Wuj Richin ri Chojmirisabelri'il 14:34 - Kaqchiquel Bible

³⁴ Jare' ri ruchojmilal re ninya' yan chiwe richin niben toq ixk'o chik chupan ri ruwach'ulew Canaán: Wi ta yin ninben chi nibek'ulun-pe pus pa jun jay y ri pus ri' nutaluj-ri'.

Wuj Richin ri Chojmirisabelri'il 14:34 ပူးပေါင်းရင်းမြစ်များ

Wuj Richin ri Rutikeribel 12:7

Y ri Jehová xbepapo' chuwech ri Abram y xubij chire: Chike konojel awijatzul xtinya-wi re ruwach'ulew re', xcha'. Y jari' ri Abram xuben-q'anej jun porobel richin xuporoj jun kamelabel chuwech ri Jehová roma chiri' xuk'ut-wi-ri' chuwech.

Wuj Richin ri Rutikeribel 13:17

Kayakatej k'a el richin yabe chunik'oxik ri ruwach'ulew y tatzu' ri raqen y ri ruwech, roma jare' ri xtinya' kan chawe rat.

Wuj Richin ri Rutikeribel 17:8

Yin xtiya' chawe rat y chike ri awijatzul ri ruwach'ulew ri akuchi atk'o-wi wakami ri xa q'axel, chijun re ruwach'ulew Canaán xtinya' chawe richin q'asen. Y yin xkinok ki-Dios ri awijatzul, xcha'.

Ex 15:26

Y xubij: Wi kan qitzij xtiwak'axaj ri nuch'abel yin Jehová ri i-Dios, y kan xkixbiyin choj chinuwech, y kan xtiben ronojel ri nubij ri pixa' y kan xtiyek pan iwánima, kan man jun k'a yabil xtinteq-pe pan iwi' achi'el ri xinteq pa kiwi' ri aj-Egipto, roma ja yin Jehová ri in aq'omanel iwichin, xcha' ri Jehová.

Wuj Richin Etamabel-Tzij 3:33

Ri Jehová kan ruyon k'a ri man utz ta ri nuteq pa ruwi' ri rachoch ri aj-mak, jak'a pa ruwi' ri rachoch ri wineq ri choj ruk'aslen kan ruyon k'a urtisanik ri nuteq-pe.

Wuj Richin ri Isaías 45:7

Ja yin yiya'on ri saqil, y yiya'on ri q'equ'm. Yin yibanon chike ri winaqi' chi yebe pa jotol, y ja yin yibanon chike chi yebe pa xulan. Ja yin Jehová ri yibanon ronojel re'.

Wuj Richin ri Chojmirisabelri'il 14:33

Ri Jehová xch'on chik jun bey rik'in ri Moisés y ri Aarón y xubij chike:

Wuj Richin ri Chojmirisabelri'il 14:55

toq jun wineq ye'el-pe sipojik chirij, nipujan ri ruch'akul, ri ye'el-pe seq'eseq yabil chirij ri seq yetzu'un, o toq ye'el-pe pus chirij jun tzieq o pa jun jay,

Wuj Richin ri Chojmirisabelri'il 20:24

Yin kan nujikiban nutzij chiwe richin kan xtok kan iwichin ri kiruwach'ulew rije'. Kan ja yin ri xkiya'on chiwe ri ruwach'ulew ri akuchi niwachin ronojel ruwech tiko'n, richin xtok iwichin. Ja yin Jehová ri i-Dios ri yibin, y ri xcha'on iwichin chikikojol konojel ruwach'ulew.

Wuj Richin ri Chojmirisabelri'il 23:10

Kere' k'a tabij chike ri awinaq: Toq rix xixok yan chupan ri ruwach'ulew ri xtinya' chiwe richin niwichinaj kan, y toq xtiq'et k'a ri jalajoj ruwech ixin, k'o chi nik'en-pe ri nabey q'etaj chire ri sacerdote.

Wuj Richin ri Chojmirisabelri'il 25:2

Kere' tabij chike ri awinaq: Toq xke'ok chupan ri ruwach'ulew ri xtinbenya' chike, ri kulew k'o chi nuxulan richin niya' nuq'ij-nuk'ojlen.

Am 3:6

Wi ri trompeta nixupux pa tinamit retal richin labal, konojel ri winaqi' kan nisach kik'u'x. Wi k'o jun nik'uluwachitej chupan ri tinamit, kan ja yin Jehová ri yiya'on q'ij chi keri' nibanatej.

Am 6:11

roma ri Jehová xtuteq-pe ri ruk'ayewal pa kiwi' ri jebelej taq jay y keri' chuqa' pa kiwi' ri relik taq jay; y ronojel kan xtitole' kan.

Wuj Richin ri Miqueas 6:9

Rix winaqi' richin ri tinamit, tiwak'axaj ri xtinbij yin Jehová. Ri wineq aj-na'oj trak'axaj ri nuch'abel, roma yin yitikir ninya' tijoj-poqonal pan iwi'.

Wuj Richin ri Zacarías 5:4

Ri Jehová k'iytisanel richin ronojel nubij chi xtuteq re jun etzelanik re' richin napon pa kachoch ri winaqi' ri', y xa kan xtik'oje' k'a chiri' k'a toq xtik'is na el ri tem y ri abej chire ri kachoch, xcha'.

Wuj Richin ri Q'axanri'il 32:22

Y toq xech'akatej yan kan, k'ari' xkixtzolej y yixtotej kan chuwech ri ijikiban chuwech ri Jehová y keri' chuqa' chikiwech ri ch'aqa' chik qawinaq. Keri' re ruwach'ulew re' xtok kan iwichin rix, y man jun xkixelesan-el chupan.

Wuj Richin ri Q'axanri'il 32:32

y chi xtikik'uaj-el ri kikamisabal richin yeq'ax-apo pa Canaán y chuqa' chi xtok kan kichin ri juk'an-pe chire ri raqen-ya' Jordán.

Deut 12:1

Jare' k'a ri pixa' ri ya'on chiwe, ri k'o chi nitaqej rix chijun ri ik'aslen, chupan ri ruwach'ulew ri xtuya' chiwe richin xtiwichinaj kan, ri rusujun chiqe ri Jehová ri qa-Dios roj, ri chuqa' ki-Dios ri qati't-qamama'.

Deut 19:1

Toq ri Jehová ri qa-Dios xkeruk'is-el ri winaqi' chuwech ri ruwach'ulew ri xtuya' chiwe rix richin niwichinaj y kan xkixk'ase' chupan ri nima'q taq tinamit y chupan ri jay ri ek'o chiri',

Deut 26:1

Juba-apo, rix xkixok chupan ri ruwach'ulew ri akuchi xtuya-wi ri Jehová ri qa-Dios chiwe richin niwichinaj y kan xkixk'oje' chupan.

Deut 32:49

Kabiyin pa ruwi' taq juyu' Abarim, y kajote-el pa ruwi' ri jun chike ri juyu' Nebo ri k'o wawe' pa ruwach'ulew Moab. Tatz'eta' ri juk'an chik chire ri raqen-ya' Jordán, pa ruchojmilal ri Jericó, y tatz'eta' ri ruwach'ulew Canaán ri xtinbenya' chike ri awinaq richin nikichinaj.

Deut 7:15

Ri Jehová kan xtrelesaj-el ronojel ruwech yabil y xtrelesaj ri nimalej ruk'ayewal, achi'el ri xuya' pa kiwi' ri aj-Egipto, xa kan xaxe pa kiwi' ri winaqi' ri ye'etzelan iwichin xtuya-wi.

Wuj Richin ri Josúe 13:1

Toq ri Josué kan janila chik ri'j, jari' toq ri Jehová xubij chire: Rat kan janila chik k'iy ajuna', y kan k'a k'o k'iy ruwach'ulew ri k'o richin ye'ich'ek richin nok iwichin.

1 Sam 2:6

Ri Jehová nrelesaj y nuya' k'aslen, y rija' nuben chi niken ri wineq y nuben chire chi nik'astej-el ri akuchi nimuq-wi.