Wuj Richin ri Chojmirisabelri'il 16:4 - Kaqchiquel Bible

⁴ Ri nabey, ri k'o k'a chi nuben ri Aarón, ja ri natin, y k'ari' nukusaj ri rutziaq ri kan ch'aron richin pa nusamaj, ri e banon rik'in lino: Ri rupan rutziaq, ri nim raqen rutziaq, ri ximibel-rupan y ri kuchubel-rujolon retal ri rusamaj.

Wuj Richin ri Chojmirisabelri'il 16:4 ပူးပေါင်းရင်းမြစ်များ

Ex 28:2

Xtikiben k'a rutziaq ri animal Aarón, richin chi jari' ri nukusaj toq yirusamajij. Ri tzieq ri' k'o chi nuben chire ri Aarón chi kan k'o ruq'ij y kan ruk'amon richin nukusaj.

Ex 29:4

Y xke'ak'uaj-apo ri Aarón y ri e ruk'ajol, ri chiri' pa okibel chire ri wachoch richin ri molojri'il y chiri' chuqa' tabana' chike richin tikich'ajch'ojirisaj-ki'.

Ex 30:20

Roma toq rije' k'o chi ye'ok-apo chupan ri wachoch ri richin ri molojri'il, k'o chi nikich'ajch'ojirisaj-ki' rik'in ri ya', roma wi man nikiben ta, rije' xa xkeken. Y chuqa' k'o chi nikich'ajch'ojirisaj-ki' toq yejel-apo rik'in ri porobel richin nikisuj ri kamelabel, richin chi man yeken ta.

Ex 40:12

Xeri' xke'awoyoj ri Aarón y ri e ruk'ajol ri pan okibel chire ri wachoch, ri richin molojri'il y xke'ach'ajch'ojirisaj rik'in ya'.

Wuj Richin ri Isaías 53:2

Ri rusamajel ri Jehová man jebel ta xk'iy, xa achi'el ok jun che' o jun q'ayis ri nibebos-pe pa chaqi'j ulew. Man jebel ta ok ri rubanik, chuqa' ri nitzu'un; richin roj xqatzeqelibej ta.

Ez 44:19

Y toq ye'el-el chuwa-jay ri k'o chirij el ri akuchi ek'o-wi kan ri winaqi', k'o chi nikelesaj kan ri tzieq ri xkikusaj chupan ri samaj richin ri wachoch y nikikusaj chik el jun kitziaq richin chi man nipe ta jun ruk'ayewal pa kiwi' ri winaqi' ri'.

Ez 9:2

Xintz'et k'a e waqi' achi'a' xe'ok-pe chiri' pan okibel ri k'o pa xaman. Y chikijujunal k'a rije' kik'amon-pe kikamisabal pa kiq'a'. Y kachibilan k'a jun achin ri rukusan tzieq ri banon rik'in lino y ri xerupan rutzeqeban tinta richin tz'ibabel. Y xe'ok-apo chiri' chuwa-jay y xepa'e-qa chunaqaj ri porobel ri banon rik'in q'enq'oj-pueq.

Wuj Richin ri Chojmirisabelri'il 16:23

K'ari' ri Aarón nitzolin chik apo ri pa wachoch, y chiri' nrelesaj-wi kan ri rutziaq ri banon rik'in lino, ri xukusaj richin xok chupan ri akuchi k'o-wi ri káxa y chiri' nuyek-wi kan.

Wuj Richin ri Chojmirisabelri'il 16:24

K'ari' natin ri akuchi kan cha'on-wi ri chiri' pa wachoch; y nukusaj-pe ri rutziaq richin ri jun chik rusamaj. Y xeri' nel-pe richin nusuj ri kamelabel ri niporox chijun, ri nusuj rija' chuwe yin. Y rija' nusuj chuqa' ri kamelabel ri xkik'en-pe ri winaqi' chuwe yin, ri niporox chijun. Kere' k'a xtuben chi nink'en chik kiwech rija' y ri winaqi'.

Wuj Richin ri Chojmirisabelri'il 16:32

Y k'o chi jantape' k'o jun nimalej sacerdote. Jak'a wi niken-el, k'o chi nok kan jun ruk'ajol pa ruk'exel. Niq'ej k'a aceite richin cha'onri'il pa ruwi', richin chi nok kan nimalej sacerdote pa ruk'exel ri rutata'. Ja chik k'a rija' ri xtukusan ri tzieq banon rik'in lino, ri kan ch'aron richin ri nusamaj y xtusuj ri kamelabel richin nink'en chik ruwech.

Wuj Richin ri Chojmirisabelri'il 6:10

Y ri nimaq'a' ri sacerdote k'o chi nukusaj-el ri rutziaq y chuqa' ri rupan rutziaq ri e banon rik'in lino, y k'ari' xtujok-el ri ruchajul ri chikop y xtumol chiri' chunaqaj ri porobel.

Wuj Richin ri Chojmirisabelri'il 6:3

O rik'in juba' ja rija' xilo ri rusachon jun chik wineq y man rubin ta chi rik'in rija' k'o-wi. Y xabachike k'a ri xtibanon kere', kan nimakun-wi.

San Lucas 1:35

Ri ángel xubij chire: Ja ri Loq'olej Espíritu y ri ruchuq'a' ri nimalej Dios ri xtiqaqa pan awi'. Roma ri', ri loq'olej ak'ual ri xtalex awik'in, kan xtubini'aj Ruk'ajol ri Dios.

Filipenses 2:7

Man xupoqonaj ta k'a xuya' kan ri ruq'ij-ruk'ojlen, richin xo'alex-qa chuwech re ruwach'ulew. Kan xok k'a achi'el roj winaqi'; xsamej achi'el xabachike samajel.

Hebreos 10:22

Roma ri' qojjel k'a apo rik'in ri Dios, rik'in ch'ajch'oj qánima y kan kuqul-qak'u'x. Ch'ajch'ojirisan ta ri qánima chire ri etzelal, y ri qak'aslen ch'ajon ta chik rik'in ch'ajch'ojilej ya'.

Hebreos 2:14

Roj ri oj ralk'ual chik ri Dios xa oj winaqi', xa qak'uan ri kik' y ri ti'ij. Y roma ri' ri Jesús xok chuqa' achi'el roj winaqi'. Rija' xken richin xch'akon chirij ri k'o kamik pa ruq'a'. Y ri k'o ri kamik pa ruq'a', ja ri Itzel-Wineq.

Hebreos 7:26

Y kan ruk'amon-wi chi ri Jesús xok qanimalej sacerdote, roma rija' kan loq'olej-wi. Man jun bey xuben ta jun mak. Man jun etzelal k'o pa ruk'aslen y man junan ta kik'in ri aj-maki', y kan ya'on-wi ruq'ij chila' chikaj.