Wuj Richin ri Chojmirisabelri'il 16:24 - Kaqchiquel Bible

²⁴ K'ari' natin ri akuchi kan cha'on-wi ri chiri' pa wachoch; y nukusaj-pe ri rutziaq richin ri jun chik rusamaj. Y xeri' nel-pe richin nusuj ri kamelabel ri niporox chijun, ri nusuj rija' chuwe yin. Y rija' nusuj chuqa' ri kamelabel ri xkik'en-pe ri winaqi' chuwe yin, ri niporox chijun. Kere' k'a xtuben chi nink'en chik kiwech rija' y ri winaqi'.

Wuj Richin ri Chojmirisabelri'il 16:24 ပူးပေါင်းရင်းမြစ်များ

Ex 28:40

Xtiben chuqa' ri nim raqen kitziaq ri e ruk'ajol ri Aarón, chuqa' ri ximibel-kipan y ri kuchubel-kijolon; re' kan nuk'ut chi k'o kiq'ij y kan ruk'amon richin nikikusaj.

Ex 28:41

K'ari' rat xtawiq k'a ri Aarón y ri e ruk'ajol, y xtaqasaj aceite pa kiwi' y xke'aya' kan chupan ri kisamaj y xke'ach'er richin nikiben nusamaj y kan xke'ok k'a nu-sacerdote.

Ez 42:14

Toq ri e sacerdote ye'ok-apo pa rachoch ri Dios richin nibekibana' ri rusamaj rija', man chik ye'el ta pe chuwa-jay roma kikusan kitziaq richin rusamaj ri Dios, roma ri tzieq ri' kan ch'aron. Y richin chi ye'el-el ri akuchi ek'o-wi ri winaqi' kan k'o chi nikikusaj jun chik kitziaq.

Wuj Richin ri Chojmirisabelri'il 14:9

Toq xtitz'aqet ri wuqu' q'ij jun bey chik xtujos-el ri rusumal-ruwi', ri rusumal-ruchi', ri rumetz' y ronojel ri rusumal. K'ari' nuch'ej ri rutziaq, natin jun bey chik y keri' k'a xtich'ajch'ojir.

Wuj Richin ri Chojmirisabelri'il 16:25

Y ri Aarón xtuk'uaj-apo ri kiq'anal ri chikopi' ri xerukamisaj richin kamelabel richin kuyubel-mak, y xtuporoj pa ruwi' ri porobel.

Wuj Richin ri Chojmirisabelri'il 22:6

Ri sacerdote ri xtichapo jun chike ronojel re', kan xtok man ch'ajch'oj ta. K'o chi natin richin utz nutej ri sipanik ri', ri e jachon chuwe. K'a toq niqaq'ij-qa, k'ari' xtich'ajch'ojir, y k'ari' utz nutej ri sipanik ri e jachon chuwe, roma nuya'on q'ij chire richin chi jari' nutej.

Wuj Richin ri Chojmirisabelri'il 9:7

K'ari' ri Moisés xubij chire ri Aarón: Kajel-apo chunaqaj la porobel y tasuju' k'a ri chikop richin kamelabel richin nikuyutej ri amak, y tasuju' chuqa' ri kamelabel ri niporox jumul. Y tasuju' k'a ri kamelabel ri niporox ronojel koma ri winaqi' y tasuju' ri kamelabel richin nikuyutej ri kimak rije'. Keri' xtaben chi ri Jehová utz xkarutz'et rat y utz xkerutz'et ri winaqi', kan achi'el ri rubin ri Jehová chuwe, xcha'.

Hebreos 9:10

Ri nabey jikibel-tzij, xaxe k'a xch'on chirij ri achike nikitej y nikiqum y ri jalajoj rubanikil ch'ajch'ojirisanik ri k'o chi nikiben. Ronojel ri xchilabex chike chi tikibana', xaxe numej ri ch'akulaj; y jari' ri ukusan-pe kan k'a toq xoqaqa ri q'ij toq k'o chi xjalatej ronojel ri'.