Wuj Richin ri Chojmirisabelri'il 18:20 - Kaqchiquel Bible

²⁰ Chuqa' man jun tik'oje' rik'in ri rixjajil jun chik achin, roma ri keri' xa kan man ch'ajch'oj ta chinuwech yin.

Wuj Richin ri Chojmirisabelri'il 18:20 ပူးပေါင်းရင်းမြစ်များ

Wuj Richin ri Chojmirisabelri'il 20:10

Wi k'o ta jun achin ri nik'oje-qa rik'in ri rixjayil ri rachpochel, ri achin y ri ixoq kan xemakun, y chi e ka'i' k'a xkekamisex.

Ex 20:14

Rix ri ix k'ulan man tikanoj jun chik.

Hebreos 13:4

Tiya' ruq'ij ri k'ulubik. Roma ri achijlonel y ri ixjayilonel man yemakun ta toq nikik'uaj-ki' chupan ri k'ulubik. Jak'a wi nikikanoj jun chik richin yek'oje' kik'in kan yemakun. Chuqa' ri man e k'ulan ta y nikikanoj jun richin yek'oje' rik'in, xa yemakun. Y ri Dios kan xtuq'et k'a tzij pa kiwi' ri keri' nikiben.

1 Corintios 6:9

¿Man iwetaman ta k'a chi ri man choj ta kik'aslen xa man xtiya'ox ta q'ij chike richin xkeok pa rajawaren ri Dios? Man tiq'ol-qa-iwi', roma chupan ri rajawaren ri Dios man xke'ok ta ri achi'a' y ri ixoqi' ri nikikanola-ki' richin yemakun, ri yeya'on kiq'ij ch'aqa' chik dios, ri k'ulan taq winaqi' y nikikanoj jun chik richin yemakun y ri achi'a' ri man yekajo' ta ixoqi' y xa kik'in chik achi'a' yek'oje-wi-qa.

Deut 5:18

Rix ri ix k'ulan, man tikanoj jun chik, y rix achi'a' man kixk'oje' rik'in ri rixjayil ri iwachpochel.

Gálatas 5:19

Y kan chi'anin-wi k'a yeq'alajin ri winaqi' ri yebanon ri nikirayij rije', roma ri kibanobal ruyon achi'el re': Ri winaqi' ri e k'ulan y ri man e k'ulan ta nikikanola-ki' richin yemakun; nikiben banobel ri man e ch'ajch'oj ta y kan maneq kik'ix;

Romanos 2:22

Rix yixch'on chikij ri k'ulan taq winaqi' ri kikanon chik jun richin yemakun kik'in, ¿man niben ta kami keri' rix? Rix nibij chi ke'etzelex ri dios ri xa man e qitzij ta, ¿man yixeleq' ta kami pa kachoch rije'?

Wuj Richin ri Malaquías 3:5

Ri Jehová ri k'iytisanel richin ronojel kan xtipe richin noruq'ata-tzij pan iwi' rix. Chuqa' kan chi'anin xtuya' rutojbalil-mak pa kiwi' ri yebanon itz, pa kiwi' ri winaqi' e k'ulan yekikanoj ch'aqa' chik richin yek'oje' kik'in, pa kiwi' ri nijikiba' kitzij y xa man qitzij ta, pa kiwi' ri nikiq'ol jun kisamajel, jun malka'n, jun meba' o jun wineq ri man israelita ta, y pa kiwi' ri man nikiqasaj ta ki' chuwech ri Jehová.

Wuj Richin Etamabel-Tzij 6:25

Kan man k'a tirayij chi iwichin ta rix ri jun jebejoj ok ixoq ri', y kan man k'a kixqaqa pa ruq'a' rik'in ri rubanik ri yixrutzu'.

2 Sam 11:27

Toq xq'ax yan ri q'ij richin bis, jari' toq ri David xuteq ruk'amik ri Betsabé richin xbek'oje' pa rachoch. Xok k'a rixjayil y xalex jun kalk'ual. Jak'a ri xuben ri David, kan itzel xutz'et ri Jehová.

Deut 22:25

Jak'a wi jun achin nril pa juyu' jun xten ri k'utun chik y nuben chire richin nik'oje' rik'in, xaxe k'a ri achin ri nikamisex.

Deut 22:22

Wi k'o ta jun achin nilitej kotz'ol rik'in jun ixoq ri k'ulan chik y k'o rachijil, kan chi e ka'i' xkekamisex; keri' xtik'is ri etzelal chikikojol ri qawinaq.

Wuj Richin ri Q'axanri'il 5:13

y chi kan nik'oje' rik'in jun chik achin pan ewel, jak'a man naben ta ri nuben ri ixoq roma man jun tz'eteyon y man ilitajineq ta chupan ri itzel banobel ri'.

Ez 18:6

Rija' man xtiwa' ta kik'in winaqi' ri yenimaq'ijun pa ruwi' taq juyu' richin nikiya' kiq'ij wachibel, ni man xtukuquba' ta ruk'u'x kik'in ri wachibel ri achoq ik'in nikikuquba' kik'u'x ri winaqi', ni man xtik'oje' ta rik'in rixjayil ri rachpochel, ni man xtik'oje' ta qa rik'in ri rixjayil rija' toq k'o yabil richin chi ik' chire.