Wuj Richin ri Chojmirisabelri'il 14:45 - Kaqchiquel Bible

⁴⁵ Wi keri', kan xtiwulex k'a ri jay jumul y ronojel ri ukusan chire ri jay; ri abej, ri che' y ri ulew, kan xtibetorix kan nej chire ri tinamit, ri kan cha'on akuchi yetorix-wi ri kan man e ch'ajch'oj ta.

Wuj Richin ri Chojmirisabelri'il 14:45 ပူးပေါင်းရင်းမြစ်များ

2 Rey 10:27

Y xkiwulaj k'a ri wachibel paban-q'anej richin ri Baal, y xkiwulaj kan ri rachoch. Ri chiri' re wakami xok richin chulubel.

2 Rey 18:4

Rija' xrelesaj k'a ri akuchi nikiya-wi kiq'ij wachibel pa ruwi' taq juyu'. Xerupaxij ri dios ri e banon rik'in abej y xuqupij-el ri paban-che' richin ri Asera. Chuqa' xuwulaj ri kumetz ri banon rik'in q'enq'oj-pueq ri chuqa' xkibij Nehustán*f7* chire. Ri winaqi' kan nikiya-wi k'a ruq'ij ri kumetz y kan nikiporoj pom chuwech.

Wuj Richin ri Jeremías 52:13

Y toq xapon chiri', xuporoj ri rachoch ri Dios, ri rachoch ri rey y ronojel ri jay richin ri tinamit ri'. Y ri xeporox más ja ri jay ri k'o kejqalen.

Ez 5:4

Y chire ri rusumal-awi' ri ayakon kan, xtak'en-pe ka'i-oxi' y re' xtaya-qa pa q'aq'. Y chiri' xtel-wi-pe ri q'aq' ri xtik'aton richin ri tinamit Israel.

Wuj Richin ri Chojmirisabelri'il 14:41

Y rija' xtuteq rujosik ronojel ruwech ri tz'aq chupan ri jay, y keri' chuqa' ri poqolaj xtuk'uex-el nej chire ri tinamit, ri kan cha'on akuchi yetorix-wi ri kan man e ch'ajch'oj ta.

Wuj Richin ri Chojmirisabelri'il 14:46

Y toq ri sacerdote rubin chik k'a chi titz'apex ri jay, y k'o ta jun wineq nok-apo chupan, re wineq re' kan xtok man ch'ajch'oj ta chijun ri q'ij ri', k'a toq nok pe ri aq'a'.

San Mateo 22:7

Jari' toq xapon rutzijol rik'in ri rey, y rija' xyakatej royowal, y xeruteq aj-labal chikij richin chi xek'is k'a ri e kamisanela' kichin ri e rusamajel, y chuqa' xuteq ruporoxik ri kitinamit.

San Mateo 24:2

Jak'a toq rija' xch'on-apo chike, xubij: Ja' yalan e jebel. Jak'a yin kan qitzij ninbij chiwe, chi xtapon k'a jun q'ij toq xa kan xkewulex re nimalej taq abej re e ukusan chike re jay re'; xketzaq k'a pe y kan man jun k'a abej ri xtik'oje' kan, xcha'.

Apocalipsis 11:2

Jak'a ri ruwa-jay ri richin ri wachoch man tawetaj, roma xa jachon chik pa kiq'a' ri winaqi' ri man ketaman ta nuwech y kawineq ka'i' ik' xtikixeq'-xtikipalibej ri loq'olej tinamit Jerusalem.