Wuj Richin ri Chojmirisabelri'il 19:16 - Kaqchiquel Bible

¹⁶ Man k'a tikamuluj-tzij chi'ikojol rix: man k'a tiyoj-iwi' kik'in ri yekamisan kichin ri iwinaq. Yin Jehová ri yibin.

Wuj Richin ri Chojmirisabelri'il 19:16 ပူးပေါင်းရင်းမြစ်များ

Ex 23:1

Kan man jun bey k'a titz'uk-tzij. Man tito' jun wineq ri xa makuwineq y rix kan nibij chi man jun rumak.

Ex 23:7

Man tiju-iwi' chupan tz'ukuj taq tzij, ni man tiben chi nikamisex jun wineq ri xa man jun rumak o choj ruk'aslen. Roma ri wineq ri nibanon keri' chirij jun chik, xa kan aj-mak-wi.

Wuj Richin Etamabel-Tzij 20:19

Jun wineq kamuluy-tzij kan man nitikir ta nutz'apej ri ruchi'; man tawachibilaj k'a ri wineq ri'.

Ez 22:9

Chuqa' nitz'uk-tzij richin yeken ch'aqa' chik winaqi' ri xa man jun kimak. Yixbe k'a pa taq nima-wa'in richin niya' kiq'ij ri wachibel pa ruwi' taq juyu', y chiri' xaxe jalajoj kiwech itzel taq banobel ri ye'iben.

Wuj Richin ri Jeremías 9:4

Chi'ijujunal k'a tichajij-iwi' chuwech ri iwachibil. Man jun tukuquba' ruk'u'x rik'in ri rach'alal ri junan rukik'el rik'in, roma stape' kan ach'alalri'il xa nitz'ukun-tzij.

Wuj Richin ri Jeremías 6:28

Y yin xinbij konojel rije' xa yekamulun-tzij, e banoy taq etzelal, xa e yakatajineq chuwij y kikowirisan-ki', e achi'el ri q'enq'oj-pueq y ri q'eqapueq.

Wuj Richin Etamabel-Tzij 11:13

Ri wineq ri xaxe tzij nuben, kan man jun ri xtipa'e' chuwa ri raq', jak'a ri wineq ri kan choj ránima, kan yeruyek ri pa ránima ri yebix chire.

1 Pedro 2:1

Roma ri' kan tiya' k'a kan ronojel ruwech etzelal, ri q'oloj, ri ka'i' ipalej, ri ch'upun-k'u'x y ronojel kamulun taq tzij,

Wuj Richin Bix Chire ri Dios 15:3

ri kan man nitz'ukun ta tzij, ni man jun itzel nuben chire ri rachpochel, ri jantape' utz kik'in ri rachk'uljay;

Ex 20:16

Man tiyek tzij chirij jun chik iwinaq.

Tito 2:3

Ke'atijoj chuqa' ri rijita'q taq ixoqi' chi nikik'uaj ta jun utzilej k'aslen ri niqa' chuwech ri Dios. Man ta e yakol-tzij chikij winaqi', man ta yeq'aber, y nikik'ut ta jun utzilej k'aslen chikiwech ri ch'aqa' chik.

2 Timoteo 3:3

man xtikijoyowaj ta kiwech ri ch'aqa' chik winaqi', ni man xkekuyun ta, xketz'uku tzij, xtik'o ruwi' ri itzel ri xtikiben chire xabachike wineq, jantape' xke'oyower, kan xtiketzelaj ri utz

1 Timoteo 3:11

Y keri' chuqa' wi k'o jun ixoq ri nrajo' nilin: Nik'atzin chi nuk'uaj ta jun k'aslen utz chikiwech ri winaqi', man ta kamuluy-tzij, jun chojilej ixoq ta y kan nuben ta ronojel ri nubij.

San Mateo 27:4

Rija' xubij kan chike: Yin kan ximakun richin xinjech pan iq'a' ri jun ri xa maneq rumak, xcha' chike. Jak'a rije' xkibij-pe chire: Re' man nik'atzin ta chiqe roj. Ri' amak rat, xecha' chire.

Wuj Richin ri Achin Job 17:5

Rije' xa nikiben achi'el nubij ri tzij: Ri achin k'o ri nutaluj chikiwech ri rachibil, rokik ri ralk'ual man jun nikik'ul y yewayjan.

1 Sam 24:10

Re q'ij re', rat kan xatz'et chi ri Jehová kan xarujech pa nuq'a' chiri' pa jul; y ri wachibil xkibij chuwe richin xatinkamisaj ta. Jak'a yin xinkuy amak, y man xinben ta, roma xinch'ob chi rat kan at cha'on roma ri Jehová, y roma ri' man xinjeluj ta nuq'a' chawij.

Wuj Richin Bix Chire ri Dios 50:20

Ach'obon k'a richin yach'on itzel chirij ri awach'alal. Natz'uk tzij chirij ri xa junan ate' rik'in.

Wuj Richin Bix Chire ri Dios 101:5

Yin kan xkenk'is k'a el ri winaqi' ri pan ewel yech'on itzel chikij ri kiwinaq. Man ninkoch' ta yentz'et ri winaqi' ri janila nikinimirisaj-ki'.

Wuj Richin Etamabel-Tzij 10:18

Ri nrewaj chi itzel nuna' chire jun chik wineq, xa ka'i' rupalej, ri kan chi'anin nuq'alajirisaj-apo ri nuna', xa maneq runa'oj.