Wuj Richin ri Chojmirisabelri'il 14:21 - Kaqchiquel Bible

²¹ Y wi ri wineq man jun k'o rik'in, y man nitikir ta nuk'en-pe ri oxi' karne'l, utz k'a chi nuk'en-pe xaxe jun achij karne'l richin xtuyakala' k'a chikaj richin nusuj chuwe yin. Y k'ari' xtuporoj ri ch'aqa' chire ri ruch'akul re chikop re' richin chi ninkuy rumak, y yin kan xtink'en chik k'a ruwech. Y chuqa' nuk'en-pe jun qumbel ri nojineq chi aceite olivo, y ka'i' libra k'ej xolon aceite rik'in.

Wuj Richin ri Chojmirisabelri'il 14:21 ပူးပေါင်းရင်းမြစ်များ

Wuj Richin ri Achin Job 34:19

Chuwech rija' qonojel oj junan, man xaxe ta kik'in ri achi'a' e tata'al k'o-wi, chuqa' man xaxe ta ri beyoma' ri yeruto', xa kan yeruto' chuqa' ri man jun k'o kik'in, roma kan qonojel roj winaqi' kan ja ri ruq'a' rija' ri banayon qichin.

Wuj Richin Etamabel-Tzij 17:5

Ri xa nutze'ej ri wineq ri man jun k'o rik'in, xa chirij k'a ri xk'iytisan richin nitze'en-wi; roma ri xa nitze'en chirij ri ruk'ayewal, xa kan xtapon k'a chupan ri ruk'ayewal ri'.

Wuj Richin Etamabel-Tzij 22:2

Ek'o winaqi' e beyoma' y ek'o chuqa' ri man jun ok k'o kik'in; jak'a ri ka'i' kiwech winaqi' ri', xa e junan, roma kan ja ri Jehová ri banayon-pe kichin.

Ez 46:7

Y rik'in ri wákix xtuk'en-pe juwineq libra jalajoj ruwech ixin, y k'o chi xtuk'en-pe juwineq libra rik'in ri achij karne'l. Jak'a kik'in ri waqi' karne'l xtuk'en-pe ri janipe' nrajo' rija'. Y rik'in chikijujunal ri wo'o' libra jalajoj ruwech ixin, k'o chi nuya' jun litro aceite richin olivo.

Wuj Richin ri Chojmirisabelri'il 1:14

Y wi ri wineq nuya' chuwe jun aj-xik' chikop richin niporox, k'o chi nuk'en-pe jun paloma nim o jun ti ko'ol.

Wuj Richin ri Chojmirisabelri'il 12:8

Y wi re ixoq re' xa man jun achike ta k'o rik'in, maneq akuchi niberuk'ama-pe jun ti alaj achij karne'l, utz chi nuk'uaj-apo ka'i' paloma e nima'q o e kokoj, ri jun richin niporox chinuwech yin y ri jun chik richin kuyubel-mak, y ja ri sacerdote nibanon ri kamelabel richin nich'ajch'ojir ri ixoq, richin chi nink'en chik ruwech, xcha' ri Jehová.

Wuj Richin ri Chojmirisabelri'il 14:10

Y ri ruka'n q'ij, toq napon ri ruwaqxaq q'ij, ri wineq nuk'en-pe ka'i' alaj taq achija' karne'l ri kan e tz'aqet y chuqa' nuk'en-pe jun ti ixoq karne'l ri k'o jun rujuna' ri kan tz'aqet, nuk'en-pe wo'o' libra k'ej ri xolon aceite rik'in, y jun qumbel nojineq chi aceite olivo.

Wuj Richin ri Chojmirisabelri'il 14:22

Chuqa' nuk'en-pe ka'i' paloma e nima'q o e ka'i' taq kokoj; xabachike k'a chike ri aj-xik' chikopi' ri' ri nitikir nuk'en-pe ri wineq. Jun chike ri' nusuj richin kamelabel richin kuyubel-mak, y ri jun chik niporox chijun chinuwech yin.

Wuj Richin ri Chojmirisabelri'il 27:8

Wi ri wineq man jun k'o rik'in richin nuya' ri k'o chi nutoj, k'ari' xtuk'ut-ri' chuwech ri sacerdote, y k'a ja rija' ri xtibin ri janipe' nitikir nutoj.

Wuj Richin ri Chojmirisabelri'il 5:11

Wi man nitikir ta yeruk'en-pe ri aj-xik' taq chikopi' ri' roma maneq rik'in richin nuloq'bej, utz nuk'en-pe pa ruk'exel ka'i' libra rik'in nik'aj k'ej ri chayun, richin nikuyutej rumak, y man nixol ta k'a aceite rik'in y man nuya' ta pom pa ruwi', roma re sipanik re' richin kuyubel-mak y man sipanik ta richin nijunamatej-wech.

Wuj Richin ri Chojmirisabelri'il 5:7

Wi man nitikir ta nuk'en-pe jun karne'l o jun tzuntzun roma maneq rik'in richin nuloq'bej, utz nuk'en-pe chinuwech ka'i' paloma e nima'q o e ka'i' taq kokoj, ri jun richin nikuyutej ri rumak, y ri jun chik richin niporox chijun.

San Lucas 6:20

Kan jari' k'a toq ri Jesús xerutzu' ri rutijoxela' y xubij chike: Jebel ruwa-iq'ij rix ri man jun k'o iwik'in, roma kan yixok pa rajawaren ri Dios.

2 Corintios 8:12

Roma wi xa kan ja ri pan iwánima xalex-wi-pe ri rayibel ri', ri Dios kan nuk'ul-wi chiwech ri xa janipe' ok ri yixtikir niya', roma rija' man nroyobej ta chi k'iy niya', y xa man k'iy ta ri k'o iwik'in.

2 Corintios 8:9

Kan iwetaman chik k'a ri rutzil ri qajaw Jesucristo; rija' roma kan janila ri ajowabel k'o rik'in, kan qoma k'a roj xok'oje-qa re wawe' chuwech re ruwach'ulew. Xuya' kan ri rubeyomel, y xok jun wineq ri man jun k'o rik'in richin chi roj niqil ta ri qitzij beyomel.

1 Sam 2:8

Nuben chire ri man jun k'o rik'in, richin nrelesaj-pe pa rumeba'il. Jak'a ri molonel nrelesaj-pe pa q'ayis richin nitz'uye' chikikojol ri tata'al, richin niya'ox ruq'ij. Roma ja ri Jehová rajaw ri ruch'okolibal ri ruwach'ulew y pa ruwi' ri' xuch'okoba-wi ri ruwach'ulew.