Wuj Richin ri Chojmirisabelri'il 16:18 - Kaqchiquel Bible

¹⁸ Chirij ri' ri Aarón xtel k'a pe richin nuch'ajch'ojirisaj ri porobel ri k'o chinuwech. Xtuchop juba' rukik'el ri achij wákix y juba' rukik'el ri achij tzuntzun y xtuya' chikij ri achi'el uk'a' ri ek'o pa taq kaji' ruxikin ri porobel.

Wuj Richin ri Chojmirisabelri'il 16:18 ပူးပေါင်းရင်းမြစ်များ

Ex 30:10

Xaxe k'a jun bey pa jun juna' ri xtiberuchojmirisaj ri porobel ri', chupan ri q'ij toq nijunamatej-iwech wik'in. Ri Aarón xtuk'en-pe ri kik' richin ri kamelabel richin nijunamatej-iwech wik'in y xtuya' ri kik' ri' chirij ri uk'a' ri ek'o chire ri porobel. Kan kere' k'a xtiban, tibe q'ij tibe seq, koma ri winaqi' ri e peteneq chi wiq chi tanaj. Re jun porobel re' kan xtijech k'a richin pa nusamaj yin.

Ez 43:20

Xeri' xtak'en-el juba' ri rukik'el ri wákix ri' y xtachikaj chikij ri kaji' uk'a' ri pa taq ruxikin ri ti che' ri rusutin ri ruchi' ri porobel y k'ari' xtachikaj chirij ronojel. Y keri' xtich'ajch'ojir ri porobel chire ri mak, richin xtijach chuwe.

Ez 43:22

Y ri ruka'n chik q'ij xtasuj chik jun kamelabel richin kuyubel-mak y xtasuj jun ti alaj achij tzuntzun ri kan tz'aqet. Y ri sacerdote xtikich'ajch'ojirisaj chik ri porobel achi'el xiben rik'in ri wákix pa nabey.

Ez 45:19

Ri sacerdote xtuchop juba' chire ri rukik'el ri wákix ri' richin nusuj richin jun kamelabel richin kuyubel-mak. Ri kik' ri' xtuchop nusu' chikij ri che' ri e chapayon ri ruchi' ri wachoch, pa taq ruxikin richin ri porobel y chikij ri che' ri e chapayon ruchi' ri okibel ri k'o chuwa-jay.

Wuj Richin ri Chojmirisabelri'il 16:16

Y keri' k'a xtuben ri Aarón richin nuch'ajch'ojirisaj ri akuchi k'o-wi ri káxa ri tz'ilobitajineq roma ri itzel taq kibanobal ri awinaq, ri kiyakatajinenri'il y ri kimak. Y keri' chuqa' xtuben rik'in chijun ri wachoch richin molojri'il, ri k'o chi'ikojol rix.

Wuj Richin ri Chojmirisabelri'il 16:17

Man jun k'a tok-apo pa wachoch rokik ri Aarón k'o-apo chuwech ri káxa richin nijunamatej-kiwech wik'in yin, rija', ri e aj pa rachoch, y konojel ri winaqi'.

Wuj Richin ri Chojmirisabelri'il 4:18

Ri sacerdote xtusu' juba' kik' chikij ri uk'a' ri ek'o pa ruwi' ri porobel-pom ri k'o chupan ri wachoch. Y re' xtuben chinuwech yin. Y ri ch'aqa' chik kik' nukaq'uj chuxe' ri porobel ri k'o pan okibel.

Wuj Richin ri Chojmirisabelri'il 4:25

K'ari' ri sacerdote nuju-qa ri ruwi-ruq'a' chupan ri rukik'el ri chikop richin kamelabel richin kuyubel-mak, y nusu' chikij ri uk'a' ri ek'o pa ruwi' ri porobel y ri ch'aqa' chik kik' nukaq'uj chuxe' ri porobel,

Wuj Richin ri Chojmirisabelri'il 4:7

Ri sacerdote xtusu' juba' ri kik' chikij ri uk'a' ri ek'o pa ruwi' ri porobel-pom ri k'o chupan ri wachoch, y re' xtuben chinuwech yin. Y ri ch'aqa' chik kik' nukaq'uj chuxe' ri porobel ri k'o pan okibel.

Wuj Richin ri Q'axanri'il 28:22

Y chuqa' nisuj jun achij tzuntzun richin kuyubel-mak richin nijunamatej iwech wik'in.

San Juan 17:19

Koma rije' yin kan ninch'er k'a wi' richin ri samaj, richin ta keri' chuqa' rije' kan tikich'ara-ki' chupan ri qitzij.

Hebreos 2:11

Konojel xa jun kitata'. Ri Jesús kan loq'olej-wi, y nuben chike ri ralk'ual ri Dios chi ye'ok loq'olej; roma ri' man nik'ix ta nubij rach'alal chike.