Wuj Richin ri Chojmirisabelri'il 19:10 - Kaqchiquel Bible

¹⁰ Y toq nik'ol ruwech ri uva, chuqa' man xkixpich'olin-el. Y wi k'o ta yetzaq kan, man ke'isik'-el. Xa kan tiya' kan chike ri man jun k'o kik'in y chuqa' chike ri man e iwinaq ta ri ek'o chi'ikojol. Yin Jehová ri i-Dios ri yibin.

Wuj Richin ri Chojmirisabelri'il 19:10 ပူးပေါင်းရင်းမြစ်များ

Wuj Richin ri Isaías 24:13

Kere' k'a ri xtibanatej kik'in chijun ri ruwach'ulew, y chikikojol chijun tinamit. Kan jun ka'i-oxi' chik winaqi' ri xkek'oje' kan, achi'el nuben ri aceituna toq xsilox yan ri che' richin yetzaq-el ri ruwech, y jun ka'i-oxi' chik ri yek'oje' kan. Xa kan juba' ok ri xkek'oje', achi'el toq nipich'olix ri uva.

Wuj Richin ri Isaías 17:6

Jak'a kan k'o k'a juba' ri xtik'oje' kan, achi'el yek'oje' kan jujun aceituna toq nisilox ri che'. Xa kan keri' xtiban kik'in ri winaqi' israelita. Yin Jehová ri k'o ronojel uchuq'a' pa nuq'a' ri yibin.

Wuj Richin ri Chojmirisabelri'il 25:6

Chupan ri juna' ri', xabachike k'a utz niberuk'ama' juba' pixik' ri yebe'el-pe chupan ri ulew richin nitej: Rix, ri isamajela' chi achi'a' chi ixoqi' ri e yuqul pa samaj iwik'in y chuqa' ri man e iwinaq ta ri ek'o chi'ikojol,

Wuj Richin ri Miqueas 7:1

Kan maneq chik winaqi' chuwach'ulew ri kan choj ta kik'aslen; maneq chik ri kuqul ta kik'u'x rik'in ri Dios. Kan toq'ex k'a nuwech yin roma yenkanoj y man yenwil ta. Yin in achi'el jun ri nukanoj uva toq xa xk'ol yan el ronojel. Yin kan xinrayij ta k'a xintej ri nabey taq ruwech ri wíkix, jak'a xa maneq. Konojel k'a ri winaqi' xa kan xaxe ri kamik nikajo' nikiben. Chi kach'alal-ki' nikiyala' tzaqibel pa taq kibey.

Wuj Richin ri Abdías 1:5

Wi ta ri eleq'oma' yepe chaq'a' richin ye'eleq'an iwik'in, kan xaxe k'a ri nikajo' rije' ri xtikik'uaj. Chuqa' wi ta yepe iwik'in ri yewuxun uva richin nikeleq'aj, xa kan k'a k'o xtikiya' kan. Jak'a ri e etzelanel iwichin, kan xtikik'uaj-el ronojel.

Wuj Richin ri Jeremías 49:9

Toq nik'ol ruwech ri uva, k'a nik'oje' na kan juba' uva. Y toq ye'apon ri eleq'oma' xaxe nikik'uaj-el ri janipe' nikajo' y k'a k'o ri nikiya' kan.

Wuj Kichin ri To'onela' 8:2

Y rija' xubij chike: ¿Nich'ob rix chi ri xiben kan maneq rejqalen chuwech ri xqaben roj ri oj rijatzul ri Abiézer? Roma ri xiben rix ri aj-Efraín pa ruk'isibel kan más rejqalen chuwech ri xqaben roj ri pa rutikeribel.

Wuj Richin ri Chojmirisabelri'il 19:9

Toq napon ri q'ij richin nik'ol ruwech ri itiko'n, tiya' kan juba' chuchi', y chuqa' man kixpich'olin-el.

Wuj Richin ri Chojmirisabelri'il 19:11

Man k'a kixeleq'; man tiq'ol jun chik; y man titz'uk-tzij chiwech rix.

Wuj Richin ri Chojmirisabelri'il 23:22

Toq napon ri q'ij richin nik'ol ri tiko'n man k'a tikanoj-pe ronojel y man k'a tipich'olij-pe ri xk'oje' kan, roma re' kan tiya' kan chike ri man jun k'o kik'in y chike ri man e iwinaq ta, yin Jehová, ri Dios iwichin rix ri yibin, xcha'.

Deut 24:19

Toq xtapon ri q'ij richin q'atoj trigo chupan ri iwulew, wi rix nimestaj kan jun q'etaj trigo, man kixtzolin chik richin nibek'ama-pe. Re' xa kan tik'oje' kan richin nikik'uaj ri man e iwinaq ta ri ek'o chi'ikojol o jun meba' o jun malka'n, richin keri' ri Jehová ri qa-Dios kan xtuya' urtisanik pa ruwi' ronojel ri xtiben.

Deut 24:20

Y toq xtapon ri q'ij richin niyikikej ri ruche'el ri olivo man tikamuluj rubanik, ri yek'oje' kan xa kan xtok kan kichin rije'.

Wuj Richin ri Rut 2:2

Y k'o k'a jun q'ij ri Rut xubij chire ri ralite': Tabana' utzil, taya' q'ij chuwe richin chi yibe pa juyu', richin yibepich'olin pa rulew ri xtijoyowan nuwech, xcha'. Y ri Noemí xuya' k'a el q'ij chire.

Wuj Richin ri Chojmirisabelri'il 11:44

Ja yin Jehová ri i-Dios, y man jun chik ri achi'el ta yin. Y roma rix ijachon chik iwi' chuwe yin, roma ri' rix k'o chi man yixmakun achi'el nikiben ri ch'aqa' chik winaqi'; rix xa kan ix ch'ajch'oj-wi y roma ri' man tiben chi yixok man ch'ajch'oj ta koma ri chikopi' ri'.

Wuj Richin ri Chojmirisabelri'il 19:25

Jak'a chupan ri ro' juna' k'ari' utz xtitej ri kiwech ri che' ri e tijel ri e itikon-qa. Richin keri' kan yewachin ronojel ri itiko'n. Ja yin Jehová ri i-Dios ri yibin.

Deut 24:21

Keri' chuqa' toq nik'ol ri uva, man tinik'oj chukojol ri ruxaq wi k'o nik'oje' kan, kan tiya' kan kichin rije'.