Wuj Richin ri Chojmirisabelri'il 15:28 - Kaqchiquel Bible

²⁸ Toq xtiq'ax kan ri ruyabil, ri ixoq k'o chi nroyobej na wuqu' q'ij, y chirij ri' xtich'ajch'ojir.

Wuj Richin ri Chojmirisabelri'il 15:28 ပူးပေါင်းရင်းမြစ်များ

Wuj Richin ri Chojmirisabelri'il 15:27

Xabachike k'a wineq ri xtichapo ronojel re', chuqa' ri wineq ri' xtok man ch'ajch'oj ta, y k'o chi natin y k'o chi nuch'ej ri rutziaq. Y ri wineq ri' kan xtok man ch'ajch'oj ta chijun ri q'ij ri' k'a toq nok-pe ri aq'a'.

Wuj Richin ri Chojmirisabelri'il 15:29

Y ri ruka'n q'ij chire ri', ri ixoq k'o chi nuk'uaj ka'i' paloma e nima'q o e ka'i' taq kokoj, y nipe k'a chuchi' re wachoch chinuwech yin y xkerujech pa ruq'a' ri sacerdote.

San Mateo 1:21

Ri ak'ual ri xtralaj, ti ala', y Jesús*f1* ri rubi' ri xtaya'. Keri' xtubini'aj roma ja rija' xtikolon kichin ri awinaq chupan ri kimak, xcha'.

1 Corintios 1:30

Jak'a xuben chiqe roj chi jun qabanon rik'in ri Cristo Jesús. Ri na'oj richin ri Dios xpe qik'in roj roma ri Cristo. Chuqa' xuben chi roma rija' man jun qamak yojk'ulun chuwech, oj ch'aron chik richin rija' y oj kolotajineq chik.

1 Corintios 6:11

Y ri rubanon kan, keri' ri ik'aslen rix. Jak'a re wakami ch'ajch'oj chik ri iwánima, ix ch'aron chik richin ri Dios, y man jun chik imak yixk'ulun chuwech rija' roma ri samaj ri xuben ri ajaw Jesús y ri Loq'olej Espíritu.

Gálatas 3:13

Jak'a ri Cristo xojrukol chuwech ri ruk'ayewal ri niqaqa pa qawi' roma man niqataqej ta ri nubij ri pixa'. Kan pa ruwi' rija' xqaqa-wi ri ruk'ayewal ri xa pa qawi' ta roj ruk'amon chi xqaqa-wi, roma ri ruch'abel ri Dios nubij chi kan itzel ruwa-ruq'ij ri wineq ri nitzeqebex chuwech jun che'.*f9*

Gálatas 4:4

Jak'a toq xoqaqa ri q'ij ri cha'on roma ri Dios, rija' xuteq k'a pe ri ruk'ajol y xo'alex-qa rik'in jun ixoq. Y roma chiqakojol roj judío xalex-wi ri ruk'ajol, xk'oje' k'a chuxe' ri pixa' richin ri Moisés.