Wuj Richin ri Chojmirisabelri'il 17:13 - Kaqchiquel Bible

¹³ Xabachike k'a chike ri iwinaq, o ri man e iwinaq ta ri k'o chi'ikojol, wi ta nukamisaj jun chikop o jun aj-xik' chikop richin tijel, xtrelesaj k'a kan ri rukik'el y xtumuq kan rik'in ulew.

Wuj Richin ri Chojmirisabelri'il 17:13 ပူးပေါင်းရင်းမြစ်များ

Deut 12:16

Jak'a ri kik' man titej, xa kan titixa-el pan ulew achi'el niben rik'in ri ya'.

Ez 24:7

Y ri kamisanela' kan xaxe nikiben ri kamik y kan man nikich'ob ta juba' yekewaj kan, achi'el toq nikamisex jun chikop pa ruwi' jun abej ri kan nibiyin kan rukik'el y man nikamisex ta pan ulew richin nimuq ta kan juba' ri kik'.

Deut 15:23

Xaxe k'a man titej ri rukik'el ri ti chikop ri', xa kan titixa' pan ulew achi'el nitix ri ya'.

Deut 12:24

xa kan titixa' k'a el pan ulew achi'el niben rik'in ri ya'.

Wuj Richin ri Chojmirisabelri'il 7:26

Chuqa' man jun titijo o tiqumun kikik'el ri aj-xik' taq chikopi' y kikik'el konojel ri ch'aqa' chik chikopi'. Re' jun ruchojmilal xabakuchi ta ixk'o-wi.

Wuj Richin ri Achin Job 16:18

Kan ek'o-wi k'a ri ye'ajowan nukamik, jak'a rat ruwach'ulew man taya' q'ij chi ri woq'ej nichup ruwi', y man nak'axex ta ri nink'utuj.

Wuj Richin ri Chojmirisabelri'il 17:12

Y roma ri' nubin chiwe rix israelita chi man jun chiwe titijo kik', y keri' chuqa' ri man e iwinaq ta ri ek'o chi'ikojol.

Wuj Richin Etamabel-Tzij 6:26

Ri ixoq, ri itzel ruk'aslen, yerukanoj ri achi'a' richin nuch'ek ruway chikij, jak'a ri k'ulan ixoq, yerukanoj achi'a' roma kan ja ri kik'aslen ri nrajo'.