Wuj Richin ri Chojmirisabelri'il 18:18 - Kaqchiquel Bible

¹⁸ Rokik k'a k'es na ri rixjayil, man tik'ule' rik'in ri rixnan, ri ruchaq' o runimal ri rixjayil y chuqa' man tik'oje' rik'in roma rik'in juba' ye'ok kik'ulel-ki' pa jay.

Wuj Richin ri Chojmirisabelri'il 18:18 ပူးပေါင်းရင်းမြစ်များ

Wuj Richin ri Malaquías 2:15

Ja ri Dios xbanon iwichin rix y ri iwixjayilal richin xa jun xiben, y chuqa' xa jun espíritu. ¿Achike kami roma xuben? Richin nik'iyer ri iwijatzul ri kan ch'aron chire rija'. Roma ri' kan tichajij-iwi', y man tiq'ol ri iwixjayil ri achoq ik'in xixk'ule-wi toq k'a ix alaboni' na.

Wuj Richin ri Rutikeribel 30:15

Jak'a ri Lea xa xubij: Man xaxe ta xamej ri wachijil. Wakami kan nawajo' chuqa' namej ri mandrágora ri ruk'amon-pe ri wal chuwe, xcha' ri Lea. Y ri Raquel xubij chire: Wakami k'a chupan re aq'a' re', ri Jacob awik'in k'a rat xtiwer-wi kan y taya' ri mandrágora chuwe, xcha' ri Raquel.

Wuj Richin ri Rutikeribel 29:28

Keri' k'a xuben ri Jacob y toq xtz'aqet ri wuqu' q'ij tik'oje' rik'in ri Lea, ri Labán xuya-el ri Raquel chire richin xok chuqa' rixjayil.

Wuj Richin ri Rutikeribel 4:19

Y ri Lámec xerukanoj e ka'i' rixjayil, ri jun rubini'an Adá, y ri jun chik rubini'an Silá.

Ex 26:3

Xkekiq'o' k'a ri wo'o' peraj tzieq, richin xa jun nuben y keri' chuqa' xtikiben chike ri wo'o' chik peraj tzieq.

Wuj Richin ri Chojmirisabelri'il 18:17

Wi k'o ta jun achin ri nik'oje-qa rik'in jun ixoq, kan man utz ta k'a chi nik'oje' chik qa rik'in ri ral ri ixoq ri' y chuqa' rik'in ri riy, roma xa kan junan kikik'el. Re' kan jun itzel banobel chinuwech yin.

Wuj Richin ri Chojmirisabelri'il 18:19

Man jun achin tik'oje-qa rik'in jun ixoq rokik k'o ri yabil richin chi ik' chire.