Wuj Richin ri Chojmirisabelri'il 18:25 - Kaqchiquel Bible

²⁵ Roma k'a ri itzel taq banobel ri xekiben, kan xok man ch'ajch'oj ta ri kiruwach'ulew, y yin kan xinya' k'a ri rutojbalil-mak pa kiwi'; y roma ri' xinben chire ri ruwach'ulew richin xek'is ri winaqi' chuwech.

Wuj Richin ri Chojmirisabelri'il 18:25 ပူးပေါင်းရင်းမြစ်များ

Wuj Richin ri Chojmirisabelri'il 18:28

Man ke'iben itzel taq banobel richin man yixk'is-el chuwech ri ruwach'ulew, achi'el xekibanala' ri winaqi', ri ek'o nabey chiwech rix.

Wuj Richin ri Jeremías 2:7

Yin xenk'en-pe chupan re ruwach'ulew akuchi jebel nuya' ronojel ruwech tiko'n, richin chi nikitej ri ruwech y ronojel ri nuya' chiri', jak'a rix toq xixok chupan, xa xitz'ilobisaj ri nuruwach'ulew y xiben chire chi yin man utz ta chik nintz'et.

Wuj Richin ri Jeremías 9:9

Roma ri' yin k'o chi ninya' rutojbalil-mak pa kiwi'. K'o chi ninya' ri ruk'ayewal ri ruk'amon nikik'ul re tinamit re', ncha' ri Jehová.

Wuj Richin Bix Chire ri Dios 106:38

Xekikamisaj k'a ri kalk'ual ri xa man jun kimak. Xekisuj k'a chikiwech ri wachibel ri e kibanon ri aj-Canaán. Y roma ri' xkitz'ilobisaj k'a ri ruwach'ulew ri' rik'in ri kik'.

Os 2:13

Xtinya' k'a rutojbalil-mak pa ruwi' roma ri janipe' q'ij xkamela'an chuwech ri Baal. Kan nuwiq-el-ri' rik'in ri ruwi-ixkinaj y ri richinaj richin nitzeqe-el chikij ri ch'aqa' chik achi'a', richin chi xirumestaj kan yin, nicha' ri Jehová.

Wuj Richin ri Jeremías 23:2

Kere' k'a ninbij yin Jehová ri i-Dios, pan iwi' rix yuq'unela' ri ixk'o pa ruwi' ri nutinamit: Rix kan k'o chi ximol ta juba' kichi' ri nukarne'l y xe'ik'uxla'aj ta juba'. Jak'a xaxe xe'inim kan. Y roma ri' xtinya' rutojbalil-mak pan iwi'.

Wuj Richin ri Jeremías 16:18

Kan xtinben chike chi xtikitoj ka'i' mul ri itzel taq kibanobal y ri kimak, roma rije' xkitz'ilobisaj ri nuruwach'ulew. Y rije' xekitorij kan ri itzel taq wachibel ri nikiya' kiq'ij achi'el ri kaminaqi' ri man e muqun ta. Xkiben chire chijun ri ruwach'ulew ri xinya' chike richin xkichinaj kan chi man jun rejqalen, roma xkiben itzel taq banobel chuwech ri kan man utz ta nintz'et yin, xcha' chuwe.

Wuj Richin ri Jeremías 14:10

Y ri Jehová jare' ri xubij pa kiwi' rije': Re tinamit re' niqa' chikiwech yebe-kela' yebe-kela' nikiben. Roma ri' man niqa' ta chinuwech ri nikiben. Re wakami kan noqaqa chinuk'u'x ri kimak y kan xtinya' ri rutojbalil pa kiwi', xcha' chuwe.

Wuj Richin ri Jeremías 5:29

Kan xtinya' rutojbalil-mak pa kiwi' roma ronojel re'. Yin Jehová ri yibin. Chi ninya' rutojbalil pa kiwi' ri winaqi' ri'.

Wuj Richin ri Jeremías 5:9

Roma ri' xtinya' rutojbalil-mak pan iwi'. Kan rik'in ronojel wánima xtinya' ruk'exel chiwe. Ja yin Jehová ri yibin.

Wuj Richin ri Isaías 26:21

Roma ri Jehová kan xtel-pe chiri' ri akuchi k'o-wi, richin chi nuya' ri ruk'ayewal pa kiwi' ri winaqi', roma ri kimak ri xkiben chuwech rija'. Y ri ruwach'ulew kan man xtrewaj ta chik jun kamik, jak'a xa kan xtuk'ut ronojel kamik ri e banon chuwech rija'.

Deut 18:12

Roma ronojel re' kan man niqa' ta chuwech ri Jehová y kan itzel yerutz'et ri yebanon ronojel re'. Xa roma ri' xkerelesaj-el ri winaqi' pa kiruwach'ulew y xkerujech pan iq'a', roma ri kibanobal man niqa' ta chuwech ri Dios.

Romanos 8:22

Jak'a re wakami ronojel ri e rubanon ri Dios yeq'axo y yejilo achi'el nijilo jun ixoq ri pa ruq'ijul chik ri alanen k'o-wi.

Os 9:9

Kan nik'o chik k'a ruwi' ri mak ri xkiben, kan achi'el chik k'a ri mak ri xbanatej pa Guibeá. Jak'a ri Dios kan man xtumestaj ta k'a, kan xtuya' k'a rutojbalil re mak re'.

Wuj Richin ri Isaías 24:5

Ri ruwach'ulew kan xok man ch'ajch'oj ta roma rije' kan man xkitaqej ta ri pixa'. Kan man xkiben ta ri xbix chike, y kan xkiq'ej ruwi' ri jikibel-tzij richin ri Dios.

Wuj Richin Bix Chire ri Dios 89:32

wi keri', yin Jehová kan xkenxik'ayuj roma ri kimak. Kan xkenjich' k'a roma ri itzel taq kibanobal.

Deut 9:5

Man roma ta k'a yalan utz ri ik'aslen, ni man roma ta utz ri ibanobal, roma ta ri' xkixok-apo y niwichinaj kan ri kiruwach'ulew rije'. Xa kan roma k'a ri itzel taq kibanobal re tzobaj winaqi' re' richin ri ruwach'ulew ri' ri Jehová ri qa-Dios xkerelesaj-el chiri', richin chi nujikiba' ri rubin-pe chike ri qati't-qamama' ri Abraham, ri Isaac y ri Jacob.

Os 8:13

Toq yekisujula' kamelabel chinuwech yin, xa kan xekitijila' k'a qa ri ti'ij richin kamelabel. Re' kan man xqa' ta chinuwech yin. Wakami kan xtinwajlaj k'a ronojel ri kimak, kan xtinya' k'a ri tojbalil pa kiwi', y kan xtinben chike richin xketzolej chik pan Egipto.

Wuj Richin ri Chojmirisabelri'il 18:26

Jak'a rix y ri man e iwinaq ta ri ek'o chi'ikojol, kan tibana' k'a achi'el nubij ri pixa' ri nuya'on chiwe y ri pixa' richin chojmirisabel, y man k'a tiben ri itzel taq banobel ri xkiben rije'.

Deut 21:23

ri ruch'akul man tik'oje' kan chiri' chijun aq'a'. Xa kan timuq kan chupan ri q'ij ri', roma chuwech ri Dios kan itzel ruwa-ruq'ij ri nitzeqebex chuwech jun che' y nik'oje' kan jun aq'a' chiri'. Wi keri' xtiben, kan man xtitz'ilobisaj ta k'a ri ruwach'ulew ri xtuya' ri Jehová ri qa-Dios chiwe, richin niwichinaj.

1 Rey 21:26

Ri Acab kan janila k'a itzel ri rubanobal chuwech ri Jehová, roma kan xuya' kiq'ij ri kiwachibel ri ch'aqa' chik dios, achi'el xkiben konojel ri winaqi' amorreo, ri xe'elesex-el chikiwech ri israelita roma ri Jehová.

Wuj Richin ri Esdras 9:11

ri xaya' chike ri qati't-qamama' koma ri asamajela' ri e q'alajirisey ri ach'abel rat. Xabij k'a: Ri ruwach'ulew ri akuchi yixok-wi y ri kan nibe'ok iwichin; re ruwach'ulew re' kan man ch'ajch'oj ta roma ri kimak ri winaqi' ri ek'o wawe'. Roma kan ye'ajin chubanik ri man niqa' ta chinuwech, y kan kinojisan chik ronojel ruk'ulba't ri ruwach'ulew rik'in ri kimak.