Wuj Richin ri Chojmirisabelri'il 17:15 - Kaqchiquel Bible

¹⁵ Keri' chuqa' ri iwinaq o man iwinaq ta, wi k'o xtitijo ri ruch'akul jun chikop ri xken ruyon o xwech' koma ch'aqa' chik chikopi', ri wineq ri' k'o chi natin y nuch'ej rutziaq, y kan xtok man ch'ajch'oj ta chi jun q'ij k'a toq nok-pe ri aq'a'.

Wuj Richin ri Chojmirisabelri'il 17:15 ပူးပေါင်းရင်းမြစ်များ

Ex 22:30

Keri' chuqa' xtiben kik'in ri nabey taq kal ri iwákix y ri nabey taq kal ri ikarne'l; xa wuqu' q'ij yek'oje' rik'in ri te'ej y ri pa ruwaqxaq q'ij xtik'en-pe chuwe yin.

Ex 22:31

Rix kan xixinch'er k'a chuwe yin, roma ri' man titej k'a ti'ij kichin chikopi' ri e kamisan kan koma k'uxunela' taq chikopi', ri ti'ij ri' xa tiya' chikiwech tz'i'.

Ez 4:14

Y jak'a yin xinbij chire chi yin man jun bey nuchapon ta ri xa man ch'ajch'oj ta. Chuqa' man jun bey nutijon ruch'akul jun chikop ri choj xken, o ruch'akul jun chikop ri xwech' koma k'uxunela' taq chikopi', ni man jun bey nutijon ta ti'ij ri man e ch'ajch'oj ta.

Ez 44:31

Jak'a ri sacerdote man tikitej man jun ruwech aj-xik' chikop o chikop ri ruyon xken o chikop ri xwech' ta kan roma jun k'uxunel chikop.

Wuj Richin ri Chojmirisabelri'il 11:24

Xabachike k'a chikop ri man ruch'aron ta ri' ri rupi'ch y man nikamulun ta, kan man ch'ajch'oj ta. Chuqa' chikikojol ri chikopi' ri k'o ruwi-kaqen y kixk'eq, ri' man e ch'ajch'oj ta. Xabachike k'a ri chaq k'ate' nuneq kan ri ruch'akul ri chikop kamineq, o xtuk'uaj-el juba' chire ri ruch'akul; ri wineq ri' kan xtok man ch'ajch'oj ta chijun q'ij k'a toq xtiq'equmer-qa, y chuqa' k'o chi nuch'ej ri rutziaq.

Wuj Richin ri Chojmirisabelri'il 11:31

Konojel re' kan man e ch'ajch'oj ta chikikojol ri chikopi' ri e jepejeq, y achike k'a xtichapo ruch'akul jun chike re chikopi' re' toq kamineq chik kan, xtok man ch'ajch'oj ta chijun q'ij k'a toq xtiq'equmer-qa.

Wuj Richin ri Chojmirisabelri'il 11:32

Y chuqa' achoq pa ruwi' xtitzaq-wi ri ruch'akul jun chike re chikopi' re' xtok man ch'ajch'oj ta; wi ta xtitzaq-qa pa ruwi' jun samajibel ri banon rik'in che', o chirij jun tzieq, o chirij jun tz'um, o chirij jun costal o chirij xabachike k'ojelibel o samajibel, re' xtiya' k'a pa ya' richin nich'ajch'ojirisaj. Y man rik'in ri' man ch'ajch'oj ta chijun q'ij k'a toq xtiq'equmer-qa.

Wuj Richin ri Chojmirisabelri'il 11:39

Wi ta niken jun chikop ri utz nitij, achike xtichapo ri ruch'akul ri chikop ri', xtok man ch'ajch'oj ta chijun q'ij k'a toq xtiq'equmer-qa.

Wuj Richin ri Chojmirisabelri'il 11:40

Ri nitijo ri ruch'akul ri chikop ri', k'o chi nuch'ej ri rutziaq y xtok man ch'ajch'oj ta chijun q'ij k'a toq xtiq'equmer-qa. Y ri nelesan-el ri ruch'akul ri chikop ri' chuqa' k'o chi nuch'ej ri rutziaq y xtok man ch'ajch'oj ta chijun q'ij k'a toq xtiq'equmer-qa.

Wuj Richin ri Chojmirisabelri'il 15:10

Roma ri' xabachike k'a ri xtichapo ri xalma ri' o nuchop o nuk'uaj-el ch'aqa' chik ri xa ch'okoliben chik roma ri achin ri', ri xtibanon keri' xtok man ch'ajch'oj ta chijun ri q'ij ri' k'a toq nok-pe ri aq'a', y kan k'o chi natin y nuch'ej ri rutziaq.

Wuj Richin ri Chojmirisabelri'il 15:21

Y xabachike k'a wineq ri xtichapo ri akuchi nikotz'e-wi ri ixoq ri', o xabachike k'a wineq ri xtichapo ri akuchi nitz'uye-wi chuqa', k'o chi natin y k'o chi nuch'ej ri rutziaq. Y ri wineq ri' xtok man ch'ajch'oj ta chijun ri q'ij ri' k'a toq nok-pe ri aq'a'.

Wuj Richin ri Chojmirisabelri'il 22:8

Man nitej ri ti'ij richin jun chikop ri xken ruyon o ri xkamisex roma jun k'uxunel chikop, roma rik'in re' xa kan niben chi kan man ix ch'ajch'oj ta. Yin Jehová ri yibin.

Wuj Richin ri Chojmirisabelri'il 7:24

Keri' chuqa' man titej ri ruq'anal jun chikop ri xkamisex roma jun k'uxunel chikop o ruq'anal jun chikop ri xuk'uluwachij xabachike kamik. Jak'a ri q'en ri' utz richin nikusaj richin ch'aqa' chik rukusaxik.

Wuj Richin ri Q'axanri'il 19:19

Ri ch'ajch'oj achin xtuchikaj k'a ri ya' ri' chirij ri man ch'ajch'oj ta pa rox q'ij y pa ruwuq q'ij. Toq ruch'ajch'ojirisan chik, ri wineq ri' nuch'ej ri rutziaq, natin-el y ja ri aq'a' ri' xtich'ajch'ojir.

Wuj Richin ri Q'axanri'il 19:21

Re' kan xtok k'a jun ruchojmilal richin jantape' chiwe rix. Y ri nichikan ri ya' richin ch'ajch'ojirisanik k'o chi nuch'ej chuqa' ri rutziaq. Y xabachike ri xtichapo ri ya' ri' kan xtok man ch'ajch'oj ta k'a toq xtok na qa ri aq'a'.

Wuj Richin ri Q'axanri'il 19:8

Keri' chuqa' xtuben ri achin ri xporon ri wákix. Xtuch'ej ri rutziaq y xtatin; y rija' chuqa' man ch'ajch'oj ta k'a toq xtok na ri aq'a'.

Deut 14:21

Ri chikopi' ri kiyon yeken, man ke'itej, roma rix ix jun tinamit ri ix rucha'on ri Jehová ri qa-Dios. Xa kan utz k'a niya' chike ri man e iwinaq ta, richin nikitej rije' o nikik'ayij-el chike ri winaqi' ri choj yeq'ax-el iwik'in. Man tichaq'arisaj ri ti alaj tzuntzun chupan ri tz'umaj richin ri te'ej.

Apocalipsis 7:14

Y yin xinbij k'a chire: Ja rat ri at etamayon e achike chi winaqi' la', xicha'. K'ari' rija' xubij chuwe: Jere' ri e eleneq chik pe chupan ri nimalej tijoj-poqonal, y kich'ajon chik ri kitziaq y kisaqirisan chik rik'in ri rukik'el ri Karne'l.