Wuj Richin ri Chojmirisabelri'il 16:13 - Kaqchiquel Bible

¹³ Y xtuya' k'a ri pom pa ruwi' ri q'aq' toq k'o chik chinuwech yin, richin chi ri rusibil ri pom xtunojisaj ruwi' ri tz'apebel ruwi' ri káxa richin chi man nutz'et ta ri ruwi', y keri', man niken ta.

Wuj Richin ri Chojmirisabelri'il 16:13 ပူးပေါင်းရင်းမြစ်များ

Ex 25:21

Y chupan k'a ri káxa ri' xtaya-wi ri ka'i' tz'alem taq abej, ri niq'alajirisan chi roj k'o chik tununri'il chiqakojol y k'ari' xtaya' ri tz'apebel ruwi' ri káxa.

Ex 28:43

Ri Aarón y ri e ruk'ajol kan k'o k'a chi nikikusaj re jun rupan tzieq re' toq xke'ok chupan ri wachoch o toq ye'apon-apo rik'in ri porobel-pom richin yinkisamajij yin. Roma ri' kan tikikusaj-el ri tzieq ri' toq ye'apon pa wachoch, richin keri' man yemakun ta y man yeken ta. Y jare' ri pixa' re ninya' chire ri Aarón y chike ri e rijatzul richin jantape'.

Ex 30:1

Tabij chuqa' chi xtiban jun chik porobel richin niporox pom y re' niban rik'in che' acacia.

Wuj Richin ri Chojmirisabelri'il 22:9

Kan tiyaka' k'a pan iwánima ri pixa' ri nuya'on chiwe, richin keri' man yixqaqa ta pa mak, y richin man yixken ta roma niben chi man jun rejqalen ri pixa' ri'; yin Jehová ri in ch'arayon iwichin.

Wuj Richin ri Q'axanri'il 16:18

Y keri' nimaq'a' yan chikijujunal k'a rije' xkik'en-pe ri kiporobal-pom y k'ari' xkiya' racheq-q'aq' y pom chupan, y junan xebepa'e-apo kik'in ri Moisés y ri Aarón ri chiri' chuchi' ri rachoch ri Dios.

Wuj Richin ri Q'axanri'il 16:46

K'ari' ri Moisés xubij chire ri Aarón: Tabek'ama-pe ri aporobal y taya-pe racheq-q'aq' chupan ri k'o pa ruwi' ri porobel, y chuqa' taya-pe pom pa ruwi'. K'ari' anineq katok chikikojol ri qawinaq richin chi ri Dios nuk'en chik kiwech, roma rija' yakatajineq royowal y ri kamik okineq chikikojol ri winaqi' y janila e k'iy yan keken, xcha-el chire ri Aarón.

Wuj Richin ri Q'axanri'il 4:15

Y toq ri Aarón y ri e ruk'ajol e k'achojineq chik richin nikipis-rij ronojel ri richin ri wachoch y ronojel ri taq samajibel ri ye'ukusex chuqa' chupan ri wachoch; y toq ri tinamit jari' ek'o chik richin ye'el-el chiri' richin chi yebe juk'an chik, jari' toq yepe ri e rijatzul kan ri Quehat y yekik'uaj-el ronojel ri e pisil chik. Jak'a man jun bey tikichop jun chike ronojel ri samajibel ri', richin keri' man yeken ta. Jare' ri kisamaj ri e rijatzul kan ri Quehat chupan ri wachoch richin molojri'il.

Deut 33:10

Rix xtik'ut ri q'atbel-tzij chikiwech ri iwinaq israelita, xtik'ut ri pixa' chuwech ri itinamit. Xtiporoj k'a ri pom chuwech ri Jehová, y xtisuj ri chikop pa ruwi' ri porobel.

Hebreos 7:25

Y roma ri' rija' kan jantape' k'a nitikir yerukol ri yejel-apo rik'in ri Dios pa rubi' rija'. Roma rija' kan man kamel ta, y roma ri' beneq-ruwech nuk'utuj rutzil ri Dios pa kiwi'.

Hebreos 9:24

Ri Cristo man xok ta apo chupan ri rachoch ri Dios ri banon koma winaqi', ri xa ruwachibel ri rachoch ri Dios ri k'o chila' chikaj. Rija' kan xok k'a chila' chikaj, y kan rik'in-apo ri Dios k'o-wi, richin nich'on pa qawi' roj.