Wuj Richin ri Chojmirisabelri'il 15:19 - Kaqchiquel Bible

¹⁹ Toq jun ixoq ri k'o yabil richin chi ik' chire, re' kan xtok man ch'ajch'oj ta wuqu' q'ij. Y xabachike wineq ri xtichapo ri ixoq ri' xtok man ch'ajch'oj ta chijun ri q'ij ri' k'a toq nok-pe ri aq'a'.

Wuj Richin ri Chojmirisabelri'il 15:19 ပူးပေါင်းရင်းမြစ်များ

Wuj Richin ri K'uxla'anik 1:17

Ri tinamit Sión kan xuk'utuj to'onik, jak'a kan man jun xto'on richin. Ri Jehová kan jare' k'a ri ruchojmilal ri ruya'on kan pa ruwi'; chi ri tinamit ri ek'o chunaqaj xke'ok etzelanel richin. Roma ri' ri Jerusalem kan itzel k'a xtz'et koma rije'.

Ez 36:17

Rat Ezequiel, toq ri awinaq israelita k'a ek'o na pan aruwach'ulew, xa kan xkiben chire chi ri ruwach'ulew ri' xok man ch'ajch'oj ta, achi'el toq jun ixoq k'o yabil richin chi ik' chire man ch'ajch'oj ta.

Wuj Richin ri Chojmirisabelri'il 12:2

Kere' tabij chike ri awinaq: Jare' ri ruchojmilal toq jun ixoq niyawej kan chirij jun ak'ual, y toq napon ri q'ij nralaj jun ti ral ala'. Ri q'ij toq nalex ri ak'ual, ri ixoq wuqu' k'a q'ij xtok man ch'ajch'oj ta, achi'el toq k'o ri ruyabil richin chi ik', kan man ch'ajch'oj ta.

Wuj Richin ri Chojmirisabelri'il 12:4

Jak'a ri te'ej k'o chi nuchajij chik juwineq oxlajuj q'ij richin chi nich'ajch'ojir chire ri ruyabil. Kan man utz ta k'a chi nuchop ri ch'aron chik richin nok wichin yin, y man utz ta chuqa' nipe pa wachoch, k'a toq xtapon na ri q'ij toq nitz'aqet ri ch'ajch'ojirisanik ri'.

Wuj Richin ri Chojmirisabelri'il 15:20

Xabachoq pa ruwi' k'a nikotz'e' o nitz'uye-wi ri ixoq ri', chupan ri wuqu' q'ij ri', kan xke'ok man e ch'ajch'oj ta.

Wuj Richin ri Chojmirisabelri'il 20:18

Wi k'o ta jun achin nik'oje' rik'in ri rixjayil ri k'o yabil richin chi ik' chire, ri achin ri' nuben chire chi man jun rejqalen ri jun ixoq, y ri ixoq ri' nuben qa chi maneq rejqalen, y roma ri' chi e ka'i' k'a xke'elesex-el chi'ikojol rix.

San Mateo 15:19

Roma xa pa kánima k'a ri winaqi' yepe-wi ri itzel taq ch'obonik. Chiri' nipe-wi ri ch'obonik toq yekamisan. Chiri' chuqa' nipe-wi ri ch'obonik toq ri winaqi' ri e k'ulan y ri man e k'ulan ta nikikanola-ki' richin yemakun; chuqa' chiri' nipe-wi toq ye'eleq', toq yetz'uku tzij, y chuqa' toq yeyoq'on.

Marcos 5:25

Chikikojol ri janila chi winaqi' beneq jun ixoq yawa', ri k'o yan chik kablajuj juna' nibiyin rukik'el y man tanel ta.