Wuj Richin ri Chojmirisabelri'il 16:29 - Kaqchiquel Bible

²⁹ Jak'a ruchojmilal re' ri xinya' chiwe richin jantape' niben y xtiben chupan ri q'ij lajuj chire ri ik' wuqu'. Chupan ri q'ij ri' man k'a yixsamej ta, nichajij-iwi' y man k'a yixwa' ta, roma ri q'ij ri' kan janila rejqalen, keri' niben rix y keri' chuqa' ri man e iwinaq ta ri ek'o chi'ikojol.

Wuj Richin ri Chojmirisabelri'il 16:29 ပူးပေါင်းရင်းမြစ်များ

Wuj Richin ri Isaías 58:3

Y man rik'in ri' nikik'utuj achike roma yemewayin, y yin man yentz'et ta. Nikik'utuj achike roma nikiya-ki' pa k'ayew, y yin xa man yentz'et ta. Jak'a yin Jehová ninbij chike: ¿Achike roma nibij keri', toq xa niben ri achike niqa' chiwech chupan ri q'ij richin meway? Y chuqa' niben chike ri isamajela' chi janila yesamej chupan ri q'ij ri'.

Wuj Richin ri Q'axanri'il 29:7

Ri q'ij lajuj chire ri ruwuq ik' chuqa' niben jun molojri'il richin niya' nuq'ij y kan man xkixwa' ta y man jun kowilej samaj ri xtiben.

Dn 10:12

K'ari' xubij chuwe: Daniel, man taxibij-awi', roma kan chupan k'a ri q'ij toq rat xpe pan awánima chi naqasaj-awi' chuwech ri Dios, y yach'on rik'in richin nawetamaj, kan ja k'a q'ij ri' toq xak'axex ri ach'owen, y jari' toq yin xipe awik'in.

Wuj Richin ri Isaías 58:5

Man keri' ta rubanik ri meway ri niqa' chinuwech yin. Man keri' ta ri rubanik ri q'ij toq rix niqasaj-iwi' chinuwech. Man ninwajo' ta chi rix nilukuba-iwi' chinuwech, achi'el nuben jun q'ayis pop nipa'e' chik el jun bey toq xik'o yan qa ri kaq'iq'. Niben ich'at qiriqoj y yixkotz'e' pa chaj, y xa chire ri' nibij q'ij richin meway. ¿Kan niqa' kami chinuwech yin re'?

Wuj Richin Bix Chire ri Dios 35:13

Jak'a toq yeyawej rije', yin kan ninkusaj ri nutziaq richin bis. Yin kan yibison k'a koma rije', y kan yimewayin.

Wuj Richin ri Chojmirisabelri'il 23:36

Chi wuqu' k'a q'ij richin ri nimaq'ij ri' xtiporoj k'a sipanik chinuwech yin. Y chupan k'a ri ruk'isibel q'ij, xtimol chik iwi' y xtiporoj jun chik sipanik chinuwech yin. Re' kan jun molojri'il richin niya' nuq'ij y roma ri' kan man jun isamaj xtiben chupan ri q'ij ri'.

Wuj Richin ri Chojmirisabelri'il 23:21

Chupan k'a ri q'ij ri', rix kan xtiben k'a jun nimaq'ij richin niya' nuq'ij y kan man xtiben ta k'a samaj achi'el nikiben ri samajela' ri e yuqul pa samaj, re' kan jun pixa' ri nuya'on chiwe richin q'asen, kan xtikiben ri iwijatzul xabakuchi ek'o-wi.

Ex 20:10

Jak'a chupan ri ruwuq q'ij, jun q'ij richin uxlanen y kan ruk'amon chi nich'er chuwe yin Jehová ri i-Dios y kan man jun k'a isamaj xtiben chupan ri q'ij ri', ni rix, ni ri ik'ajol, ni ri imi'al, ni ri isamajela' ri e yuqul pa samaj iwik'in, ni ri iwaj-ik'a', ni ri chikopi' ri e iwichin rix, ni ri winaqi' ri man iwinaq ta ri ek'o iwik'in.

Hebreos 4:10

Y xabachike okineq chupan ri uxlanen ri nuya' ri Dios, nuxlan chire ri rusamaj, achi'el xuben ri Dios, toq k'achojineq chik chubanik re ruwach'ulew y ri kaj.

1 Corintios 11:31

Jak'a wi ta rix nitz'et-qa ri ibanobal, ri Dios nuben chi man jun ta ruk'ayewal niqaqa pan iwi'.

Dn 10:3

Kan man xintej ta k'a ri jebelej taq q'utun, ni man xintej ta ti'ij, ni man xinqum ta vino, ni man xinya' ta jubulej taq aq'om chuwij, k'a toq xtz'aqet na oxi' semana.

Wuj Richin ri Isaías 58:13

Kan tiya' rejqalen ri q'ij richin uxlanen, y man tiben ri niqa' chiwech rix roma ri q'ij ri' ch'aron chuwe yin. Kan tibana' chire chi q'ij richin kikoten, roma q'ij ri kan ch'aron chuwe yin Jehová, y kan k'o ruq'ij. Man kixel-el richin yixbe pa taq k'ayij ó pa taq loq'oj. Kan tiya' rejqalen, y man tiben ri nik'atzin-qa chiwe rix. Chuqa' man chaq ke'ibila' ch'abel ri man e ruk'amon ta.

Wuj Richin Bix Chire ri Dios 69:10

Toq yinoq' y yimewayin rik'in bis, rije' xa yetze'en chuwij.

Wuj Richin ri Esdras 3:1

Y toq xapon k'a ri ruwuq ik' chire ri juna' ri', toq kan konojel ri winaqi' ri xe'apon chiri' y jikil chik ek'o pa taq kitinamit, jari' toq konojel ri winaqi' israelita xbekimolo' k'a ki' chiri' pa Jerusalem.

1 Rey 8:2

Y xkimol k'a ki' rik'in ri rey Salomón konojel ri winaqi' ri' chupan ri ik' wuqu' ri rubini'an Etanim, toq ninimaq'ijux ri nimaq'ij richin ri taq jay banon rik'in ruq'a-che'.

Wuj Richin ri Chojmirisabelri'il 23:3

Waqi' q'ij k'a xtiben isamaj rix, jak'a ri pa ruwuq q'ij kan man jun samaj ri niben, roma re' kan q'ij richin uxlanen y kan xtiben jun molojri'il richin niya' nuq'ij yin; y xabakuchi k'a ixk'o-wi kan xtichajij k'a.

Ex 30:10

Xaxe k'a jun bey pa jun juna' ri xtiberuchojmirisaj ri porobel ri', chupan ri q'ij toq nijunamatej-iwech wik'in. Ri Aarón xtuk'en-pe ri kik' richin ri kamelabel richin nijunamatej-iwech wik'in y xtuya' ri kik' ri' chirij ri uk'a' ri ek'o chire ri porobel. Kan kere' k'a xtiban, tibe q'ij tibe seq, koma ri winaqi' ri e peteneq chi wiq chi tanaj. Re jun porobel re' kan xtijech k'a richin pa nusamaj yin.

Ex 12:16

Chupan k'a ri nabey q'ij y chupan ri ruwuq, kan xtiben k'a jun nimalej molojri'il richin niya' nuq'ij. Y chupan k'a ri ka'i' q'ij ri' kan man jun k'a ri xtisamej, xaxe k'a ri nik'atzin richin nitej ri k'o chi niben.

Hechos 27:9

Kan janila yan k'a q'ij ri tibiyin richin yojapon ri chiri'. Y roma ri rubey ri kaq'iq' xa xujel yan, k'ayew chik k'a chi niban binen pa ruwi' ri palou. Roma ri' ri Pablo xubij chike ri achi'a' ri nuch'ob rija' ri utz chi nikiben.

Ex 31:14

Roma ri' kan tichajij k'a ri q'ij richin uxlanen y xabachike wineq ri xtiqasan rejqalen re jun q'ij re', xtiken, o xabachike ri xtisamej chupan re q'ij re', kan xtikamisex.

Ex 31:15

Waqi' q'ij k'a xtiban samaj y jak'a ri ruwuq q'ij ri' kan q'ij k'a richin uxlanen, q'ij ch'aron chuwe yin y roma ri' xabachike k'a ri xtisamej chupan ri q'ij ri', kan qitzij na wi chi kan xtikamisex.

Wuj Richin ri Chojmirisabelri'il 3:17

Man titej k'a ri q'en ni ta ri kik'. Re' jun ruchojmilal richin jantape'; y chuqa' kichin ri iwijatzul, y xabakuchi ta k'a ixk'o-wi, xcha' ri Jehová.

1 Sam 7:6

Kan xkimol k'a ki' chiri' pa Mispá. Xkelesaj ya', y xkitix pan ulew chuwech ri Jehová richin jun sipanik. Kan man xewa' ta ri q'ij ri' richin chi konojel xkik'ut chi kan qitzij xtzolej-pe kik'u'x y xkibij: Kan qitzij na wi oj makuwineq chuwech ri Jehová, xecha'. Y ja ri Samuel xq'aton-tzij pa kiwi' ri israelita chiri'.

Wuj Richin ri Esdras 8:21

Y chiri' chunaqaj ri raqen-ya' Ahavá, xinbij chi tiqach'ara' jun q'ij richin yojmewayin, richin chi niqaqasaj-qi' chuwech ri qa-Dios, y richin niqak'utuj chire chi utz ta yojbe, y keri' ri qalk'ual chuqa', y keri' rik'in chuqa' ri k'o qik'in.

Wuj Richin ri Chojmirisabelri'il 25:9

Toq xtz'aqet yan ri kawineq beleje' juna', jari' toq xtixupuj k'a kow ri xupubel banon rik'in uk'a' chupan ri q'ij lajuj richin ri ik' wuqu' chijun ri ruwach'ulew. Y re' xtibanatej chupan ri q'ij richin nink'en chik iwech.