Wuj Richin ri Chojmirisabelri'il 16:10 - Kaqchiquel Bible

¹⁰ Jak'a ri ruka'n tzuntzun ri k'a k'es na, ri nuk'uan-el ri imak rix, k'a nik'oje' na chinuwech yin y k'a toq k'achojineq chik na ronojel ri nik'atzin, k'ari' k'a xtibe'isq'opex kan pa tz'iran ruwach'ulew richin xtink'en chik iwech.

Wuj Richin ri Chojmirisabelri'il 16:10 ပူးပေါင်းရင်းမြစ်များ

Wuj Richin ri Chojmirisabelri'il 14:7

K'ari' ri sacerdote xtuchikaj wuqu' mul ri kik' ri xolon rik'in ya' chirij ri wineq ri xk'oje' ri itzel yabil chirij, richin nich'ajch'ojir. Xeri' xtibix chi ri wineq ch'ajch'oj chik, y xtisq'opex-el ri jun chik aj-xik' chikop richin xtibe pa juyu'.

Wuj Richin ri Chojmirisabelri'il 16:8

K'ari' ri Aarón yeruya' k'a pa sakinik ri e ka'i' tzuntzun richin yin xtinq'alajirisaj ri achike ri xtok kan wichin, y ri achike ri xtibe'isq'opex kan richin nuk'uaj-el ri imak rix.*f5*

Wuj Richin ri Chojmirisabelri'il 16:9

Y ri achij tzuntzun ri xtok kan wichin yin, jari' ri xtusuj chuqa' richin jun kamelabel richin kuyubel imak rix.

Romanos 3:25

Ri Dios xuteq-pe ri Cristo richin xken, y rija' xok jun kamelabel. Keri' ri Jesús xusuj ri rukik'el. Y xabachike ri kan nukuquba' ruk'u'x rik'in ri Cristo kan nikuyutej-wi rumak y niqa' chuwech ri Dios. Ri ojer kan rija' janila xkoch'on, y man xuya' ta ri rutojbalil ri kimak ri winaqi'. Jak'a re wakami niq'alajin chi kan choj. Y roma kan choj wi, roma ri' nuben chiqe chi man jun qamak yojk'ulun chuwech roma qakuquban qak'u'x rik'in.

Romanos 4:25

Y rija' kan roma k'a qamak roj toq xjach pa kamik, y k'ari' ri Dios xuk'asoj-pe richin xuben chiqe chi kan man jun qamak xojk'ulun chuwech.

2 Corintios 5:21

Ri Cristo kan man jun bey k'a xmakun, jak'a kan xban chire roma ri Dios chi achi'el xa ta jun aj-mak, richin chi qonojel roj yojk'ulun ta chuwech ri Dios chi man jun qamak.

1 Juan 2:2

Ja rija' ri xken richin chi nikuyutej qamak roj y konojel ri ek'o chuwech re ruwach'ulew.

1 Juan 3:16

Rik'in re' niqatz'et ri ajowabel: Chi ri Jesucristo man xupoqonaj ta xuya-ri' pa kamik qoma roj. Keri' chuqa' roj k'o chi niqaya-qi' pa kamik, koma ri qach'alal, wi kan nik'atzin.