Wuj Richin ri Chojmirisabelri'il 17:11 - Kaqchiquel Bible

¹¹ Ri kik' jari' ri ruk'exewach ri kik'aslen konojel ri e k'es. Roma ri' nubin chiwe chi ri kik' richin ri kamelabel, k'o chi niya'ox pa ruwi' ri porobel richin nijunamatej-iwech wik'in. Ri kik' ri', ruk'exewach ri ik'aslen, richin nuben chi nijunamatej-iwech wik'in.

Wuj Richin ri Chojmirisabelri'il 17:11 ပူးပေါင်းရင်းမြစ်များ

Hebreos 9:22

Y chupan ri ruq'ijul ri pixa', jubama ronojel xch'ajch'ojirisex rik'in ri kik'. Kan qitzij chi wi man ta nibiyin kik', man ta nikuyutej ri mak.

1 Juan 1:7

Ri Dios kan k'o-wi pa saqil, y wi roj chupan re qak'aslen yojbiyin pa saqil, kan junan k'a qawech qonojel. Y chuqa' ri rukik'el ri Jesucristo ri ruk'ajol, nrelesaj ronojel ri qamak.

Romanos 3:25

Ri Dios xuteq-pe ri Cristo richin xken, y rija' xok jun kamelabel. Keri' ri Jesús xusuj ri rukik'el. Y xabachike ri kan nukuquba' ruk'u'x rik'in ri Cristo kan nikuyutej-wi rumak y niqa' chuwech ri Dios. Ri ojer kan rija' janila xkoch'on, y man xuya' ta ri rutojbalil ri kimak ri winaqi'. Jak'a re wakami niq'alajin chi kan choj. Y roma kan choj wi, roma ri' nuben chiqe chi man jun qamak yojk'ulun chuwech roma qakuquban qak'u'x rik'in.

Apocalipsis 1:5

Y kan tik'ulu' chuqa' ri utzil y ri uxlanen ri nuya' ri Jesucristo, ri nuq'alajirisaj ri qitzij, ri xk'astej-pe nabey chikikojol ri kaminaqi' y k'o pa kiwi' konojel q'atoy taq tzij ri ek'o chuwech re ruwach'ulew. Rija' yojrajo' y roma ri' xken y xbiyin rukik'el richin xojrukol chuwech ri qamak.

Marcos 14:24

K'ari' xubij: Re vino re ninq'ej wakami, nuk'exewachuj ri k'ak'a' jikibel-tzij, y re' nijikibex rik'in ri nukik'el ri niq'ejq'o' iwoma rix.

Wuj Richin ri Rutikeribel 9:4

Y ja k'a ri ti'ij ri k'a k'o na kik' ruk'uan man titej, roma chiri' k'o-wi ri k'aslen.

Colosenses 1:14

ri achoq ik'in niqil-wi kolotajik y kuyubel mak.

San Mateo 26:28

Re vino re ninq'ej wakami, nuk'exewachuj ri k'ak'a' jikibel-tzij, y re' nijikibex rik'in ri nukik'el ri niq'ejq'o'. Y ri nukik'el xtibiyin iwoma rix, richin nikuyutej ri imak.

Hebreos 13:12

Y roma ri' ri Jesús xuk'uex k'a chirij-el ri tinamit richin chi xuben loq'olej chike ri winaqi' rik'in ri rukik'el.

Efesios 1:7

Ri ruk'ajol xken qoma roj y xbiyin rukik'el richin xojrukol roj chuwech ri mak. Y roma ri' xukuy ri qamak. ¡Jebel k'a niq'alajin ri nimalej rutzil ri Dios

Wuj Richin ri Chojmirisabelri'il 17:14

Roma ri k'aslen ja ri kik', roma ri' nubin chiwe chi man nitej ti'ij ri xa k'a ruk'uan na kik'. Achike k'a ri xtitijo ri kik', kan xtelesex k'a chi'ikojol.

1 Pedro 1:2

Ri Qatata' Dios xixrucha' k'a rix, y kan ja ri Loq'olej Espíritu ri xch'aron iwichin richin ninimaj rutzij ri Jesucristo, y nich'ajch'ojir ri ik'aslen rik'in ri rukik'el. Ri Dios xtuya' ta k'a janila utzil y uxlanen pan iwi'.

Colosenses 1:20

chuqa' kan rurayibel wi ri Dios, chi xjunamatej kiwech rik'in rija' ronojel ri ek'o chuwech re ruwach'ulew y ri ek'o chila' chikaj. Y chi xk'oje' uxlanibel-k'u'x chiqakojol roj y rija' roma ri rukamik ri ruk'ajol chuwech ri cruz.

Romanos 5:9

Wakami man jun chik qamak yojk'ulun chuwech ri Dios roma ri rukamik ri Cristo. Y man xaxe ta ri' kan xqojkolotej-wi chuwech ri ruk'ayewal ri xtuya' ri Dios.

Wuj Richin ri Chojmirisabelri'il 8:15

K'ari' ri Moisés xuqupij ri ruqul ri chikop ri' y xuk'ul ri rukik'el y rik'in ri ruwi-ruq'a' xukil kik' chikij ri achi'el taq uk'a' ri ek'o pa taq rutza'n ri porobel. Y keri' ri xuben richin xuch'ajch'ojirisaj ri porobel; y ri ch'aqa' chik kik' xuya' chuxe' ri porobel. Y keri' k'a xkinaba' ri porobel richin chi pa ruwi' ri' nik'ul-wi ri kamelabel. Y keri' ri Dios utz xutz'et ri porobel.

1 Juan 2:2

Ja rija' ri xken richin chi nikuyutej qamak roj y konojel ri ek'o chuwech re ruwach'ulew.

San Mateo 20:28

Yin, ri xiqaqa-pe achi'el wineq chi'ikojol, man ninpoqonaj ta yisamej koma ri ch'aqa' chik, roma xa kan richin ri' toq xipe. Jak'a yin ri yiya'on ri nuk'aslen richin keri' e k'iy ri yekolotej, xcha' ri Jesús.

Wuj Richin ri Chojmirisabelri'il 16:11

Ri Aarón kan xtuqupij ri ruqul ri nima-alaj achij wákix richin xtusuj richin kamelabel, y xtikuyutej ri rumak rija' y ri kimak ri e aj pa rachoch. Keri' kan xtink'en chik kiwech.

Wuj Richin ri Chojmirisabelri'il 1:5

Y ri rajaw ri wákix kan chinuwech k'a yin xtukamisaj-wi; y ri sacerdote ri e ruk'ajol ri Aarón xtikik'ul k'a ri kik' y xtikichikaj chi kaji' ruxikin ri porobel ri k'o chuchi' ri wachoch; y keri' xtikisuj ri kik' chuwe.

Wuj Richin ri Chojmirisabelri'il 17:12

Y roma ri' nubin chiwe rix israelita chi man jun chiwe titijo kik', y keri' chuqa' ri man e iwinaq ta ri ek'o chi'ikojol.

Wuj Richin ri Chojmirisabelri'il 4:25

K'ari' ri sacerdote nuju-qa ri ruwi-ruq'a' chupan ri rukik'el ri chikop richin kamelabel richin kuyubel-mak, y nusu' chikij ri uk'a' ri ek'o pa ruwi' ri porobel y ri ch'aqa' chik kik' nukaq'uj chuxe' ri porobel,

Wuj Richin ri Chojmirisabelri'il 4:26

y nuporoj ronojel ri q'en pa ruwi' ri porobel achi'el niban chire ri q'en richin ri kamelabel richin nuq'alajirisaj chi nijunamatej-ruwech wik'in. Keri' k'a nuben ri sacerdote richin nikuyutej rumak ri aj-raqen, y nink'en chik ruwech.

Deut 12:23

Jak'a man titej ri kik' roma jari' ri kik'aslen ri chikopi'; roma ri' man titej ri ti'ij ri k'a ruk'uan na kik',