Wuj Richin ri Chojmirisabelri'il 13:45 - Kaqchiquel Bible

⁴⁵ Y keri' konojel ri winaqi' ri k'o jalajoj ruwech itzel taq yabil chikij, xtikiretz k'a ri kitziaq chikij roma bis, y man tikikusaj ri tzieq richin ri kijolon, ni man tikijik ri rusumal-kiwi'. Y chuqa' tikikusaj jun tzieq richin nikimatzej ri kichi', y keri' nikitz'apej ri nik'aj kipalej y rik'in kuchuq'a' xkech'on y xtikibij: ¡Man kixjel-pe qik'in, roma xa man oj ch'ajch'oj ta!, xkecha' rije'.

Wuj Richin ri Chojmirisabelri'il 13:45 ပူးပေါင်းရင်းမြစ်များ

Wuj Richin ri Miqueas 3:7

Xa kan xkixk'ixbitej y xa xkixsachilan rik'in ri ich'abel. Roma xa man jun chik xtiq'alajirisex chiwech roma ri Dios, xtimatzej ipalej rik'in k'ix.

Wuj Richin ri Chojmirisabelri'il 10:6

Y ek'o k'a ka'i' chik ruk'ajol ri Aarón, ri kibini'an Itamar y Eleazar. Ri Moisés xeroyoj k'a rije' y ri Aarón, y xubij k'a chike: Ri qawinaq xkebison kichin ri e ka'i' ri xuben ri Jehová chi xk'is kik'aslen roma ri q'aq'. Jak'a rix man tiben keri': xa kan jantape' k'a tichojmirisaj ri rusumal-iwi', y chuqa' man niretz ta ri itziaq chiwij roma bis. Jak'a wi rix xtik'ut richin yixbison, kan xkixken k'a, y xtiyakatej royowal ri Dios chikij konojel ri qawinaq.

Ez 24:17

Jak'a pan ewel ninya' q'ij chawe chi yajiq'ijo'x chirij. Man tak'ut chi yabison ni man tawelesaj ri kuchubel-ajolon, ni ri axajab. Chuqa' man tatz'apej apalej, ni man tatej q'utun richin bis, xcha' ri Jehová chuwe.

Wuj Richin ri K'uxla'anik 4:15

Ri e kiwinaq xa kan nikibij k'a chike ri ch'aqa' chik winaqi' chi tikich'ara-el-ki' kik'in. Nikibij k'a chike chi kebiyin juk'an chik roma rije' xa man e ch'ajch'oj ta. Toq rije' xkitaluj-el-ki' y xe'animej-el pa taq ch'aqa' chik ruwach'ulew, ri winaqi' man xkajo' ta chi rije' xek'oje-qa chikikojol.

San Lucas 17:12

Toq xapon pa jun ko'ol tinamit, ek'o k'a e lajuj achi'a' ri k'o ri yabil ri nutaluj-ri' chikij. Ri achi'a' ri' xebek'ulun-pe, jak'a xa kan k'a nej xepa'e-wi chire ri Jesús.

Ez 24:22

Y rix xtibebana' achi'el ri xinben yin chire ri Ezequiel: Man xtitz'apej ta ri ipalej retal richin bis, ni man xtitej ta q'utun richin bis.

Wuj Richin ri Chojmirisabelri'il 21:10

Ri nimalej sacerdote, xaxe rija' ruk'amon nukusaj ri tzieq ri ch'aron richin ri nusamaj, roma xya'ox aceite richin cha'onri'il pa ruwi'. Man tuya' q'ij chi nich'ixch'o-qa ri rusumal-ruwi' y man turetz ri rutziaq chirij retal richin bis.

San Lucas 5:8

Toq ri Simón ri nibix chuqa' Pedro chire, xutz'et re jun meyel banobel re' xbexuke' chuwech ri Jesús, y xubij chire: Wajaw, man ruk'amon ta k'a chi yak'oje-pe wik'in, roma yin in jun aj-mak, xcha'.

Wuj Richin ri Isaías 64:6

Qonojel roj xa man oj ch'ajch'oj ta. Roj niqach'ob chi ri qabanobal kan e utzilej-wi, jak'a chawech rat xa kan achi'el jun tzieq ri tz'il-tz'il. Qonojel oj tzaqineq achi'el nitzaq ri ruxaq taq che' ri e mayirneq chik, y ri qamak yojruqirirej achi'el nuben ri kaq'iq' chike ri ruxaq taq che'.

Wuj Richin ri Isaías 6:5

Jari' toq yin xinbij: ¡Wakami yin yiken! Roma ronojel ri ninbij, man e ch'ajch'oj ta, chuqa' chikikojol winaqi' ri man ch'ajch'oj ta ri kich'abel ink'o-wi. Man rik'in ri' kan xintz'et rik'in runaq'-nuwech ri rey, ri Jehová k'iytisanel richin ronojel, xicha'.

Wuj Richin Bix Chire ri Dios 51:3

Roma yin wetaman chi kan ximakun-wi. Ri numak kan jantape' k'a k'o chinuwech ninna' yin.

Joel 2:13

Kan ja k'a ri iwánima ri janila tibison, y man ja ta ri niretz ri itziaq chiwij retal richin yixbison. Kan titzolej-pe ik'u'x rik'in ri Jehová ri qa-Dios, roma rija' janila nujoyowaj iwech y janila nikoch'on. Xa kan niyoke' na chire ri royowal, y kan janila nim ri rajowabal. Chuqa' rija' kan janila joyowanik k'o rik'in, y rija' jantape' nikuyun mak; y man nrajo' ta nuya-pe ri rutojbalil-mak.

Wuj Richin ri Jeremías 36:24

Y stape' ri Elnatán, ri Delaías y ri Guemarías xkik'utuj utzil chire ri rey chi man tuporoj ri wuj, rija' kan man xunimaj ta kitzij. Y man xkik'en ta k'a rukiy y man xkiretz ta k'a ri kitziaq chikij retal richin yebison, ni ri rey, ni konojel ri aj-raqen ri xkak'axaj ronojel ri xusik'ij ri Baruc.

Wuj Richin ri Jeremías 3:25

Qaqasaj k'a qi' rik'in k'ixbilal, roma xqaya-qi' pa k'ixbilal, roma kan ja toq k'a oj ak'uala' na y k'a re wakami, roj y ri e qati't-qamama' kan oj makuwineq-pe chuwech ri qajaw Dios y man qaniman ta pe rutzij, xecha' ri winaqi'.

Wuj Richin Bix Chire ri Dios 51:5

Yin kan in aj-mak-wi, kan ja toq xitz'ukutej-q'anej. Kan in aj-mak chik toq xiruya' chuwach'ulew ri nte'.

Wuj Richin ri Achin Job 42:6

Y roma kan xatintz'et re wakami, kan yik'ix roma ronojel ri nubin chawij y ninwetzelaj-wi'. Roma ri' ninqasaj-wi' chawech k'a chupan re poqolaj y re chaj, xcha'.

Wuj Richin ri Achin Job 1:20

Kan jari' toq ri Job xuretz ri rutziaq chirij roma bis, y xujuk'uk'ej-el ri rusumal-ruwi', y xuxuk-xumej-ri' richin xuya' ruq'ij ri Dios roma ri xuk'uluwachij,

2 Sam 13:19

K'ari' ri Tamar xuretz-el ri rutziaq ri', y xujopij-el chaj pa rujolon, Y k'ari' xuya-el ri ruq'a' chupalej y noq' xbe.

Wuj Richin ri Rutikeribel 37:29

Y ri Rubén toq xtzolin-pe akuchi beneq-wi y xbe akuchi k'o-wi ri jul, xutz'et chi xa maneq chik ri José chiri', xpe bis rik'in y roma ri' xuretz ri rutziaq chirij.

Wuj Richin ri Isaías 52:11

Tich'ara-pe-iwi' kik'in ri aj-Babilonia, y kixel-pe. Jak'a man ke'ichop ri man e ch'ajch'oj ta, Kan tich'ara-pe-iwi' kik'in, y tich'ajch'ojirisaj-iwi' rix, ri yixuk'uan ri samajibel richin ri rachoch ri Jehová.

Wuj Richin ri Chojmirisabelri'il 13:44

re wineq re' kan k'o k'a ri itzel yabil chirij ri nutaluj-ri', y roma ri' kan man k'a ch'ajch'oj ta. Ri sacerdote k'o chi nuq'alajirisaj k'a chi ri wineq man ch'ajch'oj ta chik, roma k'o ri yabil ri' pa rujolon.

2 Rey 7:3

Chiri' chuchi-el ri tinamit ek'o k'a e kaji' achi'a' ri k'o ri yabil chirij ri kich'akul ri kan nutaluj-ri'. Y rije' xkibij-qa chikiwech: ¿Achike roma ojk'o re wawe' y xaxe qoyoben ri qakamik?