Wuj Richin ri Chojmirisabelri'il 19:15 - Kaqchiquel Bible

¹⁵ Toq niben ri q'atoj-tzij, kan tibana' pa ruchojmilal; man roma ta jun wineq ri man jun k'o rik'in nijoyowaj ta ruwech, ni man roma ta chi jun beyom nixibij ta iwi' chuwech. Xa kan pa ruchojmilal k'a tibana' kik'in ri iwinaq.

Wuj Richin ri Chojmirisabelri'il 19:15 ပူးပေါင်းရင်းမြစ်များ

Deut 1:17

Man tiben rukojolil kik'in ri winaqi' chupan jun q'atoj-tzij, xa junan tibana' kik'in, chi k'o kiq'ij chi maneq kiq'ij. Man jun achoq chuwech tixibij-iwi', roma re q'atoj-tzij re' kan richin ri Dios. Wi k'o jun k'ayew nuben chiwech, tik'ama-pe wik'in yin, richin chi ja yin ri yichojmirisan, xicha' chike.

Wuj Richin Etamabel-Tzij 24:23

Re etamabel-tzij re', kan kichin chuqa' ri winaqi' e aj-na'oj: Man utz ta chi toq niban jun q'atoj-tzij, xaxe jun ri utz niban rik'in.

Wuj Richin ri Chojmirisabelri'il 19:35

Kan pa ruchojmilal k'a tibana' rik'in ri etabel. Tikusaj k'a ri etabel choj y tz'aqet. Ja yin Jehová ri i-Dios ri xinelesan-pe iwichin pan Egipto, ri yibin chiwe.

Wuj Richin Etamabel-Tzij 18:5

Kan man ruk'amon ta chi utz niban rik'in ri wineq itzel, richin chi ri wineq choj ruk'aslen, xa jari' ri nibe kan chuxe' ri ch'a'oj.

Deut 16:19

Kan tibana' ronojel pa ruchojmilal. Man tiben chi niya' chire jun ri xa man ruk'amon ta richin nuk'ul, y man tiben chi man niya' ta chire jun ri ruk'amon richin nuk'ul. Man tirayij chi yixpuaqix. Roma wi keri' niben xa nuben chiwe richin nutz'apej runaq'-iwech richin niben pa ruchojmilal y ri iq'atbel-tzij xa nuben chi ja ri e choj yeqaqa kan chuxe'.

Wuj Richin Bix Chire ri Dios 82:2

Y nubij k'a: ¿K'a janipe' k'a yixtane' richin man pa ruchojmilal ta niq'et-tzij, y kan chaq ye'ito' ri e banoy taq etzelal?

Ex 18:21

Chuqa' rat ke'acha' chikikojol ri winaqi' richin ri tinamit, achi'a' ri kan k'o samaj ri yetikir nikiben, achi'a' ri kan k'o rukiy ri Dios chikiwech, achi'a' ri kan nakuquba' ak'u'x kik'in y kan niketzelaj richin yepuaqix. Y jeri' ri ke'aya' richin ye'ok aj-raqen pa kiwi' tzobaj richin 1,000 winaqi', pa kiwi' e wok'al, pa kiwi' e kawineq lajuj y pa kiwi' lajujteq winaqi'.

San Juan 7:24

Man k'a tibij chi man utz ta ri nubanobal, xaxe roma keri' niq'alajin chiwech rix. Jak'a tiq'ata-tzij pa nuwi' rik'in jun qitzij ruchojmilal, xcha'.

Hechos 23:3

Jak'a ri Pablo xubij-apo chire: ¡Ri xtibanon k'a kere' chawe rat ja ri Dios! ¡Rat at jun achin ri xa ka'i' apalej! Roma kan at tz'uyul k'a pe chiri' richin naq'et-tzij pa nuwi', y chuqa' nak'owisaj pa nuwi' ronojel ri pixa', ¿jak'a achike k'a roma toq rat naben chi kich'ay, y ri pixa' man keri' ta ri nubij?, xcha' ri Pablo.

Deut 10:17

Roma ri Jehová ri qa-Dios kan ja rija' ri Dios pa kiwi' konojel ri dios ri ek'o, y kan ja rija' ri Ajaw pa kiwi' konojel ajaw ri ek'o. Rija' kan Dios nim rejqalen ri k'o ronojel uchuq'a' pa ruq'a' y kan ruk'amon yojbaybot chuwech. Rija' man nuben ta rukojol kik'in ri winaqi', ni man yojtikir ta niqapuaqij.

Wuj Richin ri Achin Job 13:8

¿Achike roma ja rix ri yixtijo iq'ij chi yixch'on pa ruk'exel ri Dios? ¿Achike roma xa ja rix ri yixch'ojin pa ruk'exel rija'?

Wuj Richin ri Achin Job 32:21

Re xkich'on k'a re wakami, kan junan k'a ri xtinben chiwe. Kan man jun k'a ri xtinya-q'anej más ruq'ij.

Wuj Richin ri Achin Job 34:19

Chuwech rija' qonojel oj junan, man xaxe ta kik'in ri achi'a' e tata'al k'o-wi, chuqa' man xaxe ta ri beyoma' ri yeruto', xa kan yeruto' chuqa' ri man jun k'o kik'in, roma kan qonojel roj winaqi' kan ja ri ruq'a' rija' ri banayon qichin.

Wuj Richin Etamabel-Tzij 31:9

Kan takusaj k'a ri achi' richin chi pa ruchojmilal yaq'aton-tzij, y kan kapa'e' k'a chuwech ri ruk'ayewal ri nikik'owisaj ri man jun k'o kik'in y ri yewayjan.