Wuj Richin ri Chojmirisabelri'il 19:14 - Kaqchiquel Bible

¹⁴ Man tiyojobej ri tokon rik'in itzel taq ch'abel, y man tiya' pikbel pa rubey jun moy; xa kan tik'oje' nukiy chiwech. Yin Jehová ri yibin.

Wuj Richin ri Chojmirisabelri'il 19:14 ပူးပေါင်းရင်းမြစ်များ

Wuj Richin ri Chojmirisabelri'il 19:32

Toq nitz'et jun wineq ri kan k'o chik k'iy rujuna', wi ix tz'uyul, kan kixpa'e' richin nik'ut chi kan k'o ruq'ij, y keri' nik'ut chi yin chuqa' k'o nuq'ij. Yin Jehová ri yibin.

1 Pedro 2:17

Tiya' iwejqalen y tiwajowala-iwi' ri iniman chik ri Jesucristo. Tiya' ruq'ij ri Dios y tiqasaj-iwi' chuwech ri rey.

Romanos 14:13

Roma ri' man chik qojch'on itzel chirij jun qach'alal. Ri nik'atzin chi niqaben ja ri tiqatija' qaq'ij richin man niqaben chire jun qach'alal chi nitzaq o nimakun.

Wuj Richin ri Chojmirisabelri'il 25:17

Man k'a ke'iq'ol ri iwinaq, xa kan xtik'oje' nukiy chiwech, roma ja yin in Jehová ri i-Dios rix.

Apocalipsis 2:14

Jak'a k'o jujun ibanobal ri man yeqa' ta chinuwech; chi ri chi'ikojol ek'o ri k'a nikitzeqelibej na ri itzel taq tijonik richin ri Balaam ri xubij chire ri Balac, chi tubana' chike ri judío chi yetzaq pa mak y xubij chike chi kekitija' ri sujun chik chikiwech ch'aqa' chik dios, chi ri achi'a' y ri ixoqi' tikikanola-ki' richin yemakun.

Wuj Richin ri Nehemías 5:15

Jak'a ri e nabey aj-raqen chinuwech yin xekiya' kan pa k'ayew ri tinamit, roma kan q'ij-q'ij xkik'utuj waqlajuj onza saqipueq, y pa ruwi' ri' xkik'utuj kiway y ki-vino. Keri' chuqa' ri kisamajela' kan k'ayew xkiben chike ri qawinaq. Jak'a yin man keri' ta xinben, roma chinuwech yin, ri nu-Dios kan yalan-wi nim y janila rejqalen.

1 Pedro 1:17

Ri Dios ri nibij qatata' chire, jun chojmilej q'atoy-tzij, y man nuben ta rukojol kik'in ri winaqi'. Roma wi utz o man utz ta, ri ibanobal rija' nuya' rutojbalil chiwe. Roma ri' kan tixibij-iwi' yixmakun rokik ixk'o chuwech re ruwach'ulew.

Romanos 12:14

Ri winaqi' ri ye'etzelan iwichin y nikiben chiwe chi nitej poqon, tik'utuj ri rutzil ri Dios pa kiwi', y man tik'utuj chi niqaqa ruk'ayewal pa kiwi'.

Wuj Richin ri Rutikeribel 42:18

y pa rox q'ij ri José xubij chike: Yin tikirel ta yixinkamisaj y roma ninxibij-wi' chuwech ri Dios man ninben ta keri'; roma ri' kan xkixk'ase', xaxe tibana' ri xtinbij chiwe.

1 Corintios 10:32

Y man tiben chike ri winaqi' chi nikimalij kik'u'x y yetzaq; ni chike ri molaj qach'alal judío, ni ri molaj qach'alal aj-Grecia, y ni chike xabachike ri e ralk'ual chik ri Dios.

Wuj Richin ri Chojmirisabelri'il 19:15

Toq niben ri q'atoj-tzij, kan tibana' pa ruchojmilal; man roma ta jun wineq ri man jun k'o rik'in nijoyowaj ta ruwech, ni man roma ta chi jun beyom nixibij ta iwi' chuwech. Xa kan pa ruchojmilal k'a tibana' kik'in ri iwinaq.

Wuj Richin Bix Chire ri Dios 111:10

Wi k'o ta jun nrajo' nok aj-na'oj, k'atzinel chi tik'oje' rukiy ri Jehová chuwech. Roma ri' konojel ri nikitaqej ri rupixa', kan e aj-na'oj. Kan jantape' k'a tiya'ox ruq'ij ri Jehová.