtinya' chiwe, y xke'itik-qa jalajoj kiwech che' ri nikiya' kiwech ri e tijel, y toq nuchop niwachin ri che' ri', oxi' k'a juna' man titej kiwech roma kan xajan.

Wuj Richin ri Chojmirisabelri'il 4:31

Chuqa' nrelesaj ronojel ri ruq'anal richin ri chikop achi'el niban chire ri chikop ri nisuj richin nijunamatej-ruwech wik'in, y xtuporoj pa ruwi' ri porobel ri kan nijubulin chinuwech yin. Keri' ri sacerdote xtusuj ri kamelabel richin nikuyutej rumak ri wineq ri', y k'ari' nink'en chik ruwech.

Wuj Richin ri Chojmirisabelri'il 4:35

Chuqa' nrelesaj ronojel ri ruq'anal ri karne'l achi'el niban chire ri karne'l ri nisuj richin nuq'alajirisaj chi nijunamatej-ruwech wik'in, y xtuporoj pa ruwi' ri porobel. Keri' ri sacerdote xtusuj ri kamelabel richin nikuyutej rumak ri wineq ri', y kan xtikuyutej k'a; y k'ari' nink'en chik ruwech.