Wuj Richin ri Chojmirisabelri'il 18:21 - Kaqchiquel Bible

²¹ Man tisuj k'a jun chike ri iwalk'ual richin jun sipanik ri niporox chire ri dios rubini'an Moloc, richin man niyoq'otej ri nubi', yin ri in i-Dios. Yin Jehová ri yibiyin.

Wuj Richin ri Chojmirisabelri'il 18:21 ပူးပေါင်းရင်းမြစ်များ

1 Rey 11:33

Y kere' xtuben ri Jehová rik'in ri rey Salomón roma xa xumalij kan y xa xuya' ruq'ij ri dios ixoq Astarté, y chuqa' kiq'ij ri Quemós ri ki-dios ri aj-Moab y ri Milcom ri ki-dios ri aj-Amón. Y xubij chuqa' ri Jehová chi ri Salomón man xutzeqelibej ta ri utzilej bey, ni man xuben ta ri choj chuwech rija', ni man xutaqej ta ri jalajoj ruwech pixa' ri ya'on chire, achi'el xuben ri David ri rutata'.

1 Rey 11:7

Y jari' toq ri rey Salomón xuteq k'a rupabaxik ri akuchi niya'ox-wi ruq'ij ri itzel ruwachibel Quemós ri dios kichin ri aj-Moab, ri chiri' pa ruwi' jun juyu' ri k'o pa relebel-q'ij ri chiri' pa Jerusalem, y chuqa' xuteq rupabaxik ri akuchi niya'ox-wi ruq'ij ri itzel ruwachibel Moloc ri dios kichin ri amonita.

2 Rey 16:3

Rija' xa xuben k'a achi'el xkiben ri rey richin Israel. Kan xusuj k'a ri ruk'ajol richin kamelabel, achi'el ri itzel taq banobel kichin ri tzobaj winaqi' ri kan ek'o chiri'. Y roma ri', ri Jehová xerelesaj-el chikikojol ri israelita.

2 Rey 17:31

Ri aj-Avá xkiben ka'i' wachibel jun richin ri Nibhaz y jun richin ri Tartac; ri aj-Sefarvaim yekiporoj k'a ri kalk'ual richin nikiya' kiq'ij ri Adramélec y ri Anamélec ri e ki-dios.

2 Rey 21:6

Xerusuj ri ruk'ajol richin kamelabel. Chuqa' kan xbe kik'in ri aj-itza' y xeruk'ulubej ri itzel taq espíritu. Chuqa' kan xuya-apo ri paban-che' richin Asera, chupan ri rachoch ri Jehová. Y ri itzel taq banobel ri' xuben richin xuyek royowal ri Jehová. Ri ojer kan ri Jehová xubij chike ri David y ri Salomón ri ruk'ajol: Yin xtinya' re nubi' richin q'asen chupan re jay re', re wawe' pa Jerusalem, ri kan xincha' chikikojol konojel ri tzobaj richin Israel.

2 Rey 23:10

Keri' chuqa' xuwulaj ri porobel ri k'o chiri' pa taq'aj kojol juyu' Ben-hinom, richin chi man jun tiporon jun ralk'ual richin nusuj kamelabel chuwech ri dios Moloc.

2 Crón 28:3

Xuporoj k'a pom chiri' pa taq'aj kojol juyu' richin Ben-hinom. Chuqa' kan xeruporoj ralk'ual richin kamelabel achi'el xekiben ri winaqi' ri xek'oje' chiri' ojer. Re banobel re' man xqa' ta chuwech ri Jehová, y roma ri' xe'elesex-pe chikikojol ri israelita ri ojer taq winaqi' ri'.

Wuj Richin ri Jeremías 19:5

Chuqa' xe'ipaba-q'anej porobel richin xe'iporoj ri iwalk'ual richin xe'isuj chire ri Baal, jun banobel ri man nubin ta yin richin niben y ni chuqa' man jun bey nuch'obon rij richin keri' niben.

Wuj Richin ri Jeremías 32:35

Chuqa' xekipaba-q'anej porobel richin ri Baal chiri' pa taq'aj kojol juyu' Ben-hinom, richin chi chiri' yekiporoj-wi ri kimi'al-kik'ajol richin kamelabel chire ri ki-dios Moloc. Ronojel re' kan man xinbij ta chike chi nikiben, ni man jun bey xinch'ob rij. Y toq ri winaqi' ri' xkiben ri itzel taq banobel ri', xkiben richin xemakun ri ch'aqa' chik kiwinaq.

Wuj Richin ri Jeremías 7:31

Y xekipabala' k'a q'anej porobel ri chiri' pa Tófet*f3* pa taq'aj kojol juyu' Ben-hinom ri akuchi yekiporoj ri kalk'ual. Re' jun banobel ri man xinbij ta yin richin chi niban y kan man jun bey xpe ta pa wánima richin keri' nibanatej.

Ez 20:26

y chuqa' xinya' k'a q'ij chike richin xe'ok man e ch'ajch'oj ta rik'in ri kisipanik ri xkiya' chikiwech ri wachibel toq xekiporoj ri nabey taq kik'ajol. Xinben ronojel re' richin xtik'oje' ta xibinri'il kik'in y xketamaj ta chi ja yin Jehová.

Ez 20:31

Toq ye'isuj-apo ri ik'ajol richin yeporox richin jun kamelabel, rix kan yixok man ix ch'ajch'oj ta roma niya' kiq'ij ri wachibel, k'ari' niwajo' yinik'ulubej toq xa man utz ta ri ye'ibanala'. Roma ri' yin kan ninya' nutzij richin chi man xtink'uluba' ta pe ri ich'abel.

Ez 23:37

roma rije' xekitzeqelibej ch'aqa' chik dios achi'el nuben jun ixoq nutzeqelibej jun chik achin ri man rachijil ta. Chuqa' kan xe'ok kamisanela' roma xekisuj ri kal chikiwech ri wachibel. Re ak'uala' re' kan e wichin yin, jak'a xa xe'ok kiway ri wachibel.

Wuj Richin ri Chojmirisabelri'il 19:12

Man k'a tijikiba-itzij pa nubi' ri xa man qitzij ta, roma kan nuben richin niyoq'otej ri nubi' yin, ri i-Dios. Yin Jehová ri yibin.

Wuj Richin ri Chojmirisabelri'il 21:6

Kan tich'ara-iwi' rik'in ronojel re' richin yixok wichin yin richin man tiyoq'otej ri nubi'; roma ja rix ri yixsuju ri sipanik richin jalajoj ruwech ixin ri niporox chinuwech yin Jehová.

Wuj Richin ri Chojmirisabelri'il 22:2

Tabij chire ri Aarón y chike ri e ruk'ajol: Kan tiya' rejqalen ri sipanik ri nikisuj ri iwinaq, richin keri' man niyoq' ta ri nubi'; yin Jehová ri yibin.

Wuj Richin ri Chojmirisabelri'il 22:32

Man tiben chi niyoq'otej ri nubi' yin, richin keri' kan xtinimirisex k'a nuq'ij yin iwoma rix, ja yin Jehová ri in ch'arayon iwichin.

Wuj Richin ri Chojmirisabelri'il 24:15

Y chuqa' chike ri awinaq kere' k'a xtabij: Xabachike k'a xtiyoq'on ri nubi', kan xtrejqalej k'a ri itzel rubanobal, y kan xtikamisex k'a chi abej koma konojel winaqi'. Keri' xtiban chire xabachike wineq ri xtuyoq' ri nubi', y re' xtiban kik'in ri iwinaq y ri man iwinaq ta.

Am 2:7

Xekitz'ila' y xkiqasaj kiq'ij ri winaqi' ri man jun k'o kik'in. Y kan man xkiben ta ruchojmilal pa kiwi' ri winaqi' ri man jun kiq'ij. Ri tata'aj y ri k'ajolaxel, xa jun ixoq nikikanoj richin yek'oje' rik'in chi e ka'i'. Rik'in re' nikiben chuwe yin chi maneq rejqalen ri loq'olej nubi'.

Am 5:26

Jak'a re wakami rix k'o chi xtik'uaj-el ri e ka'i' ruwachibel ri i-dios. K'o chi xtik'uaj-el ri Sicut ri achi'el i-rey y ri Quiiún ri achi'el jun ch'umil rubanik, ri xa ja rix ix banayon kichin;

Wuj Richin ri Miqueas 6:7

¿Kan xtiqa' kami chuwech ri Jehová xtinsuj chire 1,000 achija' taq karne'l? ¿Xtuk'awomaj kami ri Dios xtinya' ta chire ri aceite achi'el jun raqen-ya'? ¿Xtinsuj ta k'a ri nabey nuk'ajol chire richin nikuyutej numak? ¿Xtinya' ta jun chike ri walk'ual roma ri numak ri e nubanalon?

Wuj Richin ri Malaquías 1:12

Jak'a rix niben chuwe chi man jun wejqalen roma man niqa' ta chiwech ri nuporobal, y chuqa' ri k'o pa ruwi'.

Hechos 7:43

Pa ruk'exel chi keri' ta xiben, xa xe'itelela' ruwachibel ri rachoch ri dios Moloc, ri ruwachibel ri Refán ri i-dios ch'umil. Ja wachibel ri' ri xe'ibanala' rix, richin xiya' kiq'ij. Roma ri' yin xtinben chiwe chi yixbek'oje' k'a más kela' chire ri ruwach'ulew Babilonia, xcha' ri Dios.

Romanos 1:23

Pa ruk'exel chi nikiya' ta ruq'ij-ruk'ojlen ri k'aslik Dios, xa nikiya' kiq'ij ri kiwachibel winaqi' ri xa yeken, kiwachibel ri aj-xik' taq chikopi', y ri chikopi' e jepejeq.

Romanos 2:24

Qitzij k'a ri nubij chupan ri ruch'abel ri Dios,*f3* chi ri winaqi' ri man e qawinaq ta nikiyoq' rubi' ri Dios toq nikitz'et ri itzel taq ibanobal rix.

Deut 12:31

Man tiya' ruq'ij ri Jehová achi'el nikiben rije', roma ri itzel kan man nukoch' ta nutz'et rija'. Jari' ri xkiben rije'; richin xkiya' ruq'ij ri ki-dios xekiporola' ri kimi'al-kik'ajol chikiwech.

Deut 18:10

Man jun chiwe ri xtusuj ri ralk'ual richin kamelabel y nuq'axaj pa q'aq'. Man ye'ik'ulubej k'a ri yech'on kik'in ri espíritu, richin niwetamaj ri peteneq chiwech, ni man yixch'on kik'in ri kaminaqi'. Man niya' q'ij chi yek'oje' aj-itza' chi'ikojol. Ni man kixq'olon rik'in meyel taq banobel.