Wuj Richin ri Chojmirisabelri'il 15:16 - Kaqchiquel Bible

¹⁶ Ri achin ri nel-pe ri achi'el ya' chupan ri rukowil, k'o k'a chi natin y nuch'ej ri rutziaq. Y kan xtok man ch'ajch'oj ta chijun ri q'ij ri' k'a toq nok-pe ri aq'a'.

Wuj Richin ri Chojmirisabelri'il 15:16 ပူးပေါင်းရင်းမြစ်များ

Wuj Richin ri Chojmirisabelri'il 15:17

Y xabachike tzieq, o xabachike sale'y ri achoq chuwech nitzaq kan juba' ri achi'el ya' ri', kan xkech'aj y xke'ok kan man ch'ajch'oj ta chijun ri q'ij ri' k'a toq nok-pe ri aq'a'.

Wuj Richin ri Chojmirisabelri'il 15:18

Toq jun achin xk'oje' yan rik'in ri rixjayil, k'o chi ye'atin chi e ka'i'. Y chi e ka'i' xke'ok man ch'ajch'oj ta chijun ri q'ij ri' k'a toq nok-pe ri aq'a'.

Wuj Richin ri Chojmirisabelri'il 22:4

Jun sacerdote nok man ch'ajch'oj ta wi k'o ta yabil ri nutaluj-ri' chirij, o ri nel ta ri achi'el ya' chupan ri rukowil, o xtuchop jun ch'akulaj kamineq, o jun wineq ri man ch'ajch'oj ta, o jun chikop ri man ch'ajch'oj ta. Roma ri' man nutej ta ri sipanik ri e jachon chuwe k'a toq xtich'ajch'ojir na.

2 Corintios 7:1

Keri' wach'alal ri yalan yixinwajo', roma ri rusujun kan ri Dios chiqe, kan tiqach'ajch'ojirisaj-qi' chire ronojel ri xa man ch'ajch'oj ta, richin chi ri qach'akul y ri qánima kan ch'ajch'oj ta chuwech ri Dios. Y rik'in ri rukiy ri Dios tiqatija' qaq'ij chi jantape' oj ch'ajch'oj chuwech rija'.

Deut 23:12

Chuqa' k'o chi nich'er ri akuchi yixpaman-wi, y kan nej juba' chire ri akuchi ixk'o-wi-qa.

1 Pedro 2:11

Wach'alal ri yalan yixinwajo', roma xa ix q'axel chuwech re ruwach'ulew, ninbij k'a chiwe chi man tiya' q'ij chire ri itzel taq rayinik pan ik'aslen roma jari' ri yebanon oyowal iwik'in.

1 Juan 1:7

Ri Dios kan k'o-wi pa saqil, y wi roj chupan re qak'aslen yojbiyin pa saqil, kan junan k'a qawech qonojel. Y chuqa' ri rukik'el ri Jesucristo ri ruk'ajol, nrelesaj ronojel ri qamak.