Wuj Richin ri Chojmirisabelri'il 18:22 - Kaqchiquel Bible

²² Chuqa' man jun achin tik'oje' rik'in jun chik achin achi'el xa ta nik'oje' rik'in jun ixoq, roma re' kan man utz ta nintz'et yin.

Wuj Richin ri Chojmirisabelri'il 18:22 ပူးပေါင်းရင်းမြစ်များ

Wuj Richin ri Chojmirisabelri'il 20:13

Wi k'o ta jun achin nik'oje' rik'in jun chik achin achi'el xa ta rik'in ixoq nik'oje-wi, re' kan ninwixowaj yin, y roma ri' xkekamisex k'a chi e ka'i', roma kiyon rije' xkikanoj kikamik.

1 Timoteo 1:10

pa kiwi' ri achi'a' y ri ixoqi' e k'ulan chik, y nikikanola-ki' richin yemakun, ri achi'a' ri man chik yekajo' ta ixoqi' y xa kik'in chik achi'a' yek'oje-wi, ri ye'eleq'an winaqi', ri e tz'ukuy taq tzij stape' kijikiban chi qitzij, y pa kiwi' ri winaqi' ri ye'etzelan ri utz taq tijonik,

1 Corintios 6:9

¿Man iwetaman ta k'a chi ri man choj ta kik'aslen xa man xtiya'ox ta q'ij chike richin xkeok pa rajawaren ri Dios? Man tiq'ol-qa-iwi', roma chupan ri rajawaren ri Dios man xke'ok ta ri achi'a' y ri ixoqi' ri nikikanola-ki' richin yemakun, ri yeya'on kiq'ij ch'aqa' chik dios, ri k'ulan taq winaqi' y nikikanoj jun chik richin yemakun y ri achi'a' ri man yekajo' ta ixoqi' y xa kik'in chik achi'a' yek'oje-wi-qa.

Judas 1:7

Y keri' chuqa' xuben chike ri ojer taq winaqi' ri xek'oje' pa taq tinamit Sodoma y Gomorra y ri ek'o-apo chikinaqaj. Re winaqi' re' xemakun chi achi'a' chi ixoqi', kan xkikanola-ki' richin xemakun. Ri achi'a' man xekajo' ta ixoqi', xa kik'in chik achi'a' xek'oje-wi-qa. Roma ri' konojel ri winaqi' ri', ri Dios xeruya' pa q'aq' ri nik'at richin jantape'. Y re' richin nuk'ut chiqawech ri xtikik'uluwachij ri winaqi' ri nikik'uaj itzel k'aslen.

1 Rey 14:24

Chiri' pa Judá ek'o k'iy achi'a' ri kijachon-ki' chubanik ri itzel k'aslen richin xkiya' kiq'ij ri ki-dios. Rije' xekik'amala-apo ri itzel taq kibanobal ri ch'aqa' chik winaqi' ri xek'oje' chiri' ojer, y roma ri banobel ri' ri Jehová xerelesaj-el chuwech ri ruwach'ulew ri' toq xe'apon ri israelita chiri'.

Wuj Kichin ri To'onela' 19:22

Y toq janila yekikot ek'o chiri', jari' toq e k'iy achi'a' richin ri tinamit ri' xkisutij-rij ri jay, y nikitarila-apo ri ruchi' ri jay y xech'on apo chire ri ti achin y xkibij: Tawelesaj-pe ri achin ri xok apo pan awachoch, richin yojk'oje' rik'in, xecha'. Keri' xkibij roma re achi'a' re' kan e banoy etzelal.

Deut 23:18

Roma wi keri' niben, ri Jehová kan man niqa' ta chuwech, stape' nik'en-pe ri isujun chire rija'.

Wuj Richin ri Rutikeribel 19:5

Xkoyoj k'a apo ri Lot y xkibij chire: ¿Akuchi ek'o-wi ri achi'a' ri xe'oqaqa awik'in re aq'a' re'? Ke'awelesaj-pe richin yojk'oje' kik'in, xecha'.