Wuj Richin ri Chojmirisabelri'il 18:24 - Kaqchiquel Bible

²⁴ Man k'a ke'iben itzel taq banobel achi'el nikiben ri winaqi' aj-Canaán, roma rije' xa kan man e ch'ajch'oj ta chik chinuwech. Y roma ri' xkenwelesaj-el chupan ri kiruwach'ulew, y xtinjech ri ruwach'ulew pan iq'a' rix.

Wuj Richin ri Chojmirisabelri'il 18:24 ပူးပေါင်းရင်းမြစ်များ

Deut 18:12

Roma ronojel re' kan man niqa' ta chuwech ri Jehová y kan itzel yerutz'et ri yebanon ronojel re'. Xa roma ri' xkerelesaj-el ri winaqi' pa kiruwach'ulew y xkerujech pan iq'a', roma ri kibanobal man niqa' ta chuwech ri Dios.

Wuj Richin ri Chojmirisabelri'il 18:30

Roma ri' kan tibana' k'a achi'el ri nubij ri pixa' ri nuya'on chiwe, y man tiben ri itzel taq banobel, roma yin kan ninwixowaj ri xekibanala' ri winaqi' ri ek'o nabey chiwech rix. Roma ri' kan man k'a tiben rix ri keri', richin keri' kan jantape' ix ch'ajch'oj chinuwech. Ja yin Jehová ri i-Dios ri yibin chiwe, xcha'.

1 Corintios 3:17

Wi k'o ta jun ri nitorin ri rachoch ri Dios, ri Dios xtutorij chuqa' el ri nibanon keri', roma ri rachoch ri Dios kan k'o-wi rejqalen, y ri jay ri' ja rix.

Wuj Richin ri Jeremías 44:4

Y beneq k'a ruwech xenteq ri nusamajela' ri e q'alajirisey nuch'abel, richin chi nikibij chiwe chi man ye'iben banobel ri kan man niqa' ta chinuwech y ri kan yenwixowaj yin.

Deut 12:31

Man tiya' ruq'ij ri Jehová achi'el nikiben rije', roma ri itzel kan man nukoch' ta nutz'et rija'. Jari' ri xkiben rije'; richin xkiya' ruq'ij ri ki-dios xekiporola' ri kimi'al-kik'ajol chikiwech.

Wuj Richin ri Chojmirisabelri'il 18:3

Man k'a titzeqelibej ri kibanobal ri aj-Egipto ri akuchi xixk'oje-wi. Man k'a tiben achi'el ri nikiben ri aj-Canaán, ri ruwach'ulew ri akuchi yixink'uaj-wi. Y man k'a tiben achi'el ri kibanobal rije'.

Wuj Richin ri Rutikeribel 15:16

Y ri rukaj sol chire ri awijatzul xketzolin chik pe chupan re ruwach'ulew re', roma man jani tik'o ruwi' ri kimak ri rijatzul ri Hamor richin ninwelesaj ri ruwach'ulew chike, xcha' ri Dios.

Wuj Richin ri Q'axanri'il 35:34

Man tiben k'a chire ri ruwach'ulew richin nok man ch'ajch'oj ta, roma akuchi yixbek'oje-wi rix, yin kan pan inik'ajal yik'oje-wi; roma yin Jehová kan ink'o chi'ikojol rix.

Deut 9:4

Toq ri Jehová ri qa-Dios xkerelesaj-el chiwech rix re tinamit re', man tibij-qa: Matiox chi roma utz ri qak'aslen roma ri' xojruk'en-pe chupan re jun ruwach'ulew re' richin nok qichin, man kixcha'. Xa roma k'a ri kimak ri tinamit ri' kan xkerelesaj-el chiwech rix.

1 Rey 9:7

wi keri' xtiben, yin xkixinwelesaj-el chupan re ruwach'ulew re nuya'on chiwe. Y ri itinamit Israel kan xtitze'ex y chuqa' itzel rutzijoxik xtiban koma ri winaqi' kichin ch'aqa' chik tinamit chuwech re ruwach'ulew. Chuqa' re jay re akuchi niya-wi nuq'ij, xa kan xtinmalij kan.

Wuj Richin ri Esdras 9:1

Toq k'achojineq chik k'a ronojel re', ri tata'al xepe wik'in y xkibij chuwe: Ri e sacerdote, ri e levita y ri ch'aqa' chik qawinaq man kich'aron ta k'a ki' kik'in ri winaqi' aj-Canaán, ri hitita, ri ferezeo, ri jebuseo, ri amonita, ri moabita, ri egipcio y ri winaqi' amorreo. Y chuqa' kan nikiben ri itzel kibanobal rije'.

Wuj Richin Bix Chire ri Dios 106:39

Rik'in ri banobel ri' xe'ok man e ch'ajch'oj ta ri israelita. Kan achi'el k'a jun ixoq itzel ruk'aslen, keri' xkiben rije' kik'in ri dios ri'.

Deut 9:5

Man roma ta k'a yalan utz ri ik'aslen, ni man roma ta utz ri ibanobal, roma ta ri' xkixok-apo y niwichinaj kan ri kiruwach'ulew rije'. Xa kan roma k'a ri itzel taq kibanobal re tzobaj winaqi' re' richin ri ruwach'ulew ri' ri Jehová ri qa-Dios xkerelesaj-el chiri', richin chi nujikiba' ri rubin-pe chike ri qati't-qamama' ri Abraham, ri Isaac y ri Jacob.

Wuj Kichin ri To'onela' 20:5

Y xeyakatej k'a chuwij ri aj-Guibeá. Xkisutij-rij ri jay ri akuchi ojk'o-wi ri aq'a' ri', rik'in ri kich'obonik richin yinkikamisaj. Jak'a ri nu-concubina xkiqasaj ruq'ij y xek'oje' rik'in chi jun aq'a', y roma ri' xken.

Wuj Kichin ri To'onela' 20:6

Y roma ri' yin xinwelesaj pa kablajuj peraj ri ruch'akul ri nu-concubina, y xinteq jujun peraj pa taq itzobaj richin niwetamaj re jun nimalej etzelal y kamik re xbanatej chupan re qaruwach'ulew Israel.

Wuj Kichin ri To'onela' 20:10

richin nikichojmirisaj ronojel ri k'atzinel chike ri ch'aqa' chik aj-labal. Xkeqak'en k'a el e lajuj achi'a' chikikojol ri wok'al achi'a' chupan chikijujunal ri tzobaj, richin yek'oje' kan. Y ri ch'aqa' chik, jari' ri xkebe pan oyowal richin nikiben chike ri aj-Guibeá richin Benjamín, chi niqaqa pa kiwi' ri etzelal ri xkiben chupan ri qaruwach'ulew Israel, xecha'.

2 Crón 33:2

Jak'a ri rubanobal kan man utz ta k'a chuwech ri Jehová; xa kan xuben achi'el ri xkiben ri winaqi' ri xek'oje' chiri' ojer, ri xerelesaj-el ri Jehová chikikojol ri israelita.

Ez 36:17

Rat Ezequiel, toq ri awinaq israelita k'a ek'o na pan aruwach'ulew, xa kan xkiben chire chi ri ruwach'ulew ri' xok man ch'ajch'oj ta, achi'el toq jun ixoq k'o yabil richin chi ik' chire man ch'ajch'oj ta.