Wuj Richin ri Chojmirisabelri'il 14:7 - Kaqchiquel Bible

⁷ K'ari' ri sacerdote xtuchikaj wuqu' mul ri kik' ri xolon rik'in ya' chirij ri wineq ri xk'oje' ri itzel yabil chirij, richin nich'ajch'ojir. Xeri' xtibix chi ri wineq ch'ajch'oj chik, y xtisq'opex-el ri jun chik aj-xik' chikop richin xtibe pa juyu'.

Wuj Richin ri Chojmirisabelri'il 14:7 ပူးပေါင်းရင်းမြစ်များ

2 Rey 5:10

K'ari' ri Eliseo xuteq-pe ri rusamajel rik'in ri Naamán y xubij-el chire: Kabiyin pa raqen-ya' Jordán y tabech'aja-awi' wuqu' mul chupan ri ya' ri'; y ri ach'akul kan xtich'ajch'ojir, xcha-el.

2 Rey 5:14

K'ari' xbe ri Naamán, y xuch'ej-ri' wuqu' mul chupan ri raqen ya' Jordán, achi'el xubij-el ri rusamajel ri Dios chire. Y ri ruch'akul xch'ajch'ojir, y kan achi'el ruch'akul jun ak'ual xuben kan.

Wuj Richin Bix Chire ri Dios 51:2

Kinach'ajch'ojirisaj chire ri itzel nubanobal. Kan kinajosq'ij chire ri numak.

Wuj Richin Bix Chire ri Dios 51:7

Tabana' utzil tawelesaj ri numak, richin keri' xkinok ch'ajch'oj chawech. Kinajosq'ij, richin chi ri nuk'aslen xtok más seq chuwech ri chuma-tew.

Wuj Richin ri Isaías 52:15

Y keri' k'a chuqa' kan e k'iy k'a tzobaj winaqi' richin ri ruwach'ulew ri xtikuyutej kimak. Ri e rey toq xtikitz'et, kan man jun xtikibij, roma xtikitz'et ri man jun bey bin chike, y xtiq'ax chikiwech ri man jun bey e kak'axan.

Ez 36:25

Kan xtinchikaj k'a ch'ajch'oj ya' pan iwi' richin xkixinch'ajch'ojirisaj chire ri imak. Y keri' xkixinkuy roma rix man ix ch'ajch'oj ta y roma xiya' kiq'ij ri wachibel.

Dn 9:24

Ri Dios nubij chi 490 juna' nrajo' richin chi yekolotej ri awinaq israelita y ri atinamit Jerusalem, y richin nik'is ri rutojbalil ri yakatajinenri'il y ronojel mak. Chupan ri q'ij ri' xtikik'ul ri kuyubel-mak, y xtik'oje' k'a ri ruchojmilal jantape' achi'el ri e q'alajirisan y ri xk'utumej chawech. K'ari' xtijaqatej ri k'ak'a' rachoch ri loq'olej Dios.

Wuj Richin ri Chojmirisabelri'il 13:13

re yabil re' xtitz'et k'a roma ri sacerdote. Y toq xtitz'et chi ri yabil seq rubanon, y rumajon chijun ri ruch'akul ri wineq, kan xtuq'alajirisaj-wi chire chi man jun itzel yabil ta.

Wuj Richin ri Chojmirisabelri'il 13:17

richin nutz'et-pe jun bey chik. Y toq ri sacerdote xtutz'et chi ri ch'a'k xa seq chik rubanon, kan xtuq'alajirisaj k'a chi ri wineq ri' ch'ajch'oj chik.

Wuj Richin ri Chojmirisabelri'il 14:51

Xeri' nuk'en-apo ri jun chik aj-xik' chikop, ri juba' tiox-che', ri q'ayis, y ri kaqkoj k'an: ronojel re' yeruju-qa chupan ri bojo'y akuchi k'o-wi ri rukik'el ri nabey aj-xik' chikop ri xolon rik'in ya'. Y ri sacerdote xtuchikaj wuqu' mul ri kik' ri xolon rik'in ya' chirij ri jay.

Wuj Richin ri Chojmirisabelri'il 16:14

K'ari' nuk'en juba' chire ri rukik'el ri achij wákix, ri ruk'uan chuqa' apo y nuju' jun chike ri ruwi-ruq'a' chupan, y nuchikaj pa ruwi' ri tz'apebel ruwi' ri káxa, y chuqa' nuchikaj wuqu' mul ri kik' ri chuwech-pe ri káxa.

Wuj Richin ri Chojmirisabelri'il 16:19

Y xtuju' k'a qa jun chike ri ruwi-ruq'a' chupan ri kik' ri k'a k'o kan, y xtuchikaj k'a wuqu' mul chirij ri porobel, richin chi nujech chuwe yin. Y keri' xtich'ajch'ojir chire ri itzel taq kibanobal ri awinaq.

Wuj Richin ri Chojmirisabelri'il 16:22

Chiri' k'a xtiberisq'opej kan y ja ri tzuntzun k'a ri xtuk'uan-el ronojel ri kimak ri winaqi' k'a pa taq tz'iran ruwach'ulew ri akuchi man jun chik wineq k'o.

Wuj Richin ri Chojmirisabelri'il 4:17

y chiri' k'a nuju-qa ruwi' ruq'a' pa kik', y k'ari' nuchikaj wuqu' mul chinuwech yin ri akuchi k'o-wi ri tzieq ri nich'aron rupan ri jay.

Wuj Richin ri Chojmirisabelri'il 4:6

y chiri' k'a nuju-qa ruwi-ruq'a' pa kik', y k'ari' nuchikaj wuqu' mul chinuwech yin ri akuchi k'o-wi ri tzieq ri nich'aron rupan ri jay.

Wuj Richin ri Chojmirisabelri'il 8:11

Y juba' chire ri aceite ri' xuchikaj wuqu' mul pa ruwi' ri porobel richin ri kamelabel. Kan xuya' k'a aceite chirij ri porobel ri' y chikij ri rusamajibal, chirij ri yakbel-ya' y chirij ri ruch'okolibal y keri' xerujech pa rusamaj ri Dios.

Wuj Richin ri Miqueas 7:19

Tabana' utzil tajoyowaj chik k'a qawech, y tamestaj ronojel ri qamak. Ronojel ri itzel taq qabanobal tak'aqa-el chupan ri palou.

Wuj Richin ri Q'axanri'il 19:12

Roma ri' ri wineq ri' nik'atzin nuch'ajch'ojirisaj-ri' ri pa rox q'ij y ri pa ruwuq q'ij, rik'in ri ya' ri richin ch'ajch'ojirisanik. Y keri' kan xtich'ajch'ojir kan. Jak'a wi man xtuch'ajch'ojirisaj ta ri' ri pa rox q'ij y ri pa ruwuq q'ij, kan man xtich'ajch'ojir ta.

San Juan 19:34

Man rik'in ri' jun chike rije' xuju' ri rutza'n ri rukum pa ruk'alk'a'x ri Jesús, y kan jari' k'a toq xbe'el-pe kik' y ya'.

Hebreos 10:22

Roma ri' qojjel k'a apo rik'in ri Dios, rik'in ch'ajch'oj qánima y kan kuqul-qak'u'x. Ch'ajch'ojirisan ta ri qánima chire ri etzelal, y ri qak'aslen ch'ajon ta chik rik'in ch'ajch'ojilej ya'.

Hebreos 12:24

Ojk'o apo rik'in ri Jesús ri nisamajin ri k'ak'a' jikibel-tzij y rik'in ri rukik'el ri xbiyin ri xuch'ajch'ojirisaj ri qánima, roma ri rukik'el rija' más rejqalen chuwech ri rukik'el ri Abel.

Hebreos 9:13

Chupan ri nabey jikibel-tzij nubij, chi wi k'o jun wineq ri man ch'ajch'oj ta chuwech ri Dios, k'o chi nichikex pa ruwi' rija' ri rukik'el jun achij wákix o jun tzuntzun o ri chaj richin jun ti wákix richin nich'ajch'ojirisex.

Hebreos 9:19

Roma toq ri Moisés rubin chik chike ri winaqi' ronojel ri nubij chupan ri pixa' chi k'o chi nikiben, xberuk'ama-pe kikik'el alaji' taq wákix y tzuntzun, xolon rik'in ya'. Y rik'in rusumal karne'l ri kaqarisan rik'in aq'om y juboraj q'ayis hisopo, xuchikaj pa ruwi' ri wuj ri ruk'uan ri pixa' y pa kiwi' konojel ri winaqi'.

Hebreos 9:21

Y xuchikaj chuqa' ri kik' chirij ri rachoch ri Dios y chikij ronojel samajibel ri ye'ukusex pa rusamaj.

Hebreos 9:26

Roma xa ta k'iy bey xusuj-ri', k'iy ta bey xuk'owisaj tijoj-poqonal y k'iy ta bey xken, kan rutikeriban ta pe toq xban re ruwach'ulew. Jak'a man keri' ta ri xuben. Xa k'a chupan re ruk'isibel q'ij richin re ruwach'ulew, toq xpe y xaxe jun bey xken richin chi xojrukol chupan ri qamak.

1 Pedro 1:2

Ri Qatata' Dios xixrucha' k'a rix, y kan ja ri Loq'olej Espíritu ri xch'aron iwichin richin ninimaj rutzij ri Jesucristo, y nich'ajch'ojir ri ik'aslen rik'in ri rukik'el. Ri Dios xtuya' ta k'a janila utzil y uxlanen pan iwi'.

1 Juan 5:6

Toq ri Jesucristo xpe wawe' chuwech re ruwach'ulew, xqasex ya' pa ruwi', y chuqa' xbiyin rukik'el toq xken chuwech ri cruz. Man xaxe ta xqasex ya' pa ruwi', xa kan xbiyin k'a chuqa' ri rukik'el. Y re' ja ri Loq'olej Espíritu ri niq'alajirisan ri qitzij, roma kan xaxe ri qitzij ri nubij.