Wuj Richin ri Chojmirisabelri'il 18:27 - Kaqchiquel Bible

²⁷ Ri winaqi' ri ek'o chuwech ri ruwach'ulew ri xtinbenya' chiwe, kan yenwixowaj k'a, roma rik'in ronojel ri itzel taq kibanobal ri ruwach'ulew kan xok man ch'ajch'oj ta.

Wuj Richin ri Chojmirisabelri'il 18:27 ပူးပေါင်းရင်းမြစ်များ

Ez 22:11

o kik'in ri kixjayilal ri iwachpochel, o kik'in iwali', o iwana'.

Ez 16:50

Kan e nima'q k'a xkina-ki' y ri kibanobal kan man xqa' ta chinuwech. Y roma ri' xinya' k'a rutojbalil-mak pa kiwi'.

2 Crón 36:14

Chuqa' konojel ri k'o más kiq'ij ri ek'o pa tinamit Judá, ri e sacerdote y konojel winaqi' kan xkinimirisaj ri kimak; xa kan xekitzeqelibej ri banobel ri man niqa' ta chuwech ri Dios. Xkiben achi'el ri yekiben ri ch'aqa' chik ruwach'ulew, y kan xekibanala' k'a ri itzel taq banobel pa rachoch ri Jehová, ri akuchi ruch'aron rija' richin niya'ox ruq'ij chiri' pa Jerusalem.

2 Rey 21:2

Kan itzel k'a xuben chuwech ri Jehová. Roma xa xuben ri k'ixbel taq banobel ri man niqa' ta chuwech ri Jehová achi'el yekiben ojer kan ri winaqi' ri ek'o chiri', ri e relesan chik el ri Jehová ri chiri' pan Israel.

2 Rey 16:3

Rija' xa xuben k'a achi'el xkiben ri rey richin Israel. Kan xusuj k'a ri ruk'ajol richin kamelabel, achi'el ri itzel taq banobel kichin ri tzobaj winaqi' ri kan ek'o chiri'. Y roma ri', ri Jehová xerelesaj-el chikikojol ri israelita.

1 Rey 14:24

Chiri' pa Judá ek'o k'iy achi'a' ri kijachon-ki' chubanik ri itzel k'aslen richin xkiya' kiq'ij ri ki-dios. Rije' xekik'amala-apo ri itzel taq kibanobal ri ch'aqa' chik winaqi' ri xek'oje' chiri' ojer, y roma ri banobel ri' ri Jehová xerelesaj-el chuwech ri ruwach'ulew ri' toq xe'apon ri israelita chiri'.

Deut 25:16

Roma ri Jehová ri qa-Dios kan itzel nutz'et ri achike nibanon keri'.

Deut 23:18

Roma wi keri' niben, ri Jehová kan man niqa' ta chuwech, stape' nik'en-pe ri isujun chire rija'.

Deut 20:18

richin man nikik'ut chiwech ri itzel taq banobel ri xekibanala' rije', richin nikiya' ruq'ij ri ki-dios; y keri' nikiben chiwe richin yixmakun chuwech ri Jehová ri qa-Dios.

Wuj Richin ri Chojmirisabelri'il 18:24

Man k'a ke'iben itzel taq banobel achi'el nikiben ri winaqi' aj-Canaán, roma rije' xa kan man e ch'ajch'oj ta chik chinuwech. Y roma ri' xkenwelesaj-el chupan ri kiruwach'ulew, y xtinjech ri ruwach'ulew pan iq'a' rix.

Os 9:10

Ri Dios nubij: Kan achi'el ri uva ri k'o pa tz'iran ruwach'ulew, keri' xinwil ri tinamit Israel. Kan achi'el k'a ri nabey taq ruwech ri wíkix, keri' xentz'et ri ite-itata'. Jak'a rije' xa kan xkiya' ruq'ij ri Baal-peor, xa xkich'er kan ki' richin xkiya' kik'ix, xa xkiben k'a chi xenwetzelaj kan yin, achi'el ri xekiyala' kiq'ij.

Wuj Richin ri Chojmirisabelri'il 18:26

Jak'a rix y ri man e iwinaq ta ri ek'o chi'ikojol, kan tibana' k'a achi'el nubij ri pixa' ri nuya'on chiwe y ri pixa' richin chojmirisabel, y man k'a tiben ri itzel taq banobel ri xkiben rije'.

Wuj Richin ri Chojmirisabelri'il 18:28

Man ke'iben itzel taq banobel richin man yixk'is-el chuwech ri ruwach'ulew, achi'el xekibanala' ri winaqi', ri ek'o nabey chiwech rix.