Wuj Richin ri Chojmirisabelri'il 19:11 - Kaqchiquel Bible

¹¹ Man k'a kixeleq'; man tiq'ol jun chik; y man titz'uk-tzij chiwech rix.

Wuj Richin ri Chojmirisabelri'il 19:11 ပူးပေါင်းရင်းမြစ်များ

2 Sam 17:20

Pa rachoch re ixoq re' xe'apon rusamajel ri Absalón ri e kitzeqeliben-el ri Jonatán y ri Ahimaas. Y xkik'utuj k'a chire ri ixoq akuchi ek'o-wi. Y ri ixoq xubij chike chi xeq'ax-el keri' y xkiq'axaj yan el ri jun ch'uti'n raqen-ya' ri k'o chiri'. Toq xkak'axaj-el ri', rije' xebekikanoj, jak'a xa man xekil ta. Y roma ri' xetzolin pa Jerusalem.

1 Rey 13:18

Jak'a ri ti ri'j q'alajirisey ruch'abel ri Dios ri xapon rik'in, xa xutz'uk-tzij chuwech y xubij chire: Yin chuqa' in q'alajirisey ruch'abel ri Dios achi'el rat. K'o k'a jun ángel richin ri Dios ri xch'on wik'in y xubij chuwe chi yatink'uaj-el pa wachoch richin yabewa-yatuk'ya' wik'in, xcha' ri ti ri'j achin.

Wuj Richin Bix Chire ri Dios 101:7

Ri pa wachoch yin kan man xtik'oje' ta k'a jun wineq ri kan xaxe q'oloj yeruben. Ri tz'ukuy-tzij kan man xtintzu' ta k'a ruwech yin.

Wuj Richin Bix Chire ri Dios 116:11

Roma ri nuq'axo'n kan xinmalij k'a nuk'u'x, xinbij k'a chi konojel winaqi' xa e tz'ukuy taq tzij.

Ex 20:15

Man kixeleq'.

Ex 20:16

Man tiyek tzij chirij jun chik iwinaq.

Ex 20:17

Man tirayij chi iwik'in ta rix k'o-wi ri k'o kik'in ri iwachpochel: Man tirayij kiwech ri kixjayilal, ni ri kisamajela', ni ri kaj-ik'a', ni ri kibóyix, ni ri kibur; ni man jun chike ri e kichin ri iwachpochel tirayij, xcha' ri Jehová.

Ex 22:1

Wi k'o ta jun achin nreleq'aj jun bóyix o jun karne'l richin nupoch' o richin nuk'ayij-el, k'o chi nuya' wo'o' bóyix roma ri jun, y roma ri jun ti karne'l k'o chi nuya' kaji'.

Ex 22:7

Wi k'o jun achin nruxqanej ruméro o ch'aqa' chik ri k'o rejqalen rik'in ri rachpochel y neleq'ex ta el, wi xtilitej ri eleq'om, kan xtutoj k'a ri xreleq'aj-el y nuya' chik jun keri' pa ruwi'.

Ex 23:1

Kan man jun bey k'a titz'uk-tzij. Man tito' jun wineq ri xa makuwineq y rix kan nibij chi man jun rumak.

Wuj Richin Etamabel-Tzij 24:28

Rat, kan man katok jun q'alajirisanel, tz'ukuy-tzij, chirij jun wineq; kan man ke'abila' tzij ri xa man e qitzij ta.

Wuj Richin ri Jeremías 6:13

Chi ch'uti'q chi nima'q xaxe nikich'ob ri kichin-qa rije'. Ri nikibananej chi e q'alajirisey nuch'abel y ri e sacerdote xaxe q'oloj ri yekiben.

Wuj Richin ri Chojmirisabelri'il 19:10

Y toq nik'ol ruwech ri uva, chuqa' man xkixpich'olin-el. Y wi k'o ta yetzaq kan, man ke'isik'-el. Xa kan tiya' kan chike ri man jun k'o kik'in y chuqa' chike ri man e iwinaq ta ri ek'o chi'ikojol. Yin Jehová ri i-Dios ri yibin.

Romanos 3:4

Man keri' ta. Ri Dios kan qitzij wi nich'on, stape' konojel winaqi' e tz'ukuy taq tzij. Roma ri' kan tz'ibatel kan chirij ri Dios,*f5* Xtiq'alajin chikiwech ri winaqi' chi kan choj ri ruq'atbel-tzij ri xuya' pa kiwi'. Y kan ruk'amon toq rija' nuya' ruk'ayewal pa kiwi' ri winaqi'.

Efesios 4:25

Roma ri' tiya' kan ri tz'ukuj taq tzij; xa kan xaxe k'a ri qitzij ri tikusaj kik'in ri qach'alal, roma roj xa jun ch'akulaj qabanon rik'in ri Cristo.

Efesios 4:28

Wi k'o jun ri xuben eleq', man chik teleq'. Pa ruk'exel ri' nik'atzin chi nukusaj ri ruq'a' richin nisamej, roma re' kan utz wi, y rik'in re' nitikir chuqa' yeruto' ri k'o nik'atzin chike.

Deut 5:19

Man kixeleq'.

Colosenses 3:9

Man titz'ukula-tzij, roma xa iya'on chik kan ri itzel k'aslen ri xik'uaj.

1 Timoteo 1:10

pa kiwi' ri achi'a' y ri ixoqi' e k'ulan chik, y nikikanola-ki' richin yemakun, ri achi'a' ri man chik yekajo' ta ixoqi' y xa kik'in chik achi'a' yek'oje-wi, ri ye'eleq'an winaqi', ri e tz'ukuy taq tzij stape' kijikiban chi qitzij, y pa kiwi' ri winaqi' ri ye'etzelan ri utz taq tijonik,

Apocalipsis 21:8

Jak'a ri man yinkinimaj ta, ri nikixibij-ki' ye'apon pa taq tijoj-poqonal woma yin, ri e itzel taq winaqi', ri kamisanela', ri achi'a' y ri ixoqi' ri nikikanola-ki' richin yemakun, ri aj-itza', ri yeya'on kiq'ij ch'aqa' chik dios y ri e tz'ukuy taq tzij; konojel re' xtikichinaj ri achi'el choy ri k'o q'aq' xolon rik'in chuwilej-abej chupan. Y jari' k'a ri ruka'n kamik, xcha'.